'بسم الله الرحمن الرحيم'
للكاتبة : دانا حسين
* مُتبريه من ذنبكم لبعض المشاهد
..........................................
-نزل ايده من حلكي وبسرعه مد ايدة خلاها ورا راسي ودفع راسي بأتجاه راسه يقبلني انصدمت من حركته رجف جسمي وبطني زادت بالوجع، من الوجع احاول ادفعه بس ما اسيطر على رجفة ايدي هو مستمر يقاوم ومثبت لزمته تخبلت صرت ادفع بصدرة واتحرك بهستريه بس اريده يبتعد اختنك ودموعي نزلت
-فجأه اندفع الباب بقوة بلحضه اشوف كرار جر الدكتور من قميصه وهجم عليه شبعه بوكسيات واكفه مصدومه ورجلي ترجف وعيوني مغوشة بالدموع باوعت لكرار شفته فقد على الدكتور لزمه من راسه وضربه بوكس بخشمه يمكن انكسر، لزمه من شعره وصار يضرب راسه بالحايط وجه الدكتور متروس دم
-رحت يمه احاول الزم ايده اريده يبتعد اول مرا بحياتي اشوف شخص هيج يضرب بعنف، دفعني بعكسه بحيث وكعت لاحض على نفسه عاف الدكتور واجه يطمئن عليه حجيت واني ابجي
:كرار عوفه حباب عوفه
-مهتملي رجع على الدكتور مغمه عليه من الضرب ووجهه صاير خريطه فقد عليه اصيح على كرار يعوفه ممهتملي اخاف اقترب مستحيل اكو هيج شخص شرايين ايدة وركبته بازه وعيونه حمر كأنما ميشوف احد غير الدكتور لزمه من ياخته قميصه قبض ايده راد يكمل عليه رجلي رجفت من المنضر ركضت عليه ولزمت ايدة قبل لا يضربه واهز براسي واتوسل بي
:كرار حباب عوفه خلي يولي
-صفن بوجهي عيونه حمر يخوفن وشراين كصته مبينه شمره على الارض مغمه عليه نزلت ايدي اتنفس بسرعة من المنضر، رجع جرني من ايدي بقوة احس ايدي انخلعت من قبضته طلعني برا المكتب شفت المرر فارغ الطلاب اختفوا مدري وين، كرار يمشي سريع واني احاول اتلاحك خطواته وما اوكع حاولت اوخر ايدة وحجيت
:كرار عوف ايدي كامت توجعني
-دفعني على الحايط ويحجي بعصبيه
:شلونن دخلين مكتبه وحدجج شلوننن
-مكدرت اتحمل صياحه رجعت ابجي واشاهك بالكوه تطلع الكلمه من حلكي
:مو...هو صاحني ...واني رحت عبالي...عبالي...
كرار :عباالجج شنوو طيف انتي راح تخبلينيييي
-يضرب الحايط بأيده من قوة الضرب والصوت حطيت ايدي على اذني وغمضت عيوني بده يصيح
:لييشش لييششش ليييششش دخلتي وحدججج لييششش، ما كدر اشوفج هيج ما اكددرررر
-بطني كطعتني من الوجع مكدرت اتحمل نزلت كعدت بالارض وابجي واشاهك
كرار :لو مجاي انيي جان شصاارلج، ولج طيف خبلتينيي
-هدء شويه صدره يصعد وينزل يتنفس سريع من الغضب، نهضني من متني بقوة وجرني لصدره حضني بدون وعي
كرار :اخخخ طيف اخخخ شسويتي بيه
-اني مستمرة ابجي صار يهدي بيه
:كافي تبجي كافي مو گطعتي لگلبي
أنت تقرأ
" قضية منسية "
De Todoاباوع عليه بنضرات بارده خاليه من المشاعر مقارنةً بنضراته المكسور المصاحبه بأبتسامة مستهزئه، كل الي ديصير بي وبعده مبتسم بأستهزاء، التفتنا من ضرب القاضي على الطاوله وكال :إعداممم فتح عيونه منصدم من كلامه ووجه نضراته إليه انرسمت ابتسامه خفيفه على وجه...
