حذاء نبضه

Part 1

في بيت كتوسط ناموسية كبيرة ناعس فيها واحد الملاك كيشخر بواحد الطاقة كان كيحلم بحلم هادي مع القطوطة حتا بدا الحلم ديالو كيتحول لي كابوس بدا كيتعرق و كنهج ويغوت غوات مامسموعش (بحال لاشادك بوغطاط) كان غادي يخرج ليه عقلو كنما خوه ايمن لي جاه فيقو من نعاس
ايمن: ادم..ادم..فيق براكة عليك من النعاس ،.اداك البعلوك
ادم شهق واحد الشهقة الي خلات خوه يتخلع عليه
ايمن : مالك البعلوك باش حلمتي
ادم : ها اهه ...هوف ..والو
ايمن : كيفاش والو ونتا روحك بات تخرج
ادم : لا والو غير كنت كنحلم بلي كنت كنجري
ايمن : هههه و ادرى ربحتي ولا شنو
ادم : الله يهديك ..اجي بعدا اش كدير في بيتي
ايمن : ..والو غير من صباح ونا كنفيق فيك باش تفطر
ادم : صافي هاني فقت سير خرج من بيتي ولا نعيط لأمير
ايمن : تفو يخليها سلعة
ادم : امييييررررررررؤ هضر مع ايمنننن باغييي يضربنيييي واااااااع
امير من الطاج السفلي: هيه بعد من خوك لانطلع ليك
ادم لي بتاسم بستفزاز لي ايمن
ايمن : تفو هاني نايض عنداك تموت ✨️( كلمتي الشهيرة )
ادم : الحمد لله ربي مطولي في عمري
ايمن : ننننننننن دابا نقصرو ليك
ادم : اميرررررر
ايمن خرج ورضخ الباب
ادم : دييه معااك
ادم : الله ياربي اش هاد الحلمة واش هاد الحليم وليت كنحلم ستغفر الله
ناض ادم غسل وجهو وسنانُ وبدل حوايجو جمع غرفة ديالو المهم روتين ديالو وصافي
بعدها نزل لتحت لقى خوه ايمن كيلعب مع الهاسكي تاعه ( نوع تاع الكلاب) وخوه الكبير امير مجمع مع ماماه ربيعة لي كتحط في الفطور ، ( باباه في الخدمة ) قرب حداهم وجلس حدا خوه امير
ادم : صباح الخير
امير : صباح الورد
ربيعة : صباح الخير النعاس
ادم : ماما راكي عارفني لبارح قعدت سهران بسباب التمارين لي كيعطونا والمراجعة
ربيعة : ولدي الزيون مسكين الحمد لله ماخرجتيش كتابه لشي وحدين شادين غير تليفون مقابلين غير النعاس و الكلاب
ايمن لي ضور عينيه حيت عارف بلي الهضرة عليه
امير: الوالدة عوتاني متنسايش معدالك كيحتارمك ومكتنفخش عليك
ربيعة : وا الكدوب على الله حرام بصح ماعمري سمعت منو كلمة لا ولا تنفخ عليا ولا هز يديه عليا كيحتارمني
ايمن لي دار بتسامة ستفزازية لي ادم لي مامسوقش ليه
كل واحد تلاها في فطورو حتا ناض امير مشا لخدمة وأيمن مشا لبيتو هوا وكلبو اما انا عاونت ماما في الماعن ومن بعدها مشيت لي بيتي باش نكمل التمارين

بعد ساعتين 10 : 11

كان ادم كالس في المكتب ديالو كيكمل تمارين حتا كيحس بالهوا حدا ودنيه في اللول ماتسوقش ولاكين منبعد ماسمع سميتو قفز وهنا بدا كيشدو شوية التوتر ولاكين مداهاش فيه ،(ادم كانت عنده واحد المراية كبيرة كتبين الجسم تاعه كله محطوطة حدا البلاكار تاع الحوايج جنب المكتب )
شوية بدا بحال كيبان ليه تشاش في جنب عينيه فاش تلفت شاف المراية بقا كيشوف في الانعكاس ديالو لمدة 3 دقايق بدون توقف ولا رمشة  ، ناضوبدا كيقرب من المراية بشوية بشوية حتا وقف قبالتها بدا كيتلمس في شعرو لي جاي كحل و متموج و طويل شوية ، بدا كيحيد في الحوايج ديالو بشوية وكتلمس في الجسم تاعه وعينيه الزورق ما كيتحركوش ومكيرمشوش لدرجة ولاو بحالا فيهم دم