مبتسمَ الثغر يمشي ضاحكً متجاهلُ انظار تلك المُغرمة هل هوَ بجمال يوسف ام ان عيناها تُجمله؟
- بقلمي أنا لُجين إيليا .
_________________
حجيت باستغراب ، ليلى : منو ماري ؟
ايهان : البت الاحبها
ليلى : بيرفكت امم كمل كمل
ايهان : شبيچ؟
ليلى : شبيه ؟ اي كمل شردت تگول
تحمحم، ايهان : ماري تكون خطيبتي
من الصدمة تيهت حلگي توقعت كلشي حتى انُ يجيبها للبيت واشوفها بس هذا الماتوقعته
ليلى : عفواً !!
حجه ببرود قاتل ، ايهان : عليمن هلصدمة هاي ؟ ماهو اتفاقنه نطلگ هلفترة
حجيت بهدوء أحاول اسيطر على عصبيتي ، ليلى : هذا استغفال يُسمى ومن قلة الذوق انُ تـ...
قاطعني ، ايهان : اح قليل ذوق ؟ رحم الله والديج
ليلى : سمعت عنك مثقف ودارس بس ماتوقعت يطلع العكس من شوكت نقاطع احد في حوار ؟ شفتك خلصت كلامك يلا ابتديت الكلام رداً عليك رغم اگدر احاسبك عليهن كلمة كلمة واقاطعك !
حجيت آخر كلمة برفعه حاجب ،
حجه بابتسامة ، إيهان : مولاي كلامي ضوجك الواضح ماتوقعت شلتي هلگد عليه بگلبج اهدئيي ياعيني متسوه السالفة
رفعت شعري بغرور ، ليلى : هه مضوجتني ولا هلگد فقط أني انسانه أولوياتي الحوارات الحضارية واحترم الآراء مهما كانت وشي مزعج من أشوف العكس
إيهان : اها حلو ، راح اجيب ماري اليوم للشقة هنا
ليلى : أهلاً وسهلاً لتتوقع اطردها استقبل ضيوفي بكل حُب
إيهان : رايح اجيبها چا
حجيت بابتسامة ، ليلى : وإني راح أحضر الضيافة الها
بقه صافن بوجهي يحاول يفسر شداسوي ، غمض عيونه ورجع فتحهن اخذ غراضه وطلع من الشقة
اخذت نفس اهدء نفسي وفعلاً المن هلعصبية ههه او ليلى عشت دور الزوجة اخذت نفس وگمت لبست فستان قصير يوصل للركبة يجي ضيگ من فوگ ومن جوة منفوش لونه بصلي يجي ربع ردن مالبست شي فوگاه الشقه دافية رتبت وجهي بمكياج مقبول حطيت شعري على جنب ورحت للمطبخ بقيت افتر صافنة شحضرلهم ماكو كيك وهلسوالف تأفأفت
هسه منين اكسر عيونهم صفنت على نفسي ليش اكسر عيونهم شبيج ليلى شبيج ، لهناك واجتني فكرة فتحت باب الشقة ورحت امشي بحيرة يم شقته
اگله لو زحمه هسه يگول من أول يوم استغليته بس لا ماتوقع هيچ رده
بقيت على هل موال لحد مافزيت من نفتح باب شقته ، بلعت ريكي بفشلة بقه يباوعلي منتظرني احجي ، مرت مده وهو حجه
أنت تقرأ
جنون من طبقة مُخملية
Mystery / Thrillerهدوء وراءهِ عاصفة انهيار، مضاهر مُخادعة، إبتسامة صفراء ،حب مُغلف بالكراهية ، برائة مُزيفة، حقد وغل في أعماقهم طغيان وتسلُط ....!
