ما احلل القراءه بدون نجمه
نوره : من يعني العيال
ابتسمت مياده : بنات جيعانه
موده : حتى انا والله بموت جوع على غداي
لميس بفكره جهنميه : عندي فكره
لفو لها البنات وقالت : نطلب اكل
مياده وموده بسرعه : مستحيل
نوره ناظرت لهم : علامكم وي عادي
مياده : موب عادي ياويلي ، لاتسمعش عجوز قريح توديش مكان الاكل
نوره استغربت وهي للحين ماعرفت حده زمرد ، موده : اطلبو ، وخلو التهريب علي
تحمسوا البنات وطلبت لميس وأرسلت لهم الموقع ، اما موده الي طلعت لغرفه جدها وأخذت ثوبه وشماغه ، دخلت على البنات في المجلس وانصدمو ، مياده قامت : حقات من
موده وهي تلبس : حقات جدي يعني حقات من ، بالله في ثياب رجال في بيت زمرد غيره ، لبست الثوب وطلع أطول منها ، قالت : وحده تنط تروح تجيب سروال من سراويله
رفضو البنات وقامت لميس : والله اني اخسي اسحب عليش ، ابشري بالسعد يابنت عم بنت خالتي ، ضحكو البنات وراحت لميس للغرفه دخلت وتأكدت مافيه احد ، اخذت السروال بسرعه وطلعت ، توجهت لهم وأعطت موده السروال ، لبسته موده ورفعت الثوب تربطه على خصرها
مياده : موده انتبهي لاتشدينه عشان صدرش مايوضح ، موده اخذت الشماغ وتلثمت به وهي تغطي شعره الي يوصل لكتفها ، تنهدت وقالت : كيف اطلع الحين ، بنات بالله راقبو الطريق عشان ازرق للمطبخ اطلع من الباب الي هناك
راحت مياده ونوره يراقبون المطبخ ، اشرو لها أن مافيه احد ودخلت موده المطبخ ، لفت لهم اجوان الي كانت تغسل الفناجيل صرخت بس بسرعه سكتها موده : اص اص انا انا موده
اجوان تنهدت براحه وقالت : وش جابش هنا ، وش ذا اللبس
موده : باخذ الاكل الي جاء وماعندي غير ذا الحل ، اسمعي لو جات زمرد وسألت قولي شفت صرصور ، هزت راسها وشردت موده تطلع من الباب من سمعت صوت زمرد الي سألت اجوان : شبلاش تنابحين ، تبين العيال يسمعونش
عضت طرف شفتها من شافت تفكيرها وقالت بصوت مغبون : شفت صرصور
هزت راسها زمرد وراحت تاركتهم ، جت لميس بسرعه : موده موده روحي يالله عانيه يقول وصل ، ترا قلت له بيجيك واحد اسمه محمد اخلصي علي
هزت راسها موده تروح وهي متوتره وخايفه احد يشوفها خاصه اخوانها وابوها لأنهم بيعرفون زولها على الطول ، مشت وهي تلتفت حواليها ، شافت العامل وراحت له تحاول تخشن صوته : السلام عليكم
العامل التفت لها وقال : عليكم السلام ، انت محمد؟
موده بتوتر خايفه تفضح نفسها : اي انا ، هت الطلب والله يستر عليك
العامل حس ان فيه غلط : انت متأكد انك محمد ؟
موده وهي زاد توترها وخايفه احد من العيال يجي : اي ايه انا محمد ، عطني ياخوي اعجل
العامل : دقيقه ادق على راعيه الطلب ، دق وعلطول ردت لميس : اي هلا ، جاك محمد ؟
العامل : محمد قصير القامه؟
لميس عرفت انه موب مصدق انها ولد : اي اي هو
العامل : انتي متأكده؟ ترا لو راحت فلوسك مالي اي دخل
لميس : ماعليه عطه ومشكور ماتقصر
قفل منها وكان بيسلم الطلب بس رفع رأسه للصوت الي جاي ليتهم< المجلس >
الجد : قم ياوليدي ياعقاب صب لعيال عمك ، فز عقاب ومسك الدله بس كانت فاضيه ، قام : فاضيه بروح لهم يجددونها ، هز رأسه الجد وطلع عقاب ، كان ماشي ليت المجلس الخارجي ، التفت للعامل الي يكلم والي معه واقف ينتظره ، استغرب وش بجيب العامل حق الطلبات هنا ، تقدم لهم وقال : أرحبو؟
موده دمعت عيونها من الخوف لاتنكشف ، ناظرت للعامل وقالت : خلاص الحين صدقت ؟ هات الاكل
استغرب عقاب وقال : دقيقه دقيقه ؟ شفيك انت ياخوي؟
موده : وشو قاعده ابي اخذ الطلب ؟
عقاب : قاعده؟
موده عضت شفتها من فضحت نفسها ، عقاب نزل انظاره يتفحصها وشاف صدرها ، ابتسم وعض شفته من عرف انها بنت ، تنهد واخذ الطلب : تفضل جزاك الله خير ، تنهد العامل وهز كتوفه يعني مالي دخل بالي يصير بالباقي ، ركب دبابه وحرك
عقاب ناظر حوله وتأكد مافيه احد حولهم ، سحبها مع يدها وراح بها وراه النخله الي عند باب المطبخ ، وقال بعصبيه مكبوته : غبيه انتي ؟ دلخه ؟
موده وهي تكمل تمثيل : معليش اخوي بس وش قاعد تقول
عقاب : من انتي!
موده وهي ترجع صوتها الطبيعي : عطني الاكل خلني اهج قبل تجي عجوز قريح
عقاب رفع حاجبه وعرف أنها تقصد خالته : انتي من ؟ صوتش موب غريب علي
موده بستسلام : بنت عارف ، والحين فكني وعطني الاكل
عقاب تمعن عيونها الوساع وقال : انتي الي فتحتي لي الباب المغرب؟
موده ماردت وتنهد يمد لها الاكل : امسكي واحمدي ربش ان محد كشفش غيري ، ولاعد تكررين الفعله هذي ، مفهوم ؟
تاففت موده وسحبت الاكل وكانت بتروح وسحبها مره ثانيه وقال : ولاعد تقولين ميد خالتي عجوز قريح!
موده بعناد تفك يدها منه : عجوز قريح ، ودخلت
تنهد يبتسم وراح للمجلس بس تذكر الدلال وطرحها على عتبه باب المطبخ وقال : جددوها ونادي اي احد يجي ياخذها
مياده هزت راسها وهيوالي كانت صاده عنه ، راح عقاب وجلس مكانه
أنت تقرأ
ياجمل الغيد كانك قطعه من البدر الجميل في الأرض مالك شبيه الا الورد الطايفي
Poetryما استبيح النقل او الاقتباس لست ثرثاراً .. ولكني اكتب اكتب كي لا اجن الكاتبه : سديم 🇸🇦