رسائل واتساب

بارت 1🐢🌻

- "جيبي موبايلج وتعالي "

رجليه متشيلني وانخطف لوني ليش يريد موبايلي

بسرعة سويت الغاء التثبيت للماسنجر والفيس عالسريع رغم اني خافيتهن والاشعارات مالتهن غالقتهن!

تم الغاء تثبيت الانستغرام!

حيل اخاف منه لان مانعني منهن واذا شافهن تقوم القيامة عليه

بس هالمرة احس يريد يفتش كلشي

وفتحت الاستديو خاف اكو صورة ما تعجبه او سكرين لمحادثة ناسيته

رسالة ثانية عالواتساب!
الي هو التطبيق الوحيد  الي مسموح اثبته فقط!

ـ "كتلج جيبي الموبايل يـ #شمس وتعالي"

خرجت من التطبيقات المفتوحة واني اروحله ابحث خاف اكو شي زلة ظلت بالموبايل يشوفها ..

كاعد بالصالة وحاط رجل على رجل ..
بيده نركيلة
شافني وكلي استعجلي تمشين ع بيض!
من بلوزته مبين الشر بيها

اي اي هاك اخذه ..
ظليت واكفة فوك راسه ..

لزم الموبايل واني فاتحته حتى مينتبه عالتلفون رمز ..

فتش التطبيقات خاف اكو تطبيق مانعني واني مثبتته ..

كلبي يدك لا يلاكي شي ويسوي بية مثل اخر مرة

طبعا الواتساب فقط مسموحلي ..

اني بداخلي ادعي مايدخل عالتطبيقات المخفية

فتح الواتس والمحادثات يقرا اسماء الارقام ويسأل
منو هاي سارة ؟   - صديقتي بالسادس
كوثر ؟    - وياي بالخط
سراب ؟  -بنت ابو سراب جيرانة ..

كروب السادس مال الصف دخل بي وصار يقرأ وطلع ..

فتح المحادثات ويقرا بيهن حتى من ضمنهن موضوعات نسائية ميصير يشوفوها لكن جان يقراهن كلمة كلمة ..

باوعلي وسألني
ـ ليش بس سارة محادثتها ممسوحة
ـ عادي يعني ليش مهتم هواي
ـ مدري لو محادثة عادية ما انمسحت
ـ لا عادية واكثر من عادية...
-لا تراددي لا املص اذانج.             #وسام_الفراجي

نطاني الموبايل يعني الـ 10 دقايق هاي حسيتها ساعة لان اذا يعرف شي بالموبايل يكسره ع راسي ..

كلي امشي اطلعي لغرفتج ..
اخذته ورحت بس حيلي مهدود ليش هالشك هذا الماله داعي ..

تلكاني #حمد اخوية حاط سماعة بإذنه ويركص وضارب الدنيا جلاق سألني

ـ شبيج ؟
ـ مابية بس #سالم مااعرف ايمت يبطل شك
ـ ليش شمسوي
ـ يفتش بموبايلي خاف عندي ولد او هيج امور

ـ سالم هم بطران منو ظل يحب عالموبايل هو اني كدامي وافصخه تفصيخ ومن ينطيني مي اباوعله زين يلا اشربه ما استنظفه..