ألخرساء والمتسلط

بارت"1

روايه الخرساء والمتسلط |

{ بارت1 }

بـ قلمي أنا الگاتبه غدير "

^^

عش الحياة كما تراها أنت؛ فإن كلام الناس لا يمكنك التحررّ من أعبائه. لا تعتقد أنك مخلّد، تعامل كل يوم أنك راحل اليوم. الأوراد اليومية هي الملاذ الآمن أمام متاعب الحياة. خلق الله لك أذنين وفم واحد؛ لتسمع أكثر مما تتحدث

ألبدايه.

~~~~~~~~~~

-أتنفست بهدوءَ ورفعت أيدي وخرت خصله شعري يليَ
نزلت على وجهيَ رمشت أگثر من مره بسبب غواش عيوني وهاذ گله لأن منمت البارحه ضليت صافنهَ واباوع بزوايه الغرفه بحزن
درت نفسي بسرعه من سمعته اتصيح عليه
-: يلهٔ مخلصتيَ غراضج
تره گلنه خلصنهَ وراح تروح السياره

-: هسه خلصت بس اضم هاي الگتب
وصدك هاج هاي الگرتونه شيليه وياجَ من أتنزلين فدوه

-اباوع عليه گلبت عيونه مراضيهَ
أخذت الگرتونه ونزلتِ جوه
رجعت للگتب أصفط بيهن ضل أخر گتاب أخذته وحطيته بـ الگرتونهَ

-رفعت أيدي وجريت القراصهَ
نزل شعري على أگتافي بهدوء ورجعت لميته بقوه
فتحت القراصه وخليته گمت من مگاني دگنت أخذت الگرتونه طلعت بره الغرفه وگفت گدام الدرجَ وعيوني اتباوع بگل زاويه بـ البيت أبتسمت بحزن ونزلت جوه لگيتهم منتضريني

باوعت علينه وأردفت
-: هااا خلصتو كلشي مناسين شي

-: أي يمه خلصنه گلشي

-ألتفتت على تيماء شفته تبجي
أتحسرت بقهر وتقربت يمه رفعت راسه لمن حست بيه
أردفت بصوت ناصي
-: اسمعيني
صح احنه راح انروح منطقه ثانيه وراح نترك صاحباتنه وبيتنه يلي انولدنه بيه والناس يلي انحبه هاذ گله راح انعوفه بس بنفس الوقت أفضل ألنه لأن بس المشاگل من وره عمامي صدگيني گلشي يتعوض بس حياتنه متتعوض يعني تخيلي أمي يوميه توكع مريضه من وراهم ومشاگلهم وأخونه أيروح يتعارك وياهم

-اباوع عليه ضلت تمسح بدموعه بقوه
سگتت وضلت بس الشه‍كه امجلبه بيه درت وجهي على اهلي لگيتهم مبتسمين گعدت منتضره دنگت اشد بخيط القيطان مال حذاء رفعت

راسي لمن سمعت صوته أيصيح علينه
-: يله گلگم روح صعدو وهسه أجيب ابويه وراگم

-وگفت گدام باب البيت فتحته وضربت الشمس بعيوني
خليت أيدي على گصتي اغطي وجهي من قوه الشمس
جان الجو جميل
سماء صافيه وهو حلو أتمشينه السياره منتضرينهم انفتح الباب وطلع أصيل
يدفع بـ العربانه يلي گاعد ابويه عليه يمشي العربانه على گيف لحد موصل ألنه أبتسمت على منضرهم

-بعد معاناه صعدنه أبويه
وبعدين رگبنه احنه گلمن گعد بمگانه وشويه أجه أصيل واثناء مشغل السياره اردف
-: أن شاء لله منسيتو شي