_دنيا.. ماما وين بابا كال شوي واجي ليش لهسة ما وصل حتأخر ع صديقاتي
_أم دنيا ... حبيبتي طلع عند ابوج شغل و دزلج ابن صديقة
_ دنيا ... شنو ماما تحجون صدك شلون اروح وية واحد غريب
_أم دنيا .. لا ماماتي شسالفة لو مو خوش ولد وابوج واثق بي شلون يدزج ويا
_دنيا... كعدت بضوجة شهل ورطة شلون حروح ويا واني لا شايفتة ولا اعرفة وما احب اختلط اني قطع صوت أفكاري هورن السيارة يعلن ع وصول ابن صديق بابا طلعت من الباب اني وتوتري شفت سيارة كلش حلوة موديل حديث واكفة بالباب مال بيتنة وبداخلها شخص لابس نضارات شمسية بعد توني دركز ودك هورن مرة ثانية بمعنى شتنتضرين جيت دركب السيارة شفتها فشلة اركب بالمقعد اليم السايق ركبت ورة
لفحتني ريحت عطر جميلة بشكل ريحة عطرة شخص لابس قميص اسود + بنطلون اسود وكمامة ونضارات استغربت ليش الكمامة درت وجهي ع جامة وضليت اشوف الشارع ما كتلة وين رايحة لان بابا منطي الموقع وكعدت بهدوء
__أمير...ها حبيبة اخوها وين رايحة
_سالي.....تروحلك فدوه اختك والله مواعدة صديقاتي بمطعم(......)
و مسويات جمعة ما قبل التخرج وهسة طالعة وانت وين رايح
__أمير....والله يا حبيبتي طالع عل ابوي عل شركة اشوف اذا اكو شي أكدر اساعدة بي
_سالي .... تمام حبيبي درب السلامة
__أمير...يسلمج حبيبتي
أمير... ودعت سالي وطلعت للشركة عل ابوي وصلت فتحت باب المكتب شفت ابوي و صديق ابوي صار سنين عم جلال
_أمير.... السلام عليكم حياكم الله
_ أبو أمير..هلا بوليدي نورت
_جلال...حيو أميرو الذهب مشتاقين
_أمير....والله عمي احنة الاشوق بس تعرف شغل وملتهين اي شخباركم شدسوون
_أبو أمير....والله عندي اجتماع اني وعمك جلال وهسة حنحضرة
_أمير ... الله يسهل الكم عيناي
_أبو أمير + جلال...تسلم
أمير دنطلع من المكتب استوقفنا اتصال اجة للعم جلال
_جلال...هلا والله اني حدخل اجتماع مراح أكدر اجي أخذها..... يسمع من الطرف الثاني.... هسة اشوف احد من الولد ثقة يجي تمام هلا الله وياج
_أبو أمير....خير خوية أكدر اساعدك
_جلال...والله بنتي دنيا عدها جمعة هية وصديقتها بمكان (.....) و صار الاجتماع منو ياخذها
_ أبو أمير.... اندز أمير اذا ماكو مشكلة الكم صح أمير
_أمير لا عمي شسالفة تأمرون امر واني ما عندي شي بس براحة عم جلال بعد
_جلال...تعيش يا ابني بس خاف عندك شغل وتصير زحمة
_ أمير لا يابة شسالفة هسة رايح
_ أبو أمير + جلال الله وياك ابني
_ أمير ..طلعت من الشركة البيت أبو جلال وكفت بالباب فوك ال 5 دقايق وما شرفت ست الحسن واخيراً طلعت ضلت واكفة اباب بيتهم و واضح التوتر عليها فززتها من صفنتها بهورن وصعدت بس ما جنت منتبه عليها جنت لابس نضارات وأريد اوصلها بسرعة لان متواعد وية اصدقائي المهم صعدت ورة و التفتت عل جامة السيارة و ضلت عينها ع طريق وصلنا للمكان و نزعت النضارات والتفتت الها كتلها وصلنا بس الصدمة بنت تأسر الأنفاس عيون خضر وشعر اسود حرير وبشرة بيضة كطن شايلة من الجمال لوحة فنية سألت نفسي شلون أهلها مطلعيها وهية بهيج جمال ما يخافون عليها
جانت شاردة و بعدين استوعبت نفسي اني شدسوي ليش مركز الهل درجة وصحيت ع نفسي أول مرة اركز ببنت لهل درجة
شفتها شاردة و عينها ع طريق حاولت اطلعها من شرودها وحمحت
احمم عيني وصلنا
هية بسرعة التفتت وصارت عينها بعيني هنا تخربطت كل اموري عيونها الف قصدية تنكتب الهن ولجمالهن شي جميل بشكل اول مرة اشوف هيج عيون
_دنيا ....كل الطريق اني عيني ع شارع وشاردة وافكر شنو الون يلي راح البسة بحفل تخرجي وشحيصير
فزيت من صفنتني على حمحمة ابن صديق بابا وفجأة التفتت وصرنة عيني بعين شفتة شايل الكمامة ماشالله عيونة سود بس نضرتهن حادة اللحية تخبل ولون بشرتة سمرة ماعرف شلون لحكت اركز بكل وجهة الصراحة بس حلو
_ أمير ...عيني وصلنا
_ دنيا ... بأرتباك شكراً تعبتك وياي
_أمير ... لا عيني شسالفة
_دنيا .....نزلت من السيارة وجنت خايفة ع فستاني لونة ابيض اخاف يتوصخ من الطين يلي يم الكراج مال مطعم جانت الدنيا مطر وصاير طين
درت وجهي ع سيارة شفتة يباوع علي ويبتسم ع وضعي
وهنا تلبكت اكثر اخر شي عبرت و هوة حرك السيارة وراح ومن بعيد شفت سالي تنتضرني بالباب لان اتفقنة نتلاكة ع باب شفتها تلوحلي و بوجها علامات تعجب هواي وصلت ليمها وجان تكلي
_سالي... شجابج وية سندي وحزام ضهري أخوية
_دنيا ....شنوو هذا اخوجج؟؟؟؟
جـنـت ويـاكـم. بـاول بـارت وحـكـون ويـاكم لـلـنـهـايـة غـيـومـي الـجـمـيـلـة🌏👑
