_أمير...اني هسة واكف يم بابهة و رجعت بذاكرتي الذاك اليوم خطرت علة بالي هل فكرة انو لازم لو اخليها قريبة مني لو أقرب عليها فكرت هواي شنو الشي اليجمعنة اي نقطة يلي راح تقربنة ولكيت الحل الشركة وشراكة ابوي والعم جلال ابوها
ذاك اليوم تخرجت بتخصص كلش حلو واحنة محتاجين هيج تخصصات بالشركة بس اكو مشكلة اذا جبناها ع تخصص فة سالي هم تخرجت وياها شلون ياربي شلون احلها اوكك لكيتها سالي راح اعينها وياها
قاطع ذاكرتي موضف
_الموضف... محتاج شي استاذ أمير
_أمير... لا حبيبي ،دكيت الباب وسمعت صوتها بس من سمعت صوتها حسيت بشعور كلش حلو وغريب بنفس الوقت اذنتلي بالدخول ودخلت وكلت
_أمير.. مرحبا
_دنيا... هذا انت أمير
_أمير... اي اني انستي
_دنيا... هاا اهلا وسهلا
_أمير.... اهلا بيج نورتي الشركة
_دنيا... شكرا الك بس ليش انت هنا
_أمير... مديت ايدي اصافحها وكلت مرحبا آنسة دنيا وياج أمير مدير قسم المحاسبة وابوي وابوج ثنينهم شركة من الطبيعي أكون موجود هنا
_دنيا...عجبتني هل حركة وبادلتة المصافحة مرحبا استاذ أمير اني دنيا موظفة بقسم المحاسبة وابوي وابوك شركاء عمل واحنة هم صرنا هيج
_أمير... تشرفت بيج وجودج اسعد قلبي
_دنيا... احم شكرا الك استاذ أمير
_أمير... لا شكر على واجب شوفي انستي مكتبي هذا بصف مكتبج بالضبط اي شي تحتاجي اني جاهز وبكل سرور
_دنيا ... زين ليش المكاتب جام
_أمير.... همست بصوت شبه مسموع حتى اشوفج براحتي احم هوة هذا الديكور والله
_دنيا... سمعت بس غلست لان ماعرف شجاوب و تشكرت منة طلع المكتبة واني بقيت بمكتبي اكثر من مرة لاحظت انو هوة عيونة علي ماعرف ليش ما انزعجت من هل وضع
_أمير... ركزت بكل حركة وبكل تصرف وتعبير تنطي الاي شي حركاتها من اتمل تبقة تسوي طيارات ورقية وتكتب عليهم كلمات ما أكدر اميزهن من مكتبي و من تتوتر تبقة تحرك بعيونها الاخذت كلبي بكل مكان بالمكتب حركت كلبي بتصرفاتها شكد ما حبيتها صرت احبها اكثر مر اليوم كلة واني مسوي روحي اشتغل بس الحقيقة ضليت مركز بيها خلص وقت الدوام وبلشو الموضفين يطلعون شفتها كامت تتطلع من الغرفة وكمت حتى نطلع سوة طلعنة وهية كالت
_دنيا... هلا استاذ أمير
_أمير... هلو انستي
_دنيا... رايحة على ابوي نطلع سوة
_أمير... اوك اني اوصلج يلا
_دنيا.... تمام مشينة شوي وسألني
_أمير... شلون جان اول يوم الج بالشركة خما تعبتي
