الزعيم اوسكار

part 18

" الزعيم اوسكار "

تَبارك المراد  ..

مَتَى يَشْتَفِي مِنْك الفُؤادُ المُعَذَّبُ؟
‏وسَهْمُ المَنَايَا مِن وِصَالِك أقْرَبُ
‏فبُعْدٌ، وشَوْقٌ، واشْتِيَاقٌ، ورَجفَةٌ
‏ فَلا أنْت تُدنِينِي ولا أنَا أقْرَبُ  ! 

..

مُعتصم  :  ما يحتاج الها صفنة ابو صابر
شروق  :  ما گدرت اكتم الضحكة  ..
شنو يعني؟
- عمي ردي الجواب علمود نروح نعقد هيانها المحكمة
- شو بهاي السرعة؟ بعدني ما گلت لـ اختي و لا فكرت
- ليش يحتاج تفكير؟ اني احبج و انتِ تحبيني كافي نجذب
على بعض

- رفعت حاجبي و اردفت بـ استغراب  ..
منو گال اني احبك؟
- اني
- جذب  ..
قرب عيونه عن عيوني صار بمستوى راسي اني رجعت
راسي شوية هوَ ابتسم و اردف  ..
- بوية و الله احبج من زماان
- استغفرالله صار اسمع هاي الجملة اكثر من اسمي
- ههههههه

- زين اوافق بس عندي شروط
- موافق
- بعد ما حجيتهن
- حتلو

- درت وجهي على الجامة اخذت نفس عميق  ..
- اريد الوشوم الي بـ جسمك ماريدهن
- الوشووووم؟ بشنووو ضاراتج؟
- درت وجهي عليه و اردفت بعصبية  ..
حررررامممم

- حراام عليه مو عليج
- مدخلني اني ماريد هاي الوشوم
- عمي فدوة الج
- الشرط الثاني ان ترجع الى ربك و تصلي و تصوم
من المسلمين
- اممم

شروق  : هااااا؟
- اي هاي هم تم لعيونج
- الشرط الثالث تترك شغلك
- هههههههه ما اگدر هاي
- اهم شي هيَ

- شروق لا تصعبيها اشتغل بي من عمري 15 بـ امريكا
- شدخلني اني ماريدك تشتغل بي
- الثالث ما اگدر
- مشكلتك
- اي يلا امشي نروح نعقد
- ماااريد

- اششش مو بكيفج
- حرك السيارة رجع للمحكمة وگف السيارة گبالهااا
نزل و سد الباب اجا فتحهاا الي و اني صافنة بوجه مدري
شبيه ما مصدگه احسهااا لعبة او شي احساسي ما يخيب  ..
نزلني غصباً عني لزمني من ايدي شحطني
للمحكمة و اني اصيح عليه ماريد ارووح  ..
قبل لا ندخل المحكمة وگفته  ..
- خبل؟ ماااريد افهمممم
- لا تسويني اعصاب امشي نولي نعقد ما اتحمل بعد
- باوعت يمين و يسار الناس كلها تباوع عليناا خجلت
نصيت صوتي و همست  ..
- يمعود الناس تباوع علينه امشي نرجع

- خلي تباوع طبهم مرض جاي اعقد على حبيبتي
- ضربته على ايده حيل رفعت راسي عليه اردفت بعصبية  ..
منين اجيت حبيبتك اسكت لحد يسمعك هوَ احنااا چنا
اصدقاء
- ليش تجذبين على نفسج؟ والله تحبيني بعد شتريدين
- لاااا تحلف  ..
ما جاوبني لزمني من ايدي و دخلني للمحكمة يم هذول
الي يعقدون، بقيت احجي بصوت ناصي و اضرب بي استحي
اعلي صوتي يم الرجال  ..

- امشي نرجع راح اموت امشي  ..
رجع رد عليه بنفس نبرة صوتي  ..
- و الحسين ضهري انزرف كاافي ايدج قوية