Crossing Paradise

CHAPTER 02

“WHAT THE FUCK!”

Kanina pa mura ng mura ang kuya n’ya habang nag-aararo habang nakasunod naman s’ya at pinupulot ang mga kamote na natatanggal dahil nadadaanan ng araro.

“Naririndi na ako sa pagmumura mo kuya ha. What if ikaw nalang yung baka tapos yung baka ang magmamanipula sayo? ” naiinis n’yang wika.

“Ikaw ba naman parusahan ng ganito. Degree holder ako pero bakit napunta lang ako sa pag-aararo. Putanginaaang putik. ” reklamo nito.

“Parang hindi mo naman nagawa ang ganito noon kung makapagreklamo ka.” inis n’yang sabi habang nilalagay ang napulot na kamote sa isang sako. Basket sana ang gagawin niyang sisidlan kaso ang laki ng sakahan nila na may mga kamote kaya hindi kasya ang basket lang.

“Student pa ako nun, ngayon hindi na. Graduate na ako.” depensa nito habang pinupunasan nito ang pawis sa noo.

“Tambay ka pa din.” pambabara n’ya kaya’t masamang tingin ang ipinukol nito sa kanya.

“Hindi nalang sana siya umuwi kung ganito lang naman ang ipapagawa n’ya. Wala talaga siyang awa satin.” himutok na naman nito.

“This is a worst punishment.” oa nitong sabi.

Pasimple n’yang inikot ang mata n’ya sa kaartehan ng kuya n’ya at patuloy nalang sa ginagawa. Titiisin nalang n’yang makinig sa reklamo at mura nito.

“Manahimik ka nalang kuya, inuubos mo lang ang energy mo. Malapit naman na tayong matapos kaya pleaseee make my ears rest kuya.”

Ikatatlong araw na nila ito sa sakahan, nasa ibang sakahan naman nila ang ibang mga pinsan. Hindi pumayag ang kuya n’ya na hindi sila ang magsama sa isang sakahan. Baka daw gawin siyang alila ng iba niyang pinsan.

Ang oa talaga!

Nasapak tuloy ito ng isang pinsan nila. Wala silang choice kundi gawin ang inuutos ng auntie nila. Hindi pala ito inutos lang kasi sapilitang paggawa ang gusto ng auntie nila bilang punishment sa ginawa nila noong nakalipas na araw.

Nadatnan sila nitong lasing lahat, galing itong Paris kasama ang asawa nito na American National. Thirty plus na ang auntie n’ya at forty naman ang edad ng asawa nito. Mukha pa din namang dalaga at binata ang dalawa kaya hindi natsitsismis ang auntie n’ya na nakabingwit ng sugar daddy kasi hindi mukhang sugar daddy si Tito David. 

Sa kanilang bahay ang auntie n’ya ang batas at paborito ito ng lolo at lola n’ya. Sino ba namang hindi magiging paborito kung spoiled sila sa asawa ng auntie n’ya. Good provider iyon at marunong rumespeto, bonus na yung pagiging foreigner nito para magustuhan ng grandparents nila.Gusto ito ng lolo nila kasi nga nakahanap ng may pera ang auntie n’ya.

“Picturan mo nga ako, yung pangPinterest ang datingan.”

Natigil na naman s’ya sa ginagawa n’ya.

She really can’t understand a guy to bring up such an idea.

Agaran n’yang kinuha ang phone at pinicturan nalang ang kuya n’ya. Wala siyang mapapala kung hindi n’ya yun gagawin, panigurado maririndi na naman s’ya sa pagkayapper ng kuya n’ya.

Nagpose naman ito, nagmumukha itong cowboy sa outfit nito. Hindi maipagkakailang may angking charisma ang kuya n’ya. Hindi n’ya tuloy maintindihan kung bakit iniwan ito ni Ate Trina.

“Hay sa wakas malapit na itong matapos, pwede na akong uminom ulit yessss”

Napasimangot s’ya at tiningnan ito ng masama.

Aba at may balak pa itong makipag-inuman sa sitwasyon nila ngayon.

୨୧

Natapos naman sila sa kanilang ginagawa sa sakahan bago pa magtanghalian. Pangatlong araw na nila sa sakahan kung kaya’t nagmumukhang lantang gulay na daw sila ani pa ng kuya n’ya. Pagkarating nila agad sa bahay ay talagang humilata na agad ang kuya n’ya sa sofa kaya’t nabigyan ng kurot ng auntie nila.