يُفنى الزمانَ ولا أخونَ عهدكِ.

"Part6"

بيروح و بيلقى على دربه الناس
و بيموت ما يلقى من الناس مثليّ ..
.
.
خليتني بين الكرامه والاشواق       
تمنعني العزه ويدفعني الشوق..
.
.
                                                                          🎀Enjoy🎀
.
ابتلع ريقه من نضراتها الكسيره له في جوفه كلام وكلام وهي في جوفها عتاب ولكن كلً فضل الصمت اصبحت عيونهم تتكلم
كسر الصمت صوتها الكسير تمتم:ليه؟ شسويت لك انا؟ اذيتك؟ لا فرقتك عن حبيبتك؟ لا ليه ياسلطان ليه؟ كسرتني فيك انخذلت من ابوي يوم غصبني عليك ولكني رضيت بأمر الواقع قلت معليك يا ملاك سلطان ولد عمك بيعوضك وبيصير سندك اعيد واكرر ليه ليه ياسلطان؟ تنهدت تنهيده اقسم سلطان ان روحها طلعت مع التنهيده
سكت بالع ريقه من كلامها الي ضرب بصميم قلبه وش سوا غير انه يضمه لصدره ويطبطب على ضهره:بسم الله على قلبك خلاص بعدين بعدين عاتبي انا كلي لك سكت بعدين تكلم:
*عاتبيني كان يرضييك العتّاب
وأجرحيني كان جرحي لك دواء. *
كلي فداك
قالت بغصه:مجار من الفدا
كان بينطق بس قاطعه صوت عمه وهو يدق الباب تنهد بعصبيه وفتح الباب وبملعنه من سلطان نادا الأمن حق الفندق شالوه(صراحه يستاهل ازعجني حتى انا)
رجع لها
التفتت له يوم قرب منها دفته وهو ماتحرك حتى يمكن ماحس فيها شهقت من حاوط خصرها دافن وجهه بعنقها
حست بحراره انفاسه تلفح على عنقها قائل بكسره:ربي اخذ لك حقك اكتشفت الكلبه نايا تخوني وازيدك من الشعر بيت طلعت حامل من غيري بتقولين لي كيف عرفت بجاوبك يوم ركبت الطياره وصلني مسج من رقم غريب محتوى الرساله كانت صور نايا مع اكثر من واحد بأشكال مخله اهخخ ياملاك قلبي يوجعني تكفين اسف اسف لو تبيني اشيلك بيدي على كف الراحه بس ارجعي لي والي خلقني اني ما اكرر غلطتي صح جرحتك وكسرتك كثير ارجعيلي داوي قلبي يادواي
تحاول تغير ملامحها لكن صوته عجز يتغير عن نبرتها قائله بصرامه وغصه:‏*
خل اللي خذاك مني يواسيك
تعرف مع الأيام قدري ومكاني
لا تنتظر التفت لك واناديك
اخترت غيري يوم انا ميت فيك
وتركت قلبي وحيد يعاني يمر
الزمن وكل ما مر طاريك ابكي
واقول شلون قلبه نساني..*
دفته من حضنها وخذت شنطتها طالعه برا الغرفه تاركته متوسطها بصدمه وخذلان راحت عند الأمن حق الفندق تبي ابوها خذته وحجزو طائره على الساعه
10:00ص
نروح الرياض
دق الباب نزلت رسيل:عمى مين يجي الصباح فتحت وشهقت وهي ترجع تسكر الباب بقوه بوجهه تميم الي جاي يسأل عن سلطان تآوه بألم وهو يلعن رسيل بنفسه لأن الباب ضرب بخشمه:عمى يالكلبه عمى
خذت جلالها لفته عليها وفتحت الباب وهي متخصره: نعم خير ان شاء الله يالله صباح خير تجي اذا عن سلطان في سويسرا مادرا عن هوا دارك
تميم:سدي حلقك عمى تتكلمين ماعد تسكتين وجعع يوجعك انتي مجنونه انا اشك الصراحه حتى ابصم لك بالعشره انك مجنونه
رسيل برفعه حاجب:خير ان شاء الله انت جاي تدور حرش ولا ايش انقلع يلا مناك والعشر ذي بصم بها عند غيري ويلا انقلع سكرت الباب وضرب مره ثانيه بخشمه سمعته يلعنها ويسبها وهي تضحك بشر لكن فجأه تلاشت ضحكتها من سمعته يقول في دم قمطت ام العافيه اذا صار له شيء كل شي على راسها فتحت الباب شافت خشمه ينزف:عاد تستاهل والله بردت قلبي فيك فديتني بس
تميم:بينا الأيام ياحيوانه والله لاعلم سلطان وانتي تعرفين كيف سلطان متشدد مو زي عمي عبدالرحمن
رسيل وهي مسويه مو هامها وهي من داخلها ميته خوف:اقول انقلع انقلع شين وقوي عين  مين سلطان اعرف اجيب راسه
تميم:انقلعي انقلعي يامريضه اخاف اتكلم كثير تعديني اتجنن مثلك كلي تبن
رسيل وهي تسكر الباب:كل زق يازق تف عليك
تنهد ومشى
دخلت وهي ترقص شافتها الهنوف:الحمدلله والشكر يارب لاتبلانا الله يعين الي يتزوجك الصراحه وبعدين تميم شيبي
رسيل:وجع شوي شوي هدي فيني وناسه غريبه الصدق
وبعدين تميم ذا يبي من يربيه وربيته
الهنوف: الصدق الكلام معك ضايع انقلعي
رسيل:قلعتين ياحيوانه، اييي سمعتي اخر الأخبار
ملاك رجعت قصدي بترجع السعوديه بس ما اتوقع ترجع لسلطان
الهنوف بأستغراب:يهب ولا تسدك الا عمى مسرع عرفتيي هذا وانتي ب في الرياض وهم سويسرا ليكون حاطه كميره الصراحه مو غريبه عليك
شهقت رسيل:انا بتجسسس على الناس! استغفر الله العظيم انا مش بتجسس على الناس انا عمري ماتجسس على الناس عمري استغفرالله العظيم استغفرالله العظيم {الرياكشن ذاك عرفتوه ابحثو عنه وشوفو}
سويسرا📍
طلع من الفندق بعد ماحجز لسعوديه تحديدا الرياض على الساعه 10:00ص
[نفس رحله ملاك وابوها]
راح المطار ينتضرهم ينادون على رحلته التفت وشاف عمه وملاك ابتسم بحزن ونزل راسه
ومر الوقت
9:30
9:37
9:44
9:51
9:58
10:00
صحى من هواجيسه وهم ينادون على الرحله قام وراح الطائره ومن سوء حضهم كلهم بالدرجه الأولى
.
.
.
.
.
.
.
شرايكم بالمفاجعه المهم بنات بنزل البارت السابع لانه جاهز بس انزله المهم احبكم Bye bye🐆🎀