بنت بغداد فصلية لابن الشيخ

البارت ٦

خلينه نلتم بالچذب مثل الأحلام الصلفة
.
.
.
.
.
حسين: نزلت وصار وقت العشاء تعشينه وراحو بيت دلع

تسريع الاحداث :
نحجي اني ودلع كل يوم ودلع بدت تحبني وعلاقتنه صارت قوية ومنتظر دلع تكمل سادس حتى اتقدملهة

دلع : مثل اي يوم عادي رحت للمدرسة كملت دروسي صارت ساعة ١٢ رجعت وجانت اكو لمة اباب بيتنه ف ابو الخط نزلني لنص الشارع واني تمشيت للبيت وجان اكو هواي زلم ورياجيل معكله ف بقيت صافنه شكو يارب شصاير

طبيت للبيت ولكيت ماما ادك وتلطم وتبجي يمه وليدي راح ياخذو يمه وليدي فضل ونسوان عمامي يمها وخالاتي وعماتي
كعدت يمها وكتلها شكو ماما فدوا احجي اشبي اخوية فضل

ماما:يمه متعارك ويا واحد وداچ الولد والولد ميت 
اني :يمه عزا لا لا مياخذون اخوية وكمت اعيط وابجي بهستريه دموعي تنزل عشره عشره واروح منا وارجع منا

نرجع لفضل :
كاعدين بالكهوه اني وصديقي وحسين وصديقه
اجه واحد هاي سيارتكم السودة الي طابكه بفلان مكان

فضل: يي نعم مالتي ليش صاير شي ؟؟

الولد الي هو اسمه عباس الوحيد الاهله  من أهالي الكوت جاي هو واصدقائه لبغداد يتونسون

عباس: كوم حركها متكول شلون نطلع وانت طابك هاي الطبكه الخايسه

فضل : أهدى اخوية مصار شي كايم
كمت وصلت للسيارة وداغير مكان الطبكه واسمعه يكول زعطوط ميعرف السياقه شنو

اني فارت اعصابي وصرت نار نزلت وضربته بوكس ع وجهه منو الزعطوط ياحثاله يازباله

وبقينه نتضارب طلع سجينه وراد يدجني بقيت اتلاوه ويا وندج هو بالغلط وأيدي كلها دم كمت وصيحت لا لا لتموت
لان اني مردت ادجه واوصل هل مرحلة وصارت بالغلط
هو تطاول عليه بالكلام
خابرت أبوية وعمامي ورحت أخذته للمستشفى اني وحسين

طبينه المستشفى ومات الولد اخذت تليفونه واتصلت
ع آخر رقم كاتب عليه والدي

وكتله ابنك توفه واني دجيته حادث عمي مردت ادجه وندج بالغلط

ابو عباس : اجاني اتصال من ابني عباس وطلع ولد وكال اني دجيته كتله لا لا ابني وحيدي عبوسي مات اليوم انعل والد... ابن الك... جايك اله اسمط جد..جدك

ابو عباس: خابرت اخوي شيخ العشيرة وبلغته وطلعنه سيارات مسلحين لبغداد نقسمنه نصين نص راح للمستشفى ونص لبيت الولد الكتل ابني اخوي و ولده راحو لبيت الولد

شيخ ابو علي : اني اخو ابو عباس وين الولد الي كتل ابنه

طلع ابو شجاع : اهدو شيخنه تفضلو كعدو نتفاهم
طبينه كالو انريد الولد الي كتل وليدنه
ابو شجاع: خوية هيج متنحل الأمور اطلبوا غير شي واني قابل بكلشي دكيت صدري