ياجمل الغيد كانك قطعه من البدر الجميل في الأرض مالك شبيه الا الورد الطايفي

1

اذكرو الله ( ما احلل القراءه بدون لايك )

الساعه 1:30 الظهر

بيت ال وائل ، قسم الحريم
مجتمعين على سفرة الغدا ، رفعو انظارهم للجده من قالت : تغدن وتجهزن باقي يومين ويجي رمضان ، خمستن منكن يروحن معي والباقيات ينطقن هنا ينظفون البيت

مياده بسرعه : جده خلينا حنا البنات هنا وخذي عماتي معش
خديجه بكره : وش عندك تجلسين هنا ؟ ماتروحين مع جدتك وتساعدينها
ناظرت لها مياده وشمقتها بكره ، اجوان : وانا ائيد كلام مياده ، تعرفين ياجده امي وعماتي كبار ولا يصلح لهم هاذا الشغل ، خليه علينا حنا دامنا قويات ونقدر
ابتسمت مياده ورفعت انظارها لخديجة المغبونه من بنتها ، نطقت جون : عن نفسي مابساعد لا في السوق ولا هنا
زمرد : وش حضرتش ماتساعدين ، وانا أكبر منش والشيب مالي راسي ساعدت ، انتي عليش البيبان والدرايش
شهقت جون وكتمو البنات ضحكهم ، قالت زمرد وهي تقوم : يلا يلا انهضن وبخلي بنات حمده يجن يساعدنكن
قامت زمرد وقامو البنات يشيلون السفره ويبدون تنظيف

< في المستشفى >
دخل بزيه العسكري ، وراح للاستقبال : السلام عليكم
سهم فز من شافه : أرحب ، عليكم السلام
البدر : اخبارك عساك بخير
سهم : بخير جعلك تبقى ، اءمرني وش بغيت
البدر : ما يامر عليك عدو ، كان لاختي موعد عندكم انت تخبره؟
سهم : دقايق بس ، اختك شسمها ؟
البدر : موده عارف وائل
سهم ما استغرب لان يعرف ان البدر ولد عمه بس هو ساكت ، دور في السجل ورفع انظاره : متأكد حجزت موعد؟ لأن اسمها موب موجود
البدر : اي بله اني متأكد
سهم : عند أي دكتوره حجزت؟
البدر : دكتوره العظام ان ماخاب ضني
سهم هز رأسه ورفع السماعه ، ثواني ووصله صوتها

< غرفه التمريض >
كانت على مكتبها تشوف بعض الأوراق ، لفت للتليفون الي يدق ورفعته عند اذنها : تفضل
سهم : تعالي للاستقبال ، وقفل
الغيد استغربت بس طلعت من مكتبها متوجهه للاستقبال ، وصلت لعنده واستغربت وجود العسكري ، قالت : وش بغيت
سهم : الدكتوره عذوب مناوبه اليوم ولا؟
الغيد : لا ، ماجات للمستشفى عندها عذر ، وش بغيت بها
سهم : العسكري جاي يبي يشوف موعد اخته متى
لفت له الغيد قالت : تفضل معي
مشى معها البدر ووقفت قدام مكتب عذوب ، دخلت وأخذت السجل وطلعت ، مشى معها لين دخلت مكتبها وجلست : تفضل اجلس
جلس البدر وقالت الغيد : اسم اختك لاهنت
البدر : موده عارف وائل
انصعقت الغيد ورفعت انظارها له ، استغرب من انظارها ونطقت : انت متأكد من اسمها؟
ابتسم البدر : اختي كيف ماعرف
الغيد بهدوء تهدي نفسها ، وتدعي انه يكون غلطان او عائله ثانيه نطقت بهدوء : موده عارف وائل ايش؟
البدر : اختي يكفى ذا الاسم ، دوريه لان مستحيل يكون في اسم اثنين متكرر
الغيد تنهدت وقالت : دقايق انتظرني ، طلعت من المكتب وتوجهت لاخوها ، مسكته وقالت برجفه : سهم
سهم استغرب من رجفتها : علامش
الغيد : ا..اسمها موده عارف وائل نفس ج..جدي
سهم عرف انها عرفت وقال : اسمعيني ، انا داري بس لازم نخبي عنهم اننا نعرف ، الغيد لاتسوين مشكله لأنهم لو درو حاسو علينا المستشفى ، لازم مايعرفونا
الغيد : ليش؟ اهلي كنت ادور لهم من زمان ، ويوم لقيتهم تبيني اخبي عنهم اني بنتهم ، أشرت على مكتبها : الي جوا ولد عمي ، ولد عمي ياسهم ، كيف تبيني اخبي عنهم ، انا ابيهم ابيهم
سهم مسكها : اذا باقي تبين وظيفتس لازم تخبين عنهم
سكتت الغيد وهز رأسه سهم يعني اي