انتِ لغَه بيَن اٌنفَسِ واٌلهوُى

18

.-لا استبيح القراءه دون لايك وكمنت!!!!
-
-استغفرالله واتوب اليه -

" يا حلو القدر لما يبعدك عن شي ما يستحقك " .

بـــســـم الله الـــرحـــمـــن الـــرحـــيـــم؛

-الساعه8:43م
وصلت البيت و نزلت هي ولبنات من السياره وقفلت الباب مشو ومعهم الاكياس حقت المول الي فيها كل أغراضهم دقت الباب وفتح لها نواف الي اول ماشاف هيام ابتسم لها وهي نزلت راسها  بخجل شافتهم الجود وسحبت هيام ونطقت:يلا مناك
نواف ضحك بخفه ومشى يطلع برا البيت لان ما كان في احد داخل الحوش الا الجد ومحمد وفهد وبدر وعقاب الي جالس بدون مايتكلم،  والجده شمه ولمى وهنادي ومها فقط ......
دخلو البنات كلهم بعد رفع راسه الجد وناضر في البنات وابتسم ولما شاف الجود مو لابسه نقاب كشر ونطق بقهر:لين متى انا بعلمك هااه اقول لك البسي نقابك ترا هنا مو زي الرياض طلعين بدون نقاب شوفي اختك لابسه نقابها وش زينها
بلعة ريقها  وتأففت بملل من الموضوع الي يتكرر كل شوي ونطقت:ياجدي ياجدي افهمني ماني متعوده على العيشه هنا وعاداتكم ذي
الجد بحده:من اليوم ورايح تلبسين نقاب
الجود وسعت عيونها ونطقت بنبره شوي عاليه:هااااه
عقاب ناضر فيها ونطق بحده :مثل ماسمعتي
الجود ناضرت فيه بحقد:خلك في نفسك بالله
عقاب ناضر في بدر الي ما تكلم:ياعمي تسمح لي اقوم اهبدها
بدر:خلاص اهجدو وانتي طلعه من البيت بدون نقاب ياويلك
الجود رصت على أسنانها ونطقت:حاضر شي ثاني
عقاب ابتسم بانتصار ونطق بدر:لا روحي
الجود بحقد على عقاب الي كانت تشوفه يبتسم:وين سهم
بدر:راح مع هايف يسوي سيارته خربانه
البنات اخذو أغراضهم وطلعو غرفهم والجود الي نطقت:انا بروح البيت
الجد بعصبيه وحده:مافي روحه انطقي عند بنات عمانك
الجود بتذمر:يوهه خلاص ماقلنا شي
الجد ناضر عقاب ونطق:عقاب
عقاب رفع حاجبه:سم
الجد:سم الله عدوك متى اخر مره رحت العزبه
عقاب:يمكن قبل أسبوعين وحطينا عامل عند الحلال ليه ؟؟
الجد:بكرا بنروح له ناخذ من الغنم ونذبحه
عقاب شتت انضاره للجوال:ابشر
راحت الجود عند الجده شمه الي كانت جالسه بهدوء:وشفيك ياجده
الجده:مصدعه
الجود جلست عندها وعطتها بندول:خذي يا جده بندول
الجده أخذته وأخذت المويه حقتها بلعت البندول وشربت المويه
هنادي:الجود كيف يقين اخبارها ؟؟
الجود:ولله يقين بخير  الحمدلله 
هنادي:وشفيها معد تجيك
الجود:تو رجعنا معها وصلتها بيتها وجينا
عقاب بنفسه:ولله لو اتزوجك اني ما اخليك تطبين السياره ولا بعد بذا الشكل اوهه
قطع تفكيره جوال الجود الي دق فتحت الجوال وشافت نايف"مدير المستشفى" يدق فتحت الخط:هلا
نايف بتذمر وسخريه:متى ودك يا استاذه الجود تداومين
الجود:يبن الناس ابي اجازه بس يومين بس
نايف تنهد بضعف:طيب يومين بس
الجود:بس
نايف:يلا سلام
الجود:سلام،رفعت الجوال وقفلت قبل يقفل وابتسمت
لمى:ايوا ياللجود كملتي أغراض ملكتك
الجود وهي تبيهم ينتبهون لشعرها ابتسمت بتسليك:ايوا
ناضرت ابوها:بابا
بدر:يا كثر ماتناديني ولله انو عندك شي وشو غردي !!
ضحكت الجود ضحكه اسرت قلب الي يناضر فيها صد واستغفر ونطقت:لا بس ابيك  بسالفه
بدر فتح ذراعه ومشت الجود وجلست عنده ونطقت بهمس ووصل لمسامع الجد:يبه سهموه يبي يتزوج
بدر ضحك ونطق: مبروك بس مين الي يبيها
الجود بحماس:يقين
بدر كشر وبهمس لها:البنت مهي من ثوبنا صح اني سلكت لكم وصرت اعامله زيك بس مو يعني اني اخطبها لسهم سهم رجال ونبي له البنت السنعه الراكده وذيك انتي اخذتي من اطبعها كل يومين مترسبنا عند مكان  الوضع كله خليطي كله رجال
الجد:لا ولله مهي من ثوبنا ولبنت ذي ما تصلح ل سهم انا اجيب له بنت هنا في حرتنا اسمها مرزوقه
الجده شمه:افيههه يا مرزوقه وش تبي فيه تيك الدبه حشى مهب بنت ذي !!
الكل:هههههههههههههههههههههههههههه
الجد بضحكه:ولله انها سنعه ل سهم وتصلح له
الجده بتهزيئ:تعال انت ليه تناظر في محارم العرب بعدين اصلا مرزوقه مخطوبه
الجد حك راسه من ورا ونطق بعد ما انكب:هههههه الله يهديك انا ما اناضر  لمحارمهم
الجده بوزت:ايه اشواا
الكل:هههههههههههههههههههه
هنادي:افا الغاليه زعلت يايبه
الجود ضحكت:ياجده انا اراضيك ولا يهمك
عقاب ناضر في الجود وابتسم لا شعورياً نزل نضره للارض
ونطق:يبه ترا المهمه تكنسلت
فهد:ليه !!
محمد:وهو صادق ليه؟؟ بس احسن عشان ترتاح !!
عقاب هز راسه بنفي:لا هي ماتكنسلت بس غيرو الوقت حقها هي مداهمه اصلا
الجود نطقت بمزح:المهم اذا رحت لا تنسى البس درعك مدري وشو عشان ما تتصاوب وينادوني
عقاب ضحك:يعني مافي الا انتي بعدين بعيد الشر عني بس مابي اتصاوب اصلا كفايه الي جاتني
الجود:ايه الحمدلله انك هونت تروح عشان ما يناديني نايف ويقول تعالي اسعفي

