منذُ أولِ حديثُ بيننا ادركتُ أني لن أنجو منكِ أبداً !!
_________________
ليلى: عفواً شدتحجي ترا اني امرأة مـ
سكتت بسرعة من أدركت جفصتي،
حُر : أي ادري بيج نثية
ليلى : نثية ؟ ههههههههههه يمعود
حُر : ضحكتك چنها العافية ماطلعها النا يومية وتردلنا العافية .
بقيت صافنة شبي هذا معقولة جرح ايده أثر على عقل اي اي لأن ذب دم هواية أكيد گام يفقد ويخرط صفح
ليلى : حمشيها الك بس لأن گمت تفقد
حُ : اممم احس رأسي راح يطگ وحق العباس
ليلى : گوم لفها لو يمكن تحتاج خياط
حُر : چؤ، جرح سطحي مو بلغميج يأبة
ليلى : زين گوم روح لفها
حُر : لتصيرين ثولة ياعيني شون الفها وانا بس ايد وحده تشتغل
ليلى : شو ذبيت ميانة اخيي انتَ اثول
عاط بصوت عالي ، حُر : بالله زحمة
حجيت باستغراب ، ليلى : شكو شبيك
حُر : زحمة وصعبة
ليلى : هاي شبيك حرات
أبتسم على التسميه ، ورجع حجه بجدية
حُر : نثية مثلج اگللها ثولة صعبة وكلش هم
ليلى : أي والله فوگاها معدلة خربنة
حُر : شو انطمي كبرنا رأسها وصدگت
ليلى : ماراح أرد لان لاحرج على المخبل
حُر : هم صح لعد مارد عليج بعد
ضحكت بصوت عالي والله عنده إمكانيات بلكلام ،
ليلى : عندك شاش ومعقم بشقتك ؟
حجه بصوت هادء الواضح گام يأذي الجرح ،
حُر : اممم
ليلى : تمام تعال نروح حتى الفلگياها
هز راسه وكمز من بنيد السيارة مشه و مشيت وراه ، صح غلط ادخل شقته وخصوصاً وحدنا بس ما بيها ذنب بس اساعده ياربي اغفرلي خاف منا منا يصير ذنب
فتح باب شقته ودخلنا اتقصد يبقي الباب مفتوح شوية ، راح گعد على التخم واشرلي على المطبخ
حُر : راح اتعبك ليل بس هناك الإسعافات
غلست على الكلمة ورحت للمطبخ باوعت لإرجاها ماشاءالله بعد أحلا واحلا من شقتي وشقة ايهان واضح سعرها فوگ سعر شققنا في تلاثه ، اخذت شاش ومعقم ورحتله چان مغمض عيونه بقوه نقهرت عليه
ليلى : حُر تسمعني
حُر : اممم
استغفرت وگعدت على بعد مناسب بينا ، سحبت ايده بحضني ، نضفتها من الدم وفعلاً جرح سطحي ، رفعت رأسي حتى اگله راح يحرگك المعقم بس سكتت من لگيته صافن بوجهي
توترت من نظراته ، عقمت جرحه على السريع ولفيتها بلشاش گمت أول ماخلصت
ليلى : الحمدالله على السلامه
حُر : مشكورة تعبتج
ليلى : لا عادي
غمض عيونه بأمتنان ، طلعت وسديت الباب وراية اخذت نفس براحة من ساعدته بلكي يكثرن حسناتي اجيت اطلع بس حسيت نفسي مابيه رحت لشقتي گبل
غيرت ملابسي وفتحت التلفزيون همزين لگيت الامبيسيات طلعت مسلسل تركي وگعد اتابع باستمتاع ، مسلسل يجر مسلسل لحد ماصار الليل
لميت المكان وغيرت القناة على قرآن وعليت الصوت ، رفعت رأسي باستغراب من ندگ الباب صحت منو بدون مافتحه
ايهان : اني والضلع عيني
فتحت الباب وسلمت عليهم ، گعدوا همه بالاستقبال وإني رحت للمطبخ احضرلهم الضيافة
ايهان : تعبناج
ليلى : تعبكم راحة
درت وجهي على حُر ، ليلى : شلونك خوية شكو ماكو
رفع راسه عليه وحجه بهدوء ، حُر : الحمدالله عايشين
ايهان : لچ هذا الغبي شاگين ايده وصار ساعة اقنعه يخيطها وقافل
ليلى : لا جرح سطحي ميحتاجله اخياط
حجه باستغراب ، إيهان : شمعرفج سطحي ؟
بلعت ريگي من حسيت بچفصتي وحتى حُر غمض عيونه وهذا يدل جفصت جفصه لم يجفصها جافص من قبل
حُر : قبلشوية من ذبت الزباله جنت طالع وسئلتني وانا گلتلها جرح سطحي
ايهان : ياسطحي ولا مرتاحلك ويامن تتعارك هلفترة يومية يطلعلك جرح شكل ومضرب طلقه بمكان
حُر : عيب عليك مامتعارك بس چان نقاش بسيط وحليناها
ايهان : ها وبس نقاشك بي طلق وسجاجين
حُر : نقاشات ولد الشارع غير
حجاها وغمزله
ايهان : مرت كم سنه وبعدك مانسيت مو كافي ؟
حُر : مو كافي
ايهان : الله كريم
حُر : طبعاً الله الكريم وعبده البخيل
ايهان : طاح حضك أي والله
حُر : متوقع يطيح أكثر من هيج
إيهان : عوفك من هاي ، اححم عندي موضوع وياكم
حجينه سوه باستغراب ، حُر ، ليلى : خير شكو
إيهان : راح اجيب مومن يطلگنا اني وليلى وانتَ وماري شاهدين
حجه بصدمة ، حُر : ليش ليل مرتك !!!!
يتبع ............
أنت تقرأ
جنون من طبقة مُخملية
Mystery / Thrillerهدوء وراءهِ عاصفة انهيار، مضاهر مُخادعة، إبتسامة صفراء ،حب مُغلف بالكراهية ، برائة مُزيفة، حقد وغل في أعماقهم طغيان وتسلُط ....!
