🥹✨🫶🏼 البارت الاول من روايتي واتمنى تعجبكم
<لا استبح النقل او الاقتباس>
Enjoy 😚🫶🏼
ام عمر من النوم واهيا تشوف زوجها على نفس الحال قاعد عالقنفه ( الكنبه) وماسك صوره بنتهم الي اختفت من عشر سنين ويبجي راحت عنده تضمه بكل قوتها
رنا: بس تكفى والله قاعد تقطع قلبي ان شاء الله الحين اهيا بخير و بصحه وراح تردلنا الحين اهيا كبرت لاترد وتشوفك جذي هلكان قو نفسك ياحبيبي
ناصر: شلون واهيا كانت المفضله عندي ولهت على ريحتها ولهت عليها شلون الشرطه مالقتلها اثر شلون شلون غبت عليها بهذاك اليوم
رنا: قدر الله وماشاء فعل وان شاء الله الحين اهيا بخير واكيد اهيا بعد مانستنى ويمكن أصلا هربت وقاعده تدورنا واحنا بعد ماخلينا مكان مادورناها
ناصر: والله اني شاك الي مايخافون الله خذوها وودوها بلد ثاني
رنا: والله مادري بس ان شاء الله كل خير أنا بروح اشوف عمر
عند غرفه عمر
عمر الي كان منسدح على ظهره ويمه وبحضنه صور اخته وكان يبجي مايبي يطلع ولا يروح مكان بس قاعد
رنا: حبيبي عمر قاعد
عمر: اي
رنا: تعال حبيبي اكل مايصير جذي
عمر ما ابي يمه والله ما اشتهي اي شي عليج بالعافيه
رنا تنهدت تنهيده طويله وقالت: عمور ادري ان انت حيل متعلق باختك وحتى أختك متعلقه فيك بس مايصير جذي تسوي أختك إذا درت ان جذي حالتك راح تزعل عليك حيل قوم قو نفسك وادعي لها ادعي إنها تقوم قريب يلا ياحبيبي عشاني
عمر: يما احس من راحت ريما وانا جسد بلا روح اشتقت حق ضحكها اشتقت حق صوتها كل مره لما العب بالسوني وتزعجني وانا اصرخ عليها الحين راضي إنها تكسرها بعد مو بس تزعجني وانا العب اشتقت حق حركتها بالبيت اشتقت حق كل شي فيها والله
رنا: كلنا اشتقنالها كلنا والله انت قوم صل وادعي ربك يلا حبيبي
طلعت رنا من غرفه ولدها عمر وطاحت من عيونها دمعه حاره ماتدري تجابل نفسها ولا ولدها ولا زوجها
راحت تحت تشوف الجد والجده يفطرون وراحت عندهم
رنا: صباح الخير يا احلا ناس
هدى : صباح النور ياحبيبتي تعالي فطري معانا
رنا: من عيوني
علي: مالقيتو اي اخبار عن ريما يابنتي؟
رنا: لا والله بس الله يعين وان شاء الله نلقى
شوي شوي بدأت العايله تقوم من النوم وتروح تحت عند الجد والجده
"ملاحظه ان كلهم يسكنون ببيت واحد من زمان"
عند بطلتنا الي كانت خايفه ومرعوبه من اول ما انخطفت وكان السيناريو ينعاد بمخها كل يوم ماكانت تأكل عدل ولا تروح مكان وحتى دراستها مادرست ولا سنه واهيا يوم كانت صغيره حلمها أنها تصير دكتوره نفس أبوها
فلاش باك قبل عشر سنين عام 2015 كانت بطلتنا تلعب بدراجتها اليديده الي يدها شرالها اياها مع عبدالعزيز و عمر و غاليه وقررو أنهم يسوون سباق
عبدالعزيز: شرايكم نروح نتسابق من اهني ليه هذيك الشجره
عمر: تمم والي يخسر يشتري هديه حق الفايز
عبدالعزيز : تم
واهما يتسابقون لفت ريما عالجهه الثانيه من الشارع و ضاعت واهيا مو منتبهه وخافت وبدات تبجي وتنادي على عبدالعزيز وعمر وشافتها مراه كبيره كانت بالخمسينات من عمرها وبدات تستدرجها وخذتها معاها....
لاتنسون النجمه والتعليق🫶🏼🫶🏼
أنت تقرأ
راجع بشوقي ولهفتي لأهلي و ديرتي🥹❤️🩹
Randomريما كانت مخطوفه من أهلها يوم كان عمرها ٦ سنين وعاشت مع العايله الي خطفوها لمده ١٠ سنين ويوم صار عمرها ١٦ قررت أنها تهرب 🫶🏼❤️🔥
