روايه مليكه الفهد 🌕♥️
✨part 6✨
مليكه بصدمه: هو انت...........
فهد : انتى اي الى جابك هنا مش انا قولتلك مشوفش خلقتك فوشى بس انتى الى جبتى لنفسك
مليكه بخوف وتتظاهر بالقوه: ورينى كده يا بابا ولا تقدر تعملى حاجه
فهد بخبث: اممم مقدرش اعملك حاجه ماشى
مليكه لسه هتتكلم
لقت الى بيقفل الاسانسير وضغط على زورار الاسانسير على رقم 20اخر دور يعتبر سطح الشركه
مليكه اتوترت جدا وخافت واتشجعت وقالت: انا على فكره طالعه الدور ال14انت ليه ضغط هنا
بس فهد مبيردش عليها لحد لما بيوصلوا لفوق
وبيشدها من ايديها
مليكه: اي يا عم انت انت شادت جاموسه وراك بقولك اوعى ايدي ايدي وجعتنى
بيقف فهد وبيوقفها على حافه السطح
مليكه بتبلع ريقها بالعافيه
فهد: بقا انتى يا الى متسويش ربع جنيه تزعقيلى وتعلى صوتك عليا انا فوتهالك مره ومش هفوتهالك تانى اتشهدي على روحك بقا وفجأه بيشلها وبيقربها من حافه السطح
مليكه بتصوت وخايفه اووي وبيغمى عليها وهو لسه معملش حاجه
ففهد مكنش هيعمل حاجه اصلن كان عايز يخوفها بس حس بشعور بذنب نحيتها انها اغمى عليها
وبينذلها تحت فى الدور 14وهناك بيعرف انها دكتوره تدريب جايه هنا وخلا السكرتيرا بتعته تفوقها بالبرفيون
ريم: يا انسه........... فوقى
مليكه: .........................
ريم بقلق: يا انسه فوقى
مليكه بتبدء تفوق وبتفتكر انها كانت هتقع وبتقول: ونبى لا متوقعنيش انا اسفه والله ونبى
وفهد لأول مره بيضحك اوي عليها
فهد بضحك: ههههههههه مش انتى كنتى من شويه عامله نفسك قويه اي الى خلاكى مكرمشه كده
مليكه بعيظ منه: بتضحك على ايه شايف اراجوز بدل ما تحس على دمك شويه انك هتموتنى
فهد: ههههه انتى فكرتى فعلا انى هموتك اكيد انتى هبله بقا انا على اخر الزمن اوسخ ايدي بدم واحده زيك
مليكه اتعصبت وروح فتحيه الى جواها صحيت: نعم يحبيبى سمعنى كده قولت ايه اسم الله عليك ياا بابا محسسنى انك نضيف اووي شوف نفسك فى المرايه وانا كنت هدرب فى شركتك المعفنه دي ان شاء الله ما اتدربت دهيا دختك
ادهم جه بسرعه ولحق فهد قبل ما يتهور فعلا
ادهم: خلاص يا جماعه حصل خير... معلشى يا انسه احنا اسفين معلشى واتدربي زي ما انتى مكانك فى الشركه
مليكه ساءت فيها: والله ابدا يا شيخ
ريم بتوشوشها: خلاص لمى الحوار واحمدي ربنا ان محصلكيش حاجه
بتبص لفهد الى وشه احمر من كتر الغضب. هينفجر😂
مليكه خافت: احمممم ماشى هعديها المراضى مش على ما اظن فى اجتماع صح وفى الدور ال14وكانت بتبص لفهد لكن فى حد كده منه لله عطلنى عن الاجتماع
ادهم مقدرش يمسك نفسه اكتر من كده وقعد يضحك
ادهم: خلاص يا دكتوره سماح المراضى بقا
مليكه: ولا سماح ولا امل مش هيبقا فيها مره الجايه اصلن عن اذن حضرتكوا
ومشيت وفهد كان عمال يبصلها بغيظ
ادهم : فى ايه مالك حاسس انك هتنفجر
فهد بغيظ منه: امشى من قدامى لحسن ارميك من على السطح ذي ما كنت هعمل فيها هيا بس عشان اغمى عليها معرفتش اموتها متعوتش اموت حد وهو ضعيف كده
ادهم: لا اصيل فعلا .... مبقولك
فهد بزهق : ايه
ادهم بأستفزاز: عجباك صح
فهد بعدم فهم: هي مين دي
ادهم: هي فى غيرها البنت الى كنت هتوقعها
فهد وهو بيدور على اي حاجه جنبه عشان يحدفه بيها: انا ناقصك انت كمان امشى من قدامى يا زفت قال عجباك قال
وبيجري ادهم وهو بيضحك
فهد بيبص فى الساعه بيلاقيها 4
فبيروح لاوضه الاجتماع وهو حالف ليصتقصد مليكه
بيبدا الاجتماع وبيحضروا الدكاترا كلهم
فهد بجديه: انا انهارده جمعتكم عشان البحث الى هيتعمل عن الادويه الجديده للأمراض الخبيثه
مليكه فى سرها بس فهد كان سامعها عشان قاعده قريبه منه: ده انت الى خبيث يبعيد
فهد بشبه زعيق: بتقولى حاجه يا دكتوره
مليكه: ها لا ابدا مبقولش
فهد بيبتسم بخبث: تمام
وعايز ارأءكوا فى صنع الادويه دي بما انكوا البعض منكم جاي تدريب وهيتخرج
وكل واحد قبل ما نبدأ يعرفنا على نفسه بسنه واسمه
نبدأ بيكى وبيشاو على مليكه
مليكه: انا
فهد: اه هو فى غيرك
مليكه بقلق وتوتر : تمام انا،
اسمى مليكه محمد المنشاوي و........
