انتِ لغَه بيَن اٌنفَسِ واٌلهوُى

21

-لا استبيح القراءه دون لايك وكمنت!!!!
-
-استغفرالله واتوب اليه -

بـــســـم الله الـــرحـــمـــن الـــرحـــيـــم:
.
.
.
.

يوم جديد يحمل لنا الكثير من الاحداث اليوم هو الي اليوم الي بيروحون له الشاليه
طلعت الجده شمه للحوش الي كان الكل فيه معدا الجود الي كانت تعبانه ونايمه
الجد:ياعيال جهزوا السيارت ونت ياعقاب خذ حرمك وروحوا الشاليه ونا بروح مع محمد ومها وكمان شمه بتروح معنا ونت يا فهد خذ حرمك كمان وهايف يروح بسيارته والعنود وغزيل وسلمى يروحو مع نواف وبدر وحرمه وبنته يروحون مع بعض ونت يا سهم تروح لحالك
سهم بطقطقه:لنا الله يازوجتي المستقبليه متى تطلعين وتشرفين سيارتي
الكل:هههههههههههههههههههه
الجد ما ضحك:خفيف دم انقلع لابارك الله بس روح اخلص جهز الشاليه قبل نروح له شوف فيه شي ينقصه
سهم بهمس لعقاب:جدي منفس علينا اليوم
عقاب ضحك:يوه الحمدلله مابنروح عزبه ولاشي ولا كان جلدنا بالشغل
ضحك سهم ونطق:اقول لايكثر بس ونقلع خذ زوجتك وشوفو الشاليه انا بروح البقاله اجيب مقاضي لهم ونت وهي اشرفو على الشاليه
عقاب زفر ورفع حاجبه:انقلع بس
طلع سهم سيارته وهو يضحك ونطقت الجده:وينها الجود
بدر:تعبانه ونايمه في البيت
الجد ابتسم اول ماجاته فكره:روح ياعقاب ناديها
عقاب والمسواك في فمه رفع حاجبه: انا؟؟
الجد:لا امي ايوا انت من يعني هنا اسمه عقاب
تنهد عقاب وقام ونطق بدر وهو يرمي مفتاح له:ترا مسكره الباب بالمفتاح امسك ذا المفتاح افتح فيه باب غرفتها
زفر عقاب وقام نواف واخذ العنود وغزيل وسلوى واخذو الشنط الي جهزوها البنات فيها أغراضهم وطلعو لسيارة نواف وتوجهو للشاليه وبدر كمان اخذ هنادي وهيام وراحو ومحمد اخذ مها والجد والجده وراحو للشاليه وفهد اخذ زوجته ومشى متوجهه للشاليه

