راجع بشوقي ولهفتي لأهلي و ديرتي🥹❤️‍🩹

بارت 24

خلصو اكل وكل شي ودق ناصر على رنا عشان يمشون يردون الفندق
وترتيب السياره كانت نفس اول

وصلو الفندق وكل وحده راحت غرفتها وكأنو منهلكين من الطريج والبرد وكل شي

ريما: احس ابي الفراش وبس

حصه: اي والله أنا بعد

الجد علي: روحو نامو عشان تجهزون ابكر للعرس

كلهم راحو ينامون نومه عمييقه

" بالرياض عند توليب"
تعريف بسيط عنها

توليب امها وأبوها منفصلين وكانت تعاني وايد منهم وكأنو كل ثلاث اشهر يزورونها مره وحده وهالمره هاذي كلها هواش ولوم وعتاب واهيا المسكينه بينهم وتحديدا بهاليوم كانت كالعاده واقفه عالدري وتسمع هواشهم من غير رياكشن لأنها ببساطه تعودت كانت راح تصعد بس وقفها كلام امها لما قالت

إيمان : لو بنتك تدري ان انت أصلا ماتبيها وكانت غلطه شنو راح تسوي

سعود : ولو تدري ان امها كانت تسوي كل شي عشان الفلوس لدرجه أنها جابتها بالحرام شنو راح تسوي

توليب انصعقت من الكلام وحطت أيدها على قلبها ودموعها بدأت تنزل بحراره مثل حراره قلبها وقالت بهمس : يعني أنا بنت حرام

إيمان : بس بالنهايه تزوجتني

سعود : مجبور عشان البنت مالها ذنب أصلا

توليب بصراخ : يكفييي خلاص يكفي حرام عليكم تعبت منكم دام تجون اهني عشان تتهاوشون لاتجون وانا ماراح اشتكي بس خلاص تعبت منكم دمرتو حياتي ودمرتو نفسيتي شنو تبون اكثر تكفون روحو تهاوشو بعيد عني أنا ما ابي اسمع شي
بدأت تضرب نفسها بجنون وتبكي بحرقه

إيمان : بس ياحياتي انتي لاتسوين بعمرك كذا

توليب دفتها بقوه : انتو الي سويتو فيني هاذا محد فيكم سأل عني أصلا

سعود: بس احنا مو مقصرين وكل شهر نرسلك فلوس

توليب: وأنت عبالك ان الفلوس مغنيتني عنكم
عمركم سألتو توليب شنو تسوي او شنو تحتاج او وينها او شنو تبي أصلا كل الي همكم أنكم تريحون ظميركم بأنكم ترسلولي فلوس حتى من غير كلام او حتى ماكتبتو توليب انتي بخير شلونك عساك طيبه بس تدرون خلاص أنا تعودت تعودت على غيابكم صدق ان اخاف ببيت كبير بروحي بس أتحمل تحملت أشياء كبيره اروح الطبيب وانا بعز التعب عشان اشوف شنو فيني لان مافي احد عندي يهتم فيني اروح اقضي حق البيت بروحي لان ماعندي ام وأبو يجون معاي اروح المدرسه من غير مايكون عندي ام تصحيني تخليني اجهز وماعندي ابو يعطيني المصروف بالسياره ويقولي دربالك على نفسك كل شي أنا جالسه أسويه بروحي كل شي

خلصت من كلامها وركضت فوق غرفتها تأخذ الشفره تجرح نفسها هاذي الطريقه الوحيده الي تعبر فيها عن حزنها لو تشوفون أيدها المليانه جروح و بطنها مستحيل تقولون ان هاذي البنت طبيعيه جلست عالارض ببكي وإرهاق وتعب ونامت بهالليله واهيا قلبها مليان على امها وأبوها والفكره أنها جت عالدنيا بالحرام وشلون راح تعدي على حياتها.... جدام صديقاتها والناس الي بالخارج تسوي روحها اسعد وحده بالحياه بس بالحقيقه اهيا اتعس فتاة على وجه الأرض