فهد بيقاطعها
فهد: هو انتى بنت عم محمد المنشاوي الى بيشتغل هنا فى الشركه
مليكه بتوتر وخوف: ا... اه
فهد بتلاعب : ومالك خايفه كده ليه ده حته راجل طيب وانا بحبه اوي
مليكه بتوتر : لا مش خايفه ولا حاجه...
فهد: وعندك كام سنه
مليكه: 21 سنه
فهد: تمام
فهد بيسأل احد الشباب الى موجدين الى جين تدريب بس الشاب ده كان عينه على مليكه من اول ما دخلوا
فهد بزعيق: يا استاذ مالك سرحان كده ليه ركز معايا انا بسألك بقولك انت اسمك ايه
الشاب وهو باصص لمليكه: ها... انا اسمى مراد ياسر وسنى هو 22 سنه
فهد بدأ يدايق عشان هو عمال يبص لمليكه ومليكه مش مركزه مع الشاب اساسآ مركزه ف أن ابوها ممكن ينفصل عن العمل
فهد بعصبيه وبصوت عالى خله كل الى قاعدين يتفزعوا من صوته: بقولك ايه احنا هنا للتدريب والشغل فاهم ولو عايز تبصبص تبقى تتطلع بره ومتعتبش الشركه دي فاااااهم
الكل استغرب منه وكان بيبص لمليكه بعصبيه
مراد: انا على فكره ابص ايه انت حضرتك بتقول ايه انا مركز معاك
فهد بسخريه: مهو باين هو انا وشى عند وش مليكه ولا ايه عشان تبصلها اووي كده
مليكه انحرجت وايديقت
ادهم دخل وكان صوته عالى وفهم الحوار لانه سمع كل حاجه من بره
ادهم: خلاص يفهد اكيد الاستاذ مقصدش وكمان جرا ايه يا جماعه احنا جين نتناقش ولا نتخانق
مليكه بضيق: والله يا استاذ تقوله الكلام ده مش احنا هو الى عمال يزعق من الصبح وفارش جناحته علينا(الله يرحمك يا مليكه 😂😂)
فهد وشه احمر وعروقه برزت من الغضب وقفل قبضه ايده
ادهم لما شافه كده حاول يسيطر على الموقف: خلاص يا جماعه نخلى الاجتماع فى وقت تانى اظن كل واحد عارف مكان شغله فين اتفضلوا يله على شغلكوا
مليكه: وهي كانت ماشيه كانت بترقصله حواجبها عشان تغيظه 😂😂
فهد كان هيجري وراها يمسكها وهي جريت وادهم لحقه وقاله: فى ايه يا فهد مالك متعصب كده ليه
فهد بدون وعى: انت مشوفتش كان بيبصلها ازاي هوا انا مش مالى عينه كنت عايز هموته مش هزعق بس وفجأه تمالك نفسه والكلام الى قاله ده
ادهم بخبث: الله الله انت وقعت ولا ايه يا فهود😂 بيقيت تغير يعنى ولا ايه
فهد: انت عبيط يالا ولا ايه مين ده الى يغير وعلى مين على البت دي ولا عاش ولا كان الى يوقعنى
وكمان انت عارف انى مستحيل احب حد صح ولا ايه
ادهم: امممم فعلا بس ايه البنت الى هزقتك دي بجد يعنى موزه مش هزار وفى الاخر تقولى وحشه
ولسه هيتكلم قاطعه فهد بضربه بوكس فى وشه
ادهم: ايه يا عم الهمجيه دي انت وقعت على فكره ومعجب بيها كمان
فهد بعصبيه:غور من قدامى لهدفنك مكانك حى
ادهم: خلاص يا شبح ماشى اشوف فيك يوم وشى باظ البنات هيبصولى ازاي بعد كده
فهد بقرف منه: غور من وشى يا زفت
وادهم طلع يجري