مايدري ليه حس انه في شي داخله يحترق اول ما نطقت اسمه

تتوقعون غيره !!
نطق بدر:المهم انتبه لنفسك ياولدي من ذول الناس الي ما تخاف الله
عقاب هز راسه بـ تمام ونطقت مها بحنيه:ها يا أمي انت مكان الاصابه الي اول تعورك !!
عقاب:لا
لجود بهمس لابوها:يبه ابي اروح انام
ضحك بدر:روحي روحي يا كيس النوم
الجود:انتم ما بتجون ولا بتنامون هنا
بدر:روحي بنجيك
الجود:طيب،قامت وشالت جوالها مشت نطق الجد:ع وين
الجود:بنام
الجد:باقي بدري تو الناس
الجود انقهرت منه مره:ياجدي وين مثلا بروح ابي انام بس
بدر:هياااا الحين فصلت روحي روحي
الجود لفت وتأففت فتحت باب الحوش وقفلته بقوه مره
نطق عقاب:وجععع
الجد:ايبالله وجعع
محمد ضحك هو و فهد.............
-
دخلت البيت وتحديدا غرفتها قفلت الباب بالمفتاح ومشت متوجهه لتسريحه حطت جوالها وفسخت عبيتها وحطتها في الدولاب وراحت غرفه الملابس اخذت لها بجامه لونها ازرق فاتح شورت ونطت على السرير ونامت وهي وراها بكر ا ملكه .....

رجعة اهل الجود كلهم البيت وكمان سهم رجع ونام ودخل الجد وعياله ينامون وفهد راح بيته مع زوجته لمى وهايف و نواف  رجع ونام اما عقاب الي دخل غرفته بعد ما الكل دخل وراح غرفته انسدح على السرير ونام بعد ما اشترى كل شي بخصوص الملكه الي محد يبيها ولا الطرفين متقبلين صح نقول انو عقاب مزاجي يبيها يوم ويوم لا....

"دقيقه دقيقه دقيقه نسيت اعرفكم على عائلتين فالروايه "
نبدأ بالعائله يقين
الاب:عبدالرحمن,44 رجال حنون على بنته ولا يرفض لها طلب يعتبر الجود بنته
الام:عهد,43
وحيدتهم يقين:بنت تعشق الجود طيبه جمالها لا اله إلا الله  تحب سهم وكمان محاميه شاطره وقويه ولا تسكت عن الغلط واثقه بنفسها وفرفوشه

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
العائله الثانيه جيران الجد راشد
الاب:حسن,56"
الام:رنا,55"
البنت الصغيره:رشى عمرها,7"
اختها الثانيه والكبيره:ليال,19"
الاخ الوحيد واكبرهم :طلال مدرس في الجامعه الي قريبه من الحي الي هم فيه عمره,32"علاقته في عقاب سطحيه ولا يتجادل معه كثير
ـ
<<بارت قصير بس الي بعده طويل بنات اعذروني النت عندي مره خايس لان انا الحين في الجنوب 💃>>

انتهئ 💃
حطو نجمه💃💃
تعليق محفز💃💃
حسابي تيك:fc.oi702a
حسابي انستا:fc.oi702
<<مهممممممممممممم>>
""المهم حبيت اقول لكم خلصت عاصفة غيهب ولأن صوف ترجع ارواحنا من جديد
المهم يبنات تشوفو العنود بنخليها تدرس جامعه غزيل تدرس جامعه اخر سنه """"