"y/nရေ ထတော့နော် ကျောင်းနောက်ကျလိမ့်မယ်"
"ဟွန့်အွန်း…ထဘူး"
"ထတော့ကွာ တီတီ့အသည်းလေးကလိမ္မာပါတယ်။ အောက်မှာ တီတီမနက်စာပြင်ပေးထားတယ်နော် လာ…ထ စားကြမယ်"
"ကျောင်းလည်း သွားဘူး"
"ကဲ…တီတီတောင်းပန်ပါတယ် တီတီ့ကလေးလေးကို နောက်ဆိုအချိန်မှီစောစောလာကြိုပါ့မယ်ရှင်"
~Flashback~
လွယ်အိတ်ကလေးလွယ်ပြီး ကျောင်းဂိတ်ရှေ့မှာ သူ့တီတီလာကြိုတာကိုစောင့်နေတဲ့ y/nလေး။
"ဟယ် y/nလေးကို တီတီဂျီယွန်းကလာမကြိုသေးဘူးလား"
"ဟုတ် တီတီမာအီ"
"အဲ့ဆို လာလာ…တီတီလိုက်ပို့ပေးမယ်နော် သူငယ်ချင်းတွေလည်းအကုန်ပြန်သွားကြပြီမလား"
"ဟုတ်…အီးဟီးး"
"အယ် တိတ်…တိတ်…မငိုနဲ့တော့နော် တီတီရေခဲမုန့်လိုက်ဝယ်ကျွေးမယ်"
ခေါင်းလေးငြိမ့်ကာပြောရင်း ငိုလာတဲ့ y/nကြောင့် မာအီလည်းဘာလုပ်လို့ ဘာကိုင်ရမှန်းမသိတော့ အနီးနားကရေခဲမုန့်ဆိုင်ကိုပဲ ခေါ်သွားပြီး y/nလေးကြိုက်တဲ့ ရေခဲမုန့်ဝယ်ကျွေးလိုက်ရသည်။
ယွန်းဂျီယွန်းတို့အလုပ်တွေရှုပ်နေတာနဲ့ပဲ ကလေးကိုကျောင်းလာကြိုဖို့မေ့နေပြီထင်တယ်။ နောက်မှ ငါနဲ့တွေ့မယ် ယွန်းဂျီယွန်း။
မာအီစိတ်ထဲကသာပြောလိုက်ပါသည်။ သူ့သူငယ်ချင်းဘယ်လောက်အလုပ်များလည်း သူအသိဆုံးဖြစ်သည်။ တစ်ခါတစ်လေ အလုပ်ထဲပဲစိတ်နစ်ထားတော့ ယွန်းဂျီယွန်းတို့ သူ့အချစ်ရေးအတွက်ကိုတောင် ဦးစားမပေးနိုင်ပါ။
မာအီသည် ဂျီယွန်း၏အခင်ရဆုံးသူငယ်ချင်းဖြစ်သလို အယုံကြည်ကဆုံးလည်းဖြစ်သည်။ ဂျီယွန်းသည် အထက်တန်းကျောင်းသူဘဝကတည်းက မာအီဆိုသည့် အခင်ဆုံးသူငယ်ချင်းတစ်ယောက်သာရှိသည်။
"တီတီမာအီ…y/nကို တီတီဂျီယွန်းရဲ့ကုမ္ပဏီကိုပဲ ပို့ပေးပါနော်"
"ဟုတ်ပါပြီရှင်"
အခုချိန်အိမ်ပြန်ပို့ပေးလည်း y/nလေးကအိမ်မှာတစ်ယောက်ထဲဖြစ်နေမှာကို မာအီသိပါသည်။ အဲ့ဒါကြောင့်ပဲ ဂျီယွန်းကုမ္ပဏီဆီကိုပဲ ကားမောင်းသွားလိုက်သည်။
YOU ARE READING
BABYSITTER // Gomgomz OS
Short Storyဘာမှမရေးတော့ဘူး သိချင်ဖတ်ကြည့်လိုက်တော့ Start date - 9th July, 2024 Finish date - 12th Aug, 2024