وفهد كان عمال يفكر قى انه ازاي يعمل كده وازاي حس بالغيره بمجرد ما حد بصلها او اتكلم عنها وازاي ضرب صحبه عشان قال عليها كده وهو خايف ليضعف ويحبها 🤭
نروح عند ادهم بره
ريم شافته وهو خارج
ريم: مستر ادهم خير اي الى عمل فى وشك كده
ادهم: مش احنا قولنا بلاش مستر دي وكمان يستى جاموسه خبطيتنى فى وشى عادي
ريم: بس يا ادهم بوقك بينزل دم
ادهم بتوهان وبيقرب منها: انتى قولتى ايه
ريم: بوقك بينزل دم
ادهم وهو لسه بيقرب: لا الى قبلها
ريم بدون فهم: ادهم
ادهم: يخربيت كلمه ادهم وهيا طلعه من بوقك انا مكنتش اعرف ان اسمى حلو اووي كده
ريم بخجل وتوتر: تب عن اذن حضرتك
ادهم مسك اديها: تب استنى مش تعلجى وشى الى باظ ده
ريم: تمام هروح اجيب شنطه الاسعافات وجايه
ادهم فى نفسه: شكلى هقع ولا ايه انا فعلا وقعت الملاك ده اكيد هيموتنى مش هيوقعنى ده انا اول مره اعرف انى اسمى حلو بشكل ده الدنيا هتضحك فوشى ولا ايه
وبيعود للواقع على صوت ريم الى عماله تنديه
ريم: ادهم انت روحت فين
ادهم: ونبى بلاش ادهم دي قوليلى مستر ادهم زي الاول علشان انا هيغمى عليا لو سمعتها تانى
ريم اتكسفت جدا ووشها احمر:
ادهم: يخربيت الفراوله يجدعان لما تحمر
ريم بخجل اكبر: تب يلا عشان هشوف وشك ده
ادهم: طبعا اتفضلى
وريم بدأت تعكمله وشه اصلن كانت مش مستهله وصغيره بس بنتنا قلبها رهيف وابننا مبيصدق يله نسبهم لوحدهم
نروح عند مليكه الى كانت بتكلم فاطمه فى التليفون الى قالتلها على كل حاجه حصلت
فاطمه: طب يعنى هتعملى ايه بعد كده
مليكه: والله يبنتى ما اعرف ده انا حتا مكلمتوش خالص زي ما قولتيلى ده هو الى مصتقصدنى ( انا اكتشفت ان مليكه ساعات بتحور😂)
فاطمه: تب ايه العمل بقا
مليكه: انا والله مش عارفه اعمل ايه انا خايفه اوي والله
فاطمه: يحبيبتى انتى ذنبك ايه بس بصى هقولك على حاجه
مليكه: قولى
فاطمه: انتى بأيدك تخليه مش يديقك وبردو تخليه يديقك
مليكه: بس انا مليش دعوه بيه عشان ده انسان مش محترم وشايف نفسه على الفاضى ومغروور ومتكبرر وزباله وحيوان ومش متربى اساسآ وواخد الدنيا على حسابه
واثناء ما هى بتتكلم فى التليفون فهد كان جاي ليها عشان هيقولها حاجه بخصوص الشغل وسمع كل حاجه
فهد بعصبيه: ........................
مليكه بصدمه😳: ............................
يترا فهد ردت فعله ايه؟؟؟؟
الكاتبه / نور مصطفى ✍🏻🤎
أنت تقرأ
روايه مليكة الفهد✨♥️
Roman d'amourلحظه اللقاء : "فضل سايق وهو سرحان فى كلام ادهم نروح عند مليكه الى خلصت الجامعه ومروحه هيا وصحبتها فاطمه المقربه وقفه بتتكلم معاها هب فجأه🫢 لقت عربيه هتخبتها والى كان فى العربيه فهد . ومليكه وقفه مصدومه من الى حصل وفهد داس فرامل بسرعه والعربيه كان...
