.......................,.............................................................
رجعت من لمدرسه مثل كل يوم ورحت حتى اكمل شغلي وارجع اقره لان عندي امتحان وجنت حيل شاطره وحلمي اصير مثل امي مهندسه نفط امي موظفه ومسؤوله عن عائله كامله الي هيه بيبيتي واني اختي الاصغر مني واخواني ٣ جنت ثاني متوسط وحيل شاطره حنت دائما من الاوائل رغم جنت اعتمد ع روحي ما احب اتعب امي لان ترجع من وظيفتها تعبانه وترجع الشغل البيت وقليل اخليها تساعدني بلدراسه جنت كاعده بغرفتي اقره من دخلت علينه امي وكالت عمكم توفه كلنه نصدمنه وكمنه نبجي بعد ماتوفه ابونه جنه نحس اعمامي سند النه وهسه خسرت عمي رحنه بطريق بعيد لغير محافظه وجان الطريق ٤ساعات كضيتهه ابجي وامي تحاول تهدي بينه وتصبرنه هي وبيبيتي الي هيه ام ماما
بيبيتي :: لاتبجون هو راح يم ربه كلنا ع هذا الطريق ماراح ترجعونه بدموعكم
حنان :: بس هو جان مثل ابويه ياريت اني الي ميته وهو باقي
اختي ليان عمرها ١١ سنه اخر لعنقود تشوفني ابجي وتبجي ويايه وهيه هم جانت تحب عمي لان اخر لعنقود وكلهم يحبوهه
وصلنه البيت جدي جان شارع اليمهم كله سيارات نزلنا من السياره استقبلنا عمي الثاني وولد عمي وسلمو علينه دخلنه جوه بس الصياح نسوان عمامي وبناتهم واحنه هم لان هاي ثاني مره ننكسر من بعد وفاه ابونه
وره اسبوع جنه مقررين نروح لان عدنه دوام بس عمي الثاني وعماتي ماقبلو نروح لان بيبيتي ام بابا مشتاكتلنه تكول من ريحه المرحوم راحو ولدي ابقو انتو واسوني وعمي وعماتي هم ماقبلو نرجع
هاجر تبجي تكول ودوني ازور كبر بابا ليش عافني يتيمه وحدي شلون راح اكمل حياتي جان منتظر يوم الاتخرج بي شلون راح يجي هاليوم وهو ماكو ورحنه قسم من عدنه مو كلنه وقسم ثاني حيروح بغير يوم
بعد ما رحنه وقرينه الفاتحه اجو بيت صديق عمي هو وابنه حتى يعزونه وهنا احنه جنه مخلين تلفوناتنه اني وبنات عمي ع شحن بلديوان واني جنت ناعمه كلش كالولي روحي اشري لابن عمي من يم الباب حتى يجيبهن ومن رحت طلع ابن صديق عمي كاعد كدام الباب واني استحيت ورجعت وهنا طلع هو مخليني بباله حتى يعرف اني منو وره فتره احنه رجعنه المنطقتنه وكملت امتحانات وره شهور كالت ماما وين تردون تكضون لعطله واحنه اختارينه بيت جدي
