အချစ်တစ်ခု
ဘယ်မှာအစပျိုးခဲ့သလဲမေး....
စမ်းချောင်းလေးဘေးမှာလို့ကိုယ်ဖြေမယ်
ဒါပေမယ့် နှလုံးသားတစ်ခုလုံး
ပြုတ်ထွက်မတက်
သက်၀င်လှုပ်ရှားခဲ့ရတာကတော့
ထူးထူးခြားခြား
ဂင်ဂိုရွက်၀ါတွေအောက်မှာ....
အချစ်တစ်ခု
ဘယ်မှာအစပျိုးခဲ့သလဲမေး....
ဈေးလမ်းသွယ်လေးထဲမှာလို့ကိုယ်ဖြေမယ်
ဒါပေမယ့် နှလုံးသားတစ်ခုလုံး
တစ်စစီပဲ့ကြွေခဲ့ရတာကတော့
မထူးခြားနားစွာ
ဂင်ဂိုရွက်ဝါတွေအောက်မှာ....
ကိုယ့်အတွက်သီးသန့်ဖြစ်တည်မှုလေးကိုမှ
နှစ်နှစ်ကာကာချစ်မိတဲ့အခါ
တွေ့ပြီးရင်းတွေ့ချင် ချစ်ပြီးရင်းချစ်ချင်နဲ့
ရင်ထဲတအုံ့နွေးနွေးရယ်.....
ကိုယ့်အတွက်မဟုတ်တာကိုမှ
အမြတ်တနိုးချစ်မိတဲ့အခါကျ
ငေးကြည့်ရင်း ရင်တွေကွဲရင်း
အကြိမ်ကြိမ်အခါခါ ရူးသေရတယ်.....
ဒါဆို မင်လေးကဘာလဲ...
မင်လေးကကိုယ့်အတွက်
အနှိုင်းမဲ့ ချစ်စရာမင်းသားလှလှလေး...။
ဒီလိုဆို မင်ကရော...
မင်ဆိုတာ ကိုယ့်အတွက်တော့
နောက်ဆုံးထွက်သက်လှလှကလေး...။
#နေ့ညအိပ်မက်ငယ်
~~~~~~~~~~~~
"တစ်ယောက်တည်းသွားမလို့လား"
မင်းသားဂျီသည်အလုံးစုံပြင်ဆင်ပြီး၍
အပြီးသတ်အနေနှင့် ခါးကြိုးချည်ပြီးတဲ့ခါ
ထွက်ရန်ပြင်ချိန်သည်
အန္တရာယ်များလှသော နေ၀င်ရီတရောအချိန်....
ရန်သူလို့တော့ သတ်မှတ်လို့မရပေမယ့်
သိပ်အလိုမတည့်သောဆက်ဆံရေးတွင်
ညကြီးမင်းကြီးအချိန်တွေ့ရန်
အခေါ်တော်လွှတ်ကတည်းက
မြောက်နန်းစံမိဖုရားသည်နည်းနည်းမှကို
ရိုးသားနိုင်စရာအကြောင်းမရှိ....
မင်သည်လည်း တော်၀င်သွေးပီသပါပေသည်
နည်းနည်းမျှ မကြောက်ရွံ့မယ့်အပြင်
ကာကွယ်ရမည့်သူ့ကိုတောင် မလိုအပ်သလို
တစ်ယောက်တည်းသွားမည်တဲ့
တံခါးချပ်အားကွယ်ရပ်ထားသူကို
မော့ကြည့်လိုက်ရင်း
မျက်တောင်တို့ပုတ်ခတ်လိုက်ကာ
မူပိုင်အပြုံးနှင့်ခေါင်းငြိမ့်ပြလိုက်သည်
