رسائل واتساب

البارت الرابع 🐢🌻

#رسائل_واتساب #البارت_الرابع #وسام_الفراجي 🐢🌻

اندك تلفونها!
وباوعت بخلسة شمكتوب اسم ع الي يدك!

#سوسو ..
اخ واني كلبي طلع من صدري توقعت هذا الحيوان الي ديضحك عليها ..

عود جاي تدلع سالم مسميته سوسو ..

ياربي شهالمشكلة هاي شلون اطلع منها لو مو شايفة الرسالة احسلي والله ..

اجه سالم وشافني بالغرفة باوعلي بخزرة مو راضي اني بغرفته لزمت وطلعت وعفته ويا هاي السافلة الي تتظاهر بحبها لسالم وهي تحب انسان ثاني هاي اذا بس هيج هم الحمد لله ..

ظليت بقلق..

رحت لسارة اراسلها ماكو ..
كلت اكيد ماعدها نت ..

رحت نزلت ماسنجر كلت سالم هسة بغرفته ويا مرته ما اظن يجي بهالليل واكيد سارة عدها مجاني هسة ..

من يتأخر من النت مافاتح يعني مخلص اشتراك وعنده بس مجاني ..

فتحت الماسنجر وحطيت الرمز وكملت كلشي ..
لكيته مراسلتني تكلي انتظرج هنا ..

كتبتلها ..

ـ شلونج يروحي ؟
ـ هلا يبعد عمري مشتاقتلج
ـ واني ميتة عليج
ـ ايمت اتزوجج واخلص انتظرت هواي ترا
ـ تعبانة سارة جاي تصير ظروف هواي اليه وقصص واني كاتمتها

ـ احجيلي يروحي شموسة
ـ مو هسة بس توعدني تظل تحبني ؟
ـ قصدج توعديني تظلين تحبيني !
- اي نسيت الوعد والله من الدوخة اسفة
- عادي عاذرج ميخالف مسألة وقت وكلشي يرهم
ـ تحبني ؟
ـ *تحبيني .. كلش
ـ متعوفيني ؟
ـ ابد
ـ متأكدة
ـ ايي
ـ وعد!
- وعد
ـ بعدني خايفة
ـ تشكين بية اعوفج بهالسهولة ؟
ـ لا بس بعدني خايفة
ـ لتخافين وياج للموت ..
ـ امنيتي اشوفج وجه لوجه مرة وحدة وبعدها عادي اموت
ـ اششش شهالحجي عمري راح تشوفيني لسنين
ـ نطيتج كلبي لتكسرينه !
ـ بأمان لا تخافي ..

وظلينا نحجي واني متعلقة بيها كلش هواي واخاف يجي يوم وحلمي الي انتظره يروح ..

صرت افكر يروح اذا صارت وعرفت امي شتسوي او اذا صار شي وفضحتنا سمر اذا طلعت عدها علاقة مكدر اتهمها هسة يجوز ماكو شي من الي بالي ..

صرت اخااااف انرفض والله روحي بيها مكدر اعوفها ..
سمعت صوت سالم ..

لغيت الماسنجر واحنه نحجي ..
طلع مو ع غرفتي ولغيت تثبيته من الخوف ..

كلبي يدك طبل ..
تمددت حطيت جرجف ع راسي ..

دقيقة وطب عليه لكاني متمددة ..

ـ انطيني موبايلج

باوعتله شنو ؟
ـ موبايلج جيبي
ـ شتريد منه
ـ انطيني موبايلج واسكتي ..
ـ متكدر بس عليه اتحداك تاخذ موبايل مرتك