قيود الأعرج

بارت الاول

                  ~قيود الاعرج~

بـ قلمي تبـارك الـ محمد

-بارت 1-

لاتنسون التعليق بين فقره وفقره
والنجمه ان شاء الله تعجبكم

ري العمر مشوار تكضي أيامه وتعدي ولو أدري الوكت دولاب ياخذبينه ويودي جا ولا خنت ودي ولاخليت دمعي يسيل تيزاب وحرك خدي

لـيله بارده حاط طفلتي بحضني ابني يلعب سيارات ايامنه حصار منقطعه الكهرباء أفـكر شلون اعيش اطفالي الصغار ولد وطفلتين فزيت على صوت علي

علي:- ماما جوعان صار يومين انا مـاماكل الجوع اكل معدتي

ام علي:-وليدي اشغل الجوله تعال لعب اخواتك هيار وهدير
طلعت للمطبخ من الطين السكف نص الثاني متفلش تماماً دور على بصل ماعندي تنهت ادور على خُبز
الحمد الله لكيت خبزتين قطعتهن الى قطع اصغار
ضفت ماء من النهر الساجيه ضفت ماء وكركم انتظرت تفور حطيت الخبز على الماء خمس دقايق
صار مثروده اقوه اكل بنسبه الـ اطفالي صحت
وليدي علاوي تعال اخذ ماء

علي: يمه الاكل الاحبه اليوم اكمل كل صينيه

ام علي: الف عافيه وليدي باجر عگبه تكبر تسند اخواتك من الف رأسي بالكبر اريد انام مرتاحه عينك على اخياتك

علي: يوم عمر الطويل الج ان شاء الله اكبر اصير ضايط اقتل الاعداء قتلو ابويه حرموني من شوفته

ام علي: سبع وليدي ابوك ما نقتل ابوك انفقد الله اعلم بـ اي سجن موجود

علي: يمه اكبر وادور على ابويه انا سبعج سبع العباره

ام علي: ربي يحفظك ويحفظ اخواتك وتبقى خيمه على راسي وراس اخواتك يلا امي كعد ادرس حرمات يضيع وقت دراستك انتَ شاطر درس وعلم اختك هدير

هز راسه اخذ كتبه واخته يدرسون بالبستان غسلت المواعين
صفت على حياتي ايام قبل ابد ما شفت الراحه
طلعت ادور على كرب وحطب حتى اطبخ طبخه زينه
افتر بالبستان يابس جمعت الحطب اتغالب انا والنسوان تاخذ اكثر نمشي وحده وره الثاني ما يبين من النساء بس الحطب فوك الروس مره جبيره بالعمر  تغني بصياح
شد الحيل اللّه يساعدجن
سباعيات اللّه يساعدجن
دَرب أبعيد اللّه بساعدجن
حطيت حطباتي بالمطبخ طلعت للبستان نساوين تفتر صديقاتي جيرانه حطيت القوري على النار بين الطابوك والحطب الدخان عامي عيوني
ام حمزه صيح من بعيد  ام علي حسبي حسابي اريدن جاي يبرد مخيخي مصدع راسي
ام علي: اي عيني ام حمزه جاي خير من الله
رجعت للبيت اغنيه انا وعلي
هوف هوف ينطح نطحات
الخروف لا له جره ولا له صوف
صحت لوليدي
علاوي ماما علي تعال اقره المكتوب اخذت الكرتون

علي:- ماما مكتوب القمر
شجعته اي عفيه وليدي السبع الشاطر اريد منك تصير شاطر وضابط تعيش اخواتك
هز راسه نومت بناتي وصيت ام حمزه على البنيات  صحت علي يمه امشينه نروح للسوك نشتري ملابس عيد من فرحت  يركض طاح على وجه بكل الألم وقف فرحان اخذته بايده
جمعت كم فلس من البن والخاثره(روبه) طلعنه الفجر حتى نوصل من وكت وارجع من وكت  هوسة العالم بالسوك دخل علي يحجي فرحان ماما اريد طوبه ولبس كره قدم فرحان اريد سيارات ودفاتر