#رسائل_واتساب #البارت_الثاني 🐢🌻
ـ صاح بوجهي يعني تحبج بنت! ...
ـ بشنو احلفلك ماتحبني بس هي هيج سوالفها
ضربني راشدي ولزمني من اذني ونزل راسي عالموبايل وكلي
ـ بس فهميني احسبيني ماعندي عقل وفهميني شلون هيج سوالفها معقولة بنت تكول لبنت مشتاكة لحضنج ؟
ـ اخ اذني سالم راح تكطع التراجي من اذني ..
ـ جاي اسألج جاوبيني ..
ـ اخخخ يمعود اذني صارت تأذيني ..
مديت ايدي ع اذني وباوعت لإيدي لكيت ع اصابيعي دم
وهو يجر بإذني يكلي جاوبي ..
يمعوووود مو اذني تصب دم
ـ لو يتكطعن اذا ما تكولين شنو نوع علاقتج بهالبنت ماهدج سولفي لو اطيح حظج
ـ اخخخخ اذني حممممد حممممد الحكني ..
افتح باب غرفته واجه حمد يحاجز بينه ويكول شبيكم شبيكم كلما تغيب امي تسوولنا هوسة جهال انتم قابل
هدها هدها وعوفها متشوف شصاير بإذنها
و سالم ما شال ايده عني ..
اني صرت اصيح ..
و فكني حمد وحماني ورى ظهره ..
وسالم يصيح هاي عوبة والله لتفضحنا وتجيبلنا سالفة هالبنت ونصير علج بكل حلك ..
حمد : شمسوية قابل تشتغل بالملاهي
سالم: والله اشرفلها لو بملهى ..
باوعلي حمد ..
ـ شمسوية ؟!
ـ ما مسوية شي اخوك بس يشك وعنده وهواس ومرض نفسي ..
سالم : قسمًا بالله اذا ثبت هالشي ي شمس الا خنكتج تصير ع ايدي امشي ولي لغرفتج ..
رحت ابجي لغرفتي طكيت بجي ..
انفتح الباب بخفة
رفعت راسي لكيته حمد ..
كلي امي وين مختفية اليوم ؟
ـ ببيت جدي .. جدي مريض وخابرها خالي وراحتله ..
اندك الباب بتالي الليل وطلعله سالم ..
طلع صديقه #يوسف
وفاتوا ينركلون بنص البيت وضحك وصياح وهاي مو اول مرة يسويها
كل مرة ابوي عنده حراسة وامي تطلع يجيبه يسهرون للصبح ..
اسمعه يصيحني ..
شمسسس ..
حطي الفحم عالنار ..
صدمني عود هذا الشكاك المسوي روحه يخاف عليه ينادي بإسمي كدام صديقه
سويت الفحم ودزلي رسالة عالواتس تكدرين تجيبيهن النا ؟
ـ لا تعال انتَ شلون اطب وصديقك موجود
اجه عليه واخذ الفحم وكلي
ـ هذا اعرفه وثقتي بي بكد الدنيا من اروحلهم امه وخواته يدخلون عادي ويحجون وياي معتبريني مثل ابنهم ..