-
اما عقاب طلع بعد ما حط الشنطه حقته بالسياره حقته نطق بينه وبين نفسه:يليل ياعقاب الحين ابتليت بوحده باليالله تقوم ولاكمان ماجهزت شي لها اف الله يسامح من كان السبب
زفر ومشى فتح الباب حق البيت طلع الدرج بعد ماقفل الباب حق البيت توجه لغرفتها الي كانت نهاية المكان في مكان هادي وحلو اخذ نفس ومسك المفتاح الي كان بجيبه ناضر فيه لثواني وتقدم وفتح الباب دخل وتقعشر جسده من برودة الغرفه ماكان فيه أيَ نور في الغرفه وماكان يشوف شي مد يده وفتح الانوار
جات عينه عليها وهي متلحفه وكل جسمها في الحاف تقدم وهو يناضر الغرفه الي كانت ألوانها بين البني والابيض والرصاصي جلس على السرير بجنبها وابعد عنها البطانيه غمض عيونه يوم شافها بدون هودي ورجع حط البطانيه عليها ونطق بنفسه بقلة حيله:يارب صبرك يارب
من ثم كمل كلامه ونطق بصوت خافت وهو يهز كتفها:الجود..بنت..الو...ميته؟ حيه؟
استغفر وهز كتفها بقوه نطقت الجود بنوم ونعس وعصبيه:الله يقلك يا هيام كيف دخلتي انقلعي ابي انام مهي حاله كل شوي مداهميني
ضحك عقاب من عصبيتها ونطق:قومي قومي الله يهديك
الجود حست وكان مويه بارد وانكبت عليها رفعت راسها وجلست وتلحفت زين ونطقت بصدمه :خير يا الطير جاي غرفتي
عقاب ابتسم:اخلصي قومي ورانا شاليه
الجود ناضرت وهو يبتسم:قطع النشاءالله ضحكت بلا سنون قول امين بعدين روحو انتو مابي اجي
عقاب:انتي شلون عايشه قومي
الجود زفرت بقهر:لا إله إلا الله انت مين مسلطك علي ولله اني داريه انو جدي
عقاب ضحك :اجل وصل جوابي امشي سريع ايوا كمان انتي بتجين معي وسيارتك انسيها من اليوم ورايح
الجود هزت راسها له بـ طيب وهي في داخلها تقول مالي نفس اتجادل الحين
اما عقاب توقع انها بتجادله او تعصب وتهاوش زي كل مره بس صدمته بهدوء وعرف انو هاذا "هدوء ما قبل العاصفة " ابتسم اول ما حلل نيتها وفهم كل شي
نطقت الجود:يعني انت جيت توزع ابتسامات
عقاب رفع حاجبه:شدخل ابتسامات بس الابتسامه في وجهه الآخرين صدقه
الجود شمقت له وهو ضحك بهدوء ونطق:ما ودك تقومين الحين
الجود:اطلع برا
عقاب ابتسم بخبث انسدح على السرير وناضر فيها:لا عندك مانع ماني قايم الا اذا طلعنا من البيت اخلصيي قومي ورانا شغل طويل
الجود عرفت نيته علطول ونطقت بينها وبين نفسها:اجل تبي تكون كذا ياعقاب انت وخبثك بس هين
ابعدت البطانيه عنها بجراءه وقامت متوجهه لدولاب اخذت هودي ابيض جديد عليه دب بني ولبسته تحت نضرات عقاب الي كان مصدوم من جراءتها
وكيف سوت كذا غمض عيونه اما الجود كانت تناظر فيه بطرف عين وتضحك على صدمته ابتسمت بخفه  وراحت الحمام غسلت وجهها وفرشت أسنانها وطلعت وشافت عقاب على نفس وضعه نطقت:شفيك !!
عقال هز راسه:مافيني شي بس اخلصي
الجود مشت وأخذت شنطه كبيره وبدات تحط ملابسها وحطت جزم وحطت كمان الاب توب وكل شي تحتاجه ،قفلت الشنطه بعد ما خلصت كل شي ولبست عبايه لونها ابيض ونطقت :يالله
رفع راسه من جواله: بالله؟؟بتروحين كذا!!
الجود هزت راسها بـ ايوا:اكيد يالله قوم
عقاب مشى لها ونزل عبيتها منها ونطق:ولله ما تلبسينها تبين جدي ينقد علي وعليك اخلصي البسي سوداء وكمان البسي نقاب
الجود شمقت له:يبني مابي انا حره
ناضر فيها بحده:اخلصيي
الجود مشت وهي تتافف اخذت عبايه سوداء ونقاب ونطقت:كذا زين !!
عقاب ابتسم:ايوا زين
الجود لفت للمرايه تعدل نقابها وأخذت جوالها ومشت تفتح الباب
مشى ورها ونزلو وصلو عند السياره ركب بعد ماقفل باب البيت وحط الشنطه حقت الجود في السياره ونطق:يوه الحين يستلموني كله منك
الجود حطت راسها على القزاز ولاردت،ناضر فيها ونطق:تعبانه ؟؟
الجود:لا
عقاب:وشفيك طيب
الجود ببرود:ولاشي
عقاب:عنك ماقلتي ياشيخه ،ماردت الجود وحطت راسها على الشباك وغمضت عيونها ونامت اما عقاب يناضر فيها كل شوي مسك يدها وهي نايمه وشد عليها بقوه لما وصلو الشاليه فتح الاب حقه وراح يشوف اذا أهله موجودين او لا
ماشاف احد وعرف انهم في البقاله باقي نطق وهو يناضر الجود:يليل الحين كيف اصحيها،هز كتفها ونطق بصوت عالي:الجود..بنت..الووو..هيي..صاحيه
تنهد وناضرت الجود فيه:خير وش تبي !!
عقاب:قومي وصلنا
هزت راسها ونزلت ونزل كمان هو فتح الشاليه بالمفتاح ودخلو نطقت الجود وهي تشوف الشاليه كبير:كم غرفه فيه
عقاب ناضر الشاليه:٩غرف وكل ٤ منها فيها حمامات الباقي لا وفي مطبخ وصاله ومجلس وفيه مسبحين واحد عميق مره والثاني سطحي
هزت راسها وسحب عقاب الشنط حقتهم كان الشاليه نضيف ومرتب ولايحتاج له شي الا المقاضي الي بيجيبونها حقت المطبخ
جليت الجود بعد ما فسخت عبيتها ومسكت جوالها
نطق عقاب:هات رقمك
نطقت:شتبي فيه
تنهد عقاب:يابنتي اخلصي عن الأسأله الي مالها داعي
عطته رقمها وهو سجله وو
.......
سوري صرت ساحبه🥸
انتهئ
حطو نجمه
تعليق محفز
حسابي تيك:fc.oi702a
حسابي انستا:fc.oi702