_امير ...داخلة من باب الشركة ايدها بيد شخص اول مرة اشوفة والضحكة مالية وجها هنا عقل ما ضل براسي ما عرفت شصرف مرو من يمي سلمو و راحو المكتب عمي جلال واني فتت المكتبي والأفكار صارت ادور براسي منو هذا وليش لازمة ايدة معقول خطيبها بس لا ما لابسة حلقة وما جابت سيرة الموضوع زينن منووو قطع أفكاري دكت الباب دخلت السكرتيرة وكالت
_السكرتيرة...استاذ أمير السيد جلال طلب اجتماع وحالياً ينتضركم بغرفة الاجتماعات
_أمير.. تمام،طلعت من المكتب وبراسي الف سؤال وصلت للمكتب لكيتها كاعدة يمة وديشاقة وياها وما منتبهين ع دخولي تحمحمت حتى اثبت وجود وكلت
_أمير.... السلام عليكم
_وعليكم السلام
_دُنيا... دخل أمير بكل رزانة وهيبة صح سويت روحي ما منتبها لان جنت احجي وية عمر بس ما أكدر ما انتبه علية لابس القميص الأسود وبارز العضلات والساعة الفضية والعطر اليدخل قبلة يجنن عالم ثاني لاحضت نضراتة الجادحة بس ما فهمت سببها كام عمر يسلم علية
_عمر... مرحبا استاذ أمير صح؟
_أمير... مراحب نعم أمير
_عمر... تشرفت بيك استاذ أمير
_أمير ...شكرا الك بس ما عرفتني عليك استاذ منو؟؟
_دنيا.... قاطع التعارف عمو سلام بدخولة وجاوب بدال عمر
_سلام... وياك عمري جلال أبن عمك جلال
_أمير... انت عمر!؟؟
_عمر.... نعم أمير بشحمه ولحمة
_أمير... لا ما مصدك شكد متغير
_عمر ...وانت ما مقصر صاير أمير الوسيم ولك
_أمير... وانت هم ما مقصر ولك
_دنيا... تعرفون بعض؟؟
_أمير... اي انستي بس من جان صغير راح للخارج واني ضليت هنا ورة فترا انقطعت كل اخبارة
_عمر... اي دنيتي جنت اكتلة ابيتهم
_أمير... متأكد انت الجنت تكتلني؟؟؟
_عمر... لا تكتلني واكتلك هههههه
_دنيا...ضلو يشاقون ونضحك واخر شي عقد عمر عقدة وية الشركة وثبت شغلة بيها وطلعت من غرفة الاجتماعات وصادفت شخص صار زمان ما شايفتة سالييي
_سالي... دنيا ولج مرحبا عمري مشتاقتلج
_دنيا ... حبيبتي والله اني اكثر
_وينج صار من زمان ماكو
_والله ياعمري شغل وضغوط وتدرين التهديدات التجي هدت حيلي من الخوف
_عزا دنيا تهديدات شنو
_امشي المكتبي نحجي هناك
_دنيا... دخلنة المكتبي جان أمير ما موجود بمكتبة وضلت سالي تفتر وتسأل وسألت ع مكتب الزجاج البصف مكتبي
