_دنيا... مرت ايام على تخرجي و صار فترا ما ملتقية بسالي واليوم بابا عزمهم كلش متحمسة حتى اشوفها لان مشتاقتلها هواي رحت سويت حمام بسرعة طلعت واني لافة المنشفة ع شعري وكفت يم الميز حطيت ميكب هادء و نشفت شعري وخليتة مفتوح وحطيت من عطري يلس ما استغني عنة ابداً وسمعت صوت امي
_أم دنيا (سيلين)..ماما دنيا وين صرتي الضيوف حيصلون انزلي استفبليهم عل باب
_دنيا... اي ماماتي جاية
نزلت من غرفتي ورة خمس دقايق همة صارو يم الباب اندك الجرس وفتحت الباب اول شخص دخل ابو أمير(سلام)
_سلام.. هلا عمو دنيا شلونج كبرانة هواي وحليانة
_دنيا... اهلاً وسهلاً عمو حلات عيونك تفضل ادخل
_أم أمير(ساندي)...هلا حبيبتي شلونج يعيوني
_دنيا... هلا عيناي بخير ادخلي
_سالي...يولي دنيا حبيبتي مشتاقتلج كلش هواية صار هواي ما شفتج يعمري
_دنيا... حبيبتي سوسو والله اني هم مشتاقتلج هوايي ومفتقدتج
قطع حديثنة صوتة
_أمير ... اذا خلصتن الاشتياق ممكن ادخل
_دنيا... انت اممم اقصد تفضل ادخل
_سالي....اوي اموري شبيك قاطععتنة
_أمير...غير خليتني ديكور يم الباب
_سالي... هههههه اسفين
_دنيا دخلو الكل بقة بس هوة يم الباب اجة يفوت ومر من يمي وهمس بكلمات فهمتها وجانت واضحة الي هوايي
_أمير... واني هم مشتاق
_دنيا...بقيت صافنة يم الباب وبعدين استوعبت نفسي سديت الباب ودخلت تسالمو كلهم والرجال كعدو بصالة وحد واحنة وحد اجيت دا احضر السفرة مال العشة وسالي نطت
_سالي...اني جاية اساعدج
_دنيا... لا يابة شبيج اني هسة اخلص انتي جاية علينة اكعدي
_سالي.... عيب عليج دنيا احنة مو صديقات امشي امشي
_دنيا.. تمام براحتج قلبي حضرنة السفرة وكلشي جهز
_أم دنيا... حبيبتي صيحي كولي الاخوج خل يجون يتعشون
_دنيا... حاضر ماما
جود تعالو تعشو حبيبي
_جود... تمام يلا عيني كومو انتعشة جهز كلشي
_أمير... واخيراً صار الوقت من اجينة لحد هسة احنة جوة بصالة الضيوف وبس اريد يجهز العشة حتى ننجمع واشوفها طلعنا بحديقتهم كلش حلوة و واسعة كعدنة كلنة ع سفرة وحدة تعمدت اكعد اخر شي حتى اشوف وين تكعد واكعد مقابيلها وصار الخططت آلة كعدت وشفتها نضرتلي نضرة ارتباك جانت طالعة كلش حلوة حسيت براحة جبيرة من شفتها صار هواي انتضر شوفتها و صار الجنت اتمنا تعشينا وخلصنة و سالي و هية شالو الاماعين من الميز واجني هية شايلة صينة الجاي وقدمت للكل وصل الدور ليمي واخذتة
_أمير...عاشت ايدج
_دنيا... تسلم
_أمير.... شفتها راحت للحديقة تنطي اكل للبزون مالتها وكمت اروح يمها بحجة اريد ادخن
_جود... ها اموري وين
_أمير ..ريح ادخن جكارة واجي
_جود... تمام حبيبي
_أمير...وصلت يمها شنو اسم هل بدزون الحلو
_دنيا...بزونة واسمها (سكر)
_أمير...كلش حلوة
_دنيا...ايي فدوه
_أمير....شلون صارت ايدج انشالله بخير
_دنيا... الحمدالله تمام شكرا الك
_أمير....اوف منج يا دنيا اوف
_دنيا.... عفواً
_أمير... انتي صرتي دنيا الأمير
_دنيا... عافني وراح بعد ما حجة هذول الكلمات خلص العشة و راحو البيتهم واحنة عزلنة المكان وصعدت الغرفتي مر علي ذاك اليوم يوم التخرج وذيج الكلمات تعبج راحة الكلبي!! واول مرة يكول اسمي اليوم اوف دنيا!!
وختمها صرتي دنيا الأامير!!
هل كلام كل اليلية ضل يتردد بعقلي ليش حجة هل كلمات شنو هل احساس الاني بي شسمة
_أمير... صارلها فترا محتلة تفكيري وما استبعد محتلة كلبي لان ما جاي تتطلع من رسي ابداً شما حاولت اشغل نفسي هية بتفكيري بعز انشغالي شسوي لازم الكة حل لازم
اشوفها كل يوم وكل لحضة
خطرت ابالي فكرة ولازم اسويها
_دنيا... بعد مرور 3 ايام ع يلي صار و اني بعدها الكلمات تاكل راسي اجاني بابا و انطاني قرار ما جنت اضن انو هوة حيكون نقطة التغير الكبيرة يلي حتصير بحياتي
_جلال.... دنيا احنة محتاجيج بالشركة.
_دنيا.. شنو بابا؟؟
_جلال..مثل ما سمعتي بنيتي انتي كل شاطرة بالمحاسبة و ذاك اليوم تخرجتي من هل قسم و انتي لازمتني بالشركة اذا ما عندج مانع طبعاً
_دنيا... لا بابا اكيد بس استغربت
_جلال.... ماكو داعي حبيبتي نص الشركة بأسم ابوج يعني تعتبر الكم
_دنيا... تمام بابا مثل ما تحب من باجر ابلش وياك
_جلال... عفية عليج بنيتي
_دنيا... صح استغربت بس خل اطلع من روتيني واشوف شغلي مو غريبة ع شركة نصها ال بابا نمت على أمل انو كلشي يكون حلو وياي بأول يوم شغل الي كعدت الصبح تحضرت وجنت متحمسة كلش للشغل طلعنا اني وبابا وصلنة للشركة
_جلال... حبيبتي هذا المكتب الج
_دنيا... شكرا بابا انشالله ما اخيب ضنك
_جلال... واثق بيج بابا
_دنيا طلع بابا من المكتب جان كلش حلو وجبير و قاطع تركيزي بالمكتب دك الباب كلت
_دنيا... ادخل والصدمة
_أمير... مرحبا
_دنيا... هذا انتَ أمير
_أمير.... اي اني انستي
اشوفكم البارت الجاي غيماتي☁️🤍🫶🏻
