أنظر لإبداع الخالق في وجهكَ واطيل
النظر متأملًا وأن سُئلَ أحدهم ما اصابكَ
انهُ من طين حالنا اقول أن ابداع الخالق مُذهلاً
- بقلمي انا لُجين إيليا 🌟
______________
أخذت نفس وگمت متوجهه لغرفتي ، غيرت ملابسي ودخلت بنوم عميق بعد تفكير مرهق وجدًا هم ماگعدت إله ثاني يوم
تثاوبت بنعاس الشي الوحيد الماشبع منه هو النوم ، غسلت وجهي وطلعت من الغرفة
سمعته يخابر ومبتسم عرفت وياها اوع شعلية بيهم ، رحت سويتلي كوب گهوة وگعدت بوجهه لزگ گلت عسى ولعل يحس بس بقه مستمر يسولف وياها ، حاولت أشغل بالي عنهم درت عيوني على أرجاء المكان مرة اباوع للسگف ومرة للگاع مرة للكوب وخلصتها هيچ لحد ماحجه وياي
إيهان : يسعد صباحكِ مدام
ليلى : ماتوقع
باستغراب ، إيهان : ها ؟
ليلى : هيچ مو يمك
إيهان : ضايجه من شي؟
ليلى : صح
ايهان : اهخ عيني شمضوجج
گلبت عيوني ، ليلى : معليك
ايهان : چا الشغلة جايده
لبسته هم بطران صار ساعة يرطن هو وياها وهسه اذكرني اووو من خرا بيك جدي وعمي منين طلعتولي مادري شگد جنت اتذمر على حياتي لأن ما بيها اكشن ومغامرات واكلتها هسه عمي بس رجعوني لحياتي أخلص النهار أحمد ربي على الحياة العايشتها
إيهان : ليلى
ليلى : نعم
ايهان : خلي زواجنا سر هنا خلينا بس انا وياج نعرف بي وماري
ليلى : ليش تستنگف حضرتك؟
ايهان : استغفرالله لا ياعيني علمودج انا حتى من يجيج نصيب مو يگول مطلقة وتعرفين بعد مايحتاج اوضح شي من صالحج بكل الاحوال ميضرني بشي ولا ينفعني
ليلى : تمام
ايهان : اكو شقة هنا بصف شقتي الجانوا بيها طلعوا منها فَـ شنو رائيج اخذها الج وحتى گدام عيني خاف يصير شي لاسامح الله
ليلى : تمام بس خلي بالأول نشوفها
ايهان : خوش گومي چا
ليلى : هسه !
ايهان : أي قابل شعدنا
ليلى : زين خلي أبدل على الأقل
ايهان : عليمن يمعودة بس مترين بينا دمشي أمشي
لبست شبشب وطلعنا وفعلاً جانت لزگ على شقتنا راح هو يجيب المفاتيح من صاحب العمارة ، بقيت انفخ على أيدي الجو بدأ يبرد كلش
أنت تقرأ
جنون من طبقة مُخملية
Mystery / Thrillerهدوء وراءهِ عاصفة انهيار، مضاهر مُخادعة، إبتسامة صفراء ،حب مُغلف بالكراهية ، برائة مُزيفة، حقد وغل في أعماقهم طغيان وتسلُط ....!
