فارس: خلاص بعترف لها مو قادر اكتم اكثر من كذا بس اخاف تكسرني لكن مايهم
نزل للحوش وشافها قاعده تذاكر وهمس: ذا الوقت المناسب ي فارس
فارس: تالا فاضيه أقولك شي
تالا بستغراب : مو فاضيه لكن قول وش عندك
فارس: تالا احبك
تالا: وش تحبني انا؟
فارس: ايه احبك من وحنا صغار يوم كنا نلعب بالمزرعه من هنا وقلبي صار يحبك وكل يوم حبي لك يزود
توترت تالا: والله ي فارس مدري وش أقول لكن أنا أشوفك اخوي مقدر أشوفك غير كذا وآسفه لو كسرت قلبك والله يعوضك بغيري بروح لغرفتي فمان الله
فارس بداخله: اسمع صوت قلبي وهو يتكسر حب سنين كلها بتروح عبث بتروح كلها بس عشانها تشوفني نفس اخوها لكن ابشري والله ان أطلعك من قلبي من الليله ذي ولا عاد احبك
كل واحد راح ينام بعد يوم طويل
اليوم اللي بعده تحديداً أربع ونص العصر:
الجد طلع من المستشفى مع عبدالإله ويزن ومعهم فهد
فهد: ها يبه اشتقت للبيت
الجد: انشهد اشتقته له
وصلو البيت والكل استقبل الجد إلا ساره
الجد: نواف ولدي وين حرمتك
نواف: سم ياجدي ابد فوق تتجهز بروح أشوفها والبس واجيكم
كلهم هزو رأسهم بالموافقه
دخل نواف البيت وشاف ساره بكامل زينتها ونطق بداخله: ابك ذي حقتي وكل ذا الجمال أنا أشوفه لحالي ياحظي يوم تزوجت وحده نفسها ونفس جمالها
ساره بحماس : شرايك بكشختي؟
ابتسم نواف : تجنن عطيني دوره أشوفه كله
ابتسمت ساره ولفت حول نفسها ونطقت: ها كيف حلو ولا أغيره
نواف: لا لا حلو
ساره : طيب يلا جهزت ثوبك وكويته وخليتك لك ورا الباب البسه وتعال نتبخر
نواف قرب منها وباس رأسها: الله يعطيك العافيه
ابتسمت ساره: الله يعافيك يلا استعجل لا تتأخر
نواف: سمي
لبس نواف ثوبه وراح لساره وشافها تحط الفحم بالمبخره
ساره: جابك الله تعال نتبخر
نواف: يلا
ساره: قرب
قرب نواف وصار مقابلها وأنفاسهم تتضارب ببعض بدون وعي منه تقدر يقبل نحرها
انصدمت ساره وبتعدت ونطقت: خير مو منجدك !!!
توتر نواف : ها والله اسف بس احد يقدر يشوفك ولا يبوسك
ساره: ادري إني حلوه بس طير خلني انزل وامش معي يلا
نواف: ماتتحملين بعدي
تقدمت ساره تأخذ كرتون مناديل وتجدعه عليه: قال إيش قال م أتحمل بعده أقول امش لا أشوتك ي البعرصي
ضحك نواف : سمي ياعيون البعرصي انتي
نزلو وقبل يدخلون نواف مسك يد ساره وشد عليها
ساره: ورع وخر يدي
نواف: أقول اسكتي عشان محد يحس
تأففت ساره: طيب امش
نزلو تحت
فتح الجد يده ونطق : تعالي ياعروق قلبي وأغلى حفيداتي
نطقت نوره: افا يابو فهد تحبها اكثر منا
تكتفت تالا: اهخ شفتي نوره يحبها اكثر منها خيانه عيني عينك
ضحك الجد : تعالو تعالو
شمقت لهم ساره : أبوك ي الغيره عيني عينك نواف شل أختك وبنت عمتك عن جدي حبيبي
ضحك نواف: ابشري أبعدهم وأبعد أبوهم بعد
نوره: افا ياخوي أخذتك بصفها بسرعه
نواف: ذي حبيبة قلبي أخذتني واخذتني كلي من حقها
خجلت ساره وابتسمت
نوره: العب ماعرفتك رومنسي كذا
تالا: نوره اخوك عجبني يمدي اسرقه
ساره تقدمت تحضن يد نواف: أقول طيري ذا زوجي قال إيش قال تسرقه
ابتسم نواف: ماعليك انا لك مو لغيرك
دخل عليهم فيصل : الله وأكبر ساره تحضن يد نواف من متى
نواف بداخله : يع وش جابه ذا الحين انشهد ان كرهي لك عظيم
الجد: خلهم زوجته وكيفهم
تأفف فيصل ونار الغيره طالعه من عيونه : ايه ماشاءالله مبروك منك المال ومنها العيال
ابتسم نواف : الله يبارك فيك
يزن: يابنت الناس قلت لك مقدر أجي اليوم واشوفك وابعدي عني شفيك كذا لاصقه فيني ياشيخه طيري وخوذي بلوك يلا
