حذاء نبضه

part2

14:36

ادم كان كالس في الكوزينة كيرسم حدا ماماه لي كتهدر في تليفون مع باباه عمر ماعرفش علاش ولاكين
غير سالاو غداهم ناض باباه خرج هو وخوه امير ..أما ايمن فراه ساد عليه في بيتو

ادم "اففف ماما ايمتى تسالي من جماعة وتقوليا اش بغاتني "

ادم: وا ملييييت ......ماما باركة عليك من تليفون   

ربيعة (كتهدر في تليفون):صافي حتا انا من سولت خديجة كالتها ليا ....ماعلينا دابا غير نصبرو ونشوفو شنو هادشي....رجوع الله ا عمر واش منيتك ولدي انا راه كاعد غير في دار و المدرسة ماعندوش مع داكشي...زايدون الواحد كتبان عليه البلية في وجهو

ادم : (...هنا ونا نفيق.. كيهضرو عليا ...ايمن ولد الحرام واقيلا هوا لي كذب عليهم )

ربيعة : صافي حتا انا ماقلت والو صافي الله يعاونك سوق بشوية

ادم : ماما اش كتقولو واش كالك بابا شي حاجة عليا .

ربيعة : لا والو ماشي عليك على ولد خديجة شكات فيه ماماه واش كيكمي

ادم : اه اففف تخلعت اسحاب ليا كتهضرو عليا..اجي بعدا خديجة الزمورية معندهاش ولد شكون هاد خديجة

ربيعة لي بدا كيشدها التوتر : ها لا خديجة أخرى...اجي بعدا علاش تخلعتي يكما مبلي ونا معيقاش

ادم : اه كنكمي الله يهديك اماما انا البلية مكنعرف حتا سميات ديالها من غير السيجار ونتي شاكا فيا

ربيعة : معرت ليك .. اجي كول ليا واش كتحس بشي حاجة هاد الايام

ادم : كيفاش زعما

ربيعة : مكتحسش بالخنقة ولا بشي حاجة بيزار كتوقع معاك

ادم : لا ...اه مرة وحدة كنت كنحفظ ونا نغمض عيني شوية ونا نلقا راسي كاعد قدام المراية عريان ..كنتلمس جسم ديالي لي كان كلو ضرابي  وعيني كتحرقني

ربيعة لي بقات غير حالا فمها وزادت تأكدت بلي ولداها ملموس....شداتها الدوخة حاولت ماتبين والو

لي ادم وهزت تليفونها وخرجات لبيتها

ربيعة : ضروري خاصني نقول هادشي لي عمر .....

ادم بقا غير كيشوف مفاهم والو مال ماماه خرجات هكاك ...متسوقش وكمل رسم تاعه حتا شوية بدأت رجلو كتوجع فيه ..

ادم "مال رجلي انا اويلي اهخخ"

مقدرش يستحمل الألم وبدأ كيبكي
شوية وهو يحس برجلو تهدنات عليه بقا كيتلمس فيها حتا جمع الوقفة ومشا لبيتو سدا عليه
تكا فوق السرير تاعه وقعد يتأمل في الحيط كان قلبو كيوجعو معرفش علاه ولاكين الماريو
لي طاح حداه خلاه يغوت وينسا الوجع تاع قلبه ناض جمع رجليه وقرب من الباب بيخرج حتا بدا كيحس بالبيت كيضلام و الباب كيبعد رجليه بردو عليه طاح في بلاصتو مقدرش يتحرك
عينيه بوحدهم لي كيضورو .....شعر كثير يدين كبار ملامح مشوهة جسم كبير ...

..انا لي يحكم روحك انا لي نملكك انا ملك طارش ملك جن العمارة الموكل بالكنوز المدفونة

ادم لي عينيه تقلبو ولا كيشوف غير ضلام مقدرش يتحمل المنظر المرعب

طارش لي بقا كيشوف فيه بنظرات كتخلع لمدة دقيقة ....،هزاه وبدأ كيتامل في وجه وحطاه فوق السرير
تلمس ليه شعرو منبعد الجسم تاعه ...،،حتا بدا ادم كيأن بألم عاد بعد منو
طارش :نتا ملكي انا توحد مايقدر ياخدك مني نتا ملكي ..انا جنب قلبك دايما
.................

النهاية هيهيهيهي كجاك هاد البارت ...اممم حاولت نكتب بزربة و نكتب شي حاجة زوينة على وديتكم ولاكين هه هادشي لي قدرت نكتبه امم عطيني راء تاعك الزين و باي باي
489

حذاء نبضك

الملك طارش 

هو ملك جن العمارة الذين يشاركوننا المنازل، وهو الملك الموكل بالكنوز المدفونة، يتمّ تحضيره واستدعاءه من قبل السحرة لفك الرصد عن كنوز الأرض الذهبية.

وصف الشكل ماشي هوا الوصف الحقيقي مي ختاريت نعطيه وصف من عندي ...باييي