عبدالإله : شفيك
يزن: ياشيخ ودي اتوب من تكليم البنات بس عجزت
ابتسم عبدالإله : طيب توب وش قاعد تنتظر
يزن: كيف ابي أتزوج بس ماعندي وظيفه
طق صدره عبدالإله : ابد ادخل عسكريه قدم تو التقديم فاتح
يزن: ايه انشهد بقدم الحين
عبدالإله : الله يوفقك واهم داخل نتقهوى
دخلو داخل والكل موجود بدون استثناء
نطق يزن: يبه بدخل دوره عسكريه وابي أتوظف واتزوج
عادل: ذي الساعه المبارك ابد توظف والبنت اللي تبيها اشر عليها
نوره بداخلها : يارب اجعله من نصيبي تعرف إني احبه وجعله من نصيبي يارب
هز رأسه يزن موافقه
أرسلت ساره لنواف أنها بتروح الشقه تذاكر
نواف التفت بجواله وهزت رأسه واستاذنت منهم وطلعت فوق تكمل مذاكره
فيصل بداخله : ذي الفرصه الوحيده اللي اقدر استغلها
لحقها فيصل قبل تقفل الباب
ساره انتبه له ونطقت والرعب بداخلها : سم فيصل بغيت شي
فيصل بخبث: بغيتك انتي
ساره دخلت غرفه وسكرت الباب قبل يجي ودقت على نواف : نواف امانه تعال فوق تكفى لا تخليني
فز نواف وطلع وراح لها فوق وطق الباب : ساره فيك شي شفيك افتحي
فتحت ساره تحضنه بكل قوتها وتتكلم بصوت باكي: فيصل ي نواف فيصل جاء عندي مدري ليه تكفى لا تخليني
استغرب نواف لكن عرف وش نية فيصل وحضنها بكل قوته ونطق: معك معك مابخليك غسلي وجهك وتعالي أذاكر لك
هزت رأسها بالموافقه ومشت عنده وذاكر لها
مرات الساعات بدون ذكر أشياء مهمه
الساعه ٦:١٥
طلعت ساره من الغرفه وراحت تصحي نواف : نواف قم انت بتوديني ولا أبوي
نواف صحى: لا لا انا بوديك انتظريني خمس دقايق واجي
هزت رأسها بالموافقه
غسل وجهه نواف وطلع لها ونطق: تالا بتروح معك ولا لا
ساره : لا راحت بدري مره صحيت ولقيتها بتروح وقلت لها بجي معك
نواف: تمام انزلي وبجيك أنا
ساره: تمام شف قهوتك بالمطبخ بالمق الأسود
ابتسم نواف: الله يعطيك العافيه
نزلت تحت سلمت على جدها وجدتها ودعو لها وطلعت ركبت السياره
نواف: تأخرت عليك ؟
ساره : لا بس يلا امش لا نتأخر
ركب نواف ونطق: لا تتوترين واثق انك بتجبين فل مارك انتي هدي وصح متى تطلعين
ساره: ان شاءالله اطلع ٨ بضبط ليه
نواف: تمام بجي آخذك ونزلك للبيت لان دوامي الساعه ٨:٣٠
ساره : تمام بنزل انا تبي شي
نواف: انتبهي لنفسك
ابتسمت : وانت برضو
نواف: اسمعي بنتظرك هنا اول ماتخلصين اطلعي
هزت رأسها وسكرت الباب وبدا يدعي لها بداخله
تالا: أف خايفه
ساره: افا أخت عبدالإله تخاف
تالا : تكفين اسكتي خاصه عبدالإله مجنني امس طول الليل يسولف فوق راسي
ضحكت ساره: أقول امشي ندخل لا نتأخر
دخلو قاعة الاختبار وهي ميته توتر شافت الورقه وانصدمت من سهولة الاساله خلصت قبل منتصف الوقت خلصت ووقعت وطلعت
تالا: يمه طلع سهل وأنا كنت خايفه منه
ساره وهي تلبس عبايتها : ايه مرهه سهل
تالا: وين بدري تطلعين الحين
ساره: ايه نواف ينتظرني برا تجين معي أوصلك ؟
تالا: لا لا بيجي عبدالإله وبيفطرني روحي انتي
مشت ساره وشافته ينتظرها وكان نايم
ساره: نواف اصحى خلصت اختباري
نواف وهو يفرك عيونه : الساعه كم
ساره: الساعه ٨:٢٠
فز نواف : لا بتأخر على دوامي امشي اركبي بسرعه
ركبت ساره وبعد مده شافت انه مو طريق البيت : نواف وين موديني
نواف : بآخذك معي مقدر أوديك متاخر
ساره: طيب ولبسك
نواف: بسياره ماعليك قبل انزل بلبسه
هزت رأسها ساره بالموافقه
عوضناكم عن البارت اللي قبل ولا تنسون النجمه حبايبي 🥹🥹🥹
