ماكل عام يشادي عام

بارت ٥

على طلب كثير منكم بخلي التنزيل هنا بالواتباد يومياً مثل الانستا لكن البارت ماهو طويل مثل البارتات الماضيه لاني كل يوم بالانستا انزل ٣ بارتات لان وقتي حالياً مايسمح اكتب اكثر من ٣ بارتات اذا وقتي مستقبلاً سمح بنزل اكثر من ٣ بارتات ان شاء الله ، ضروري تتابعوني بالانستا ممكن بالايام الجايه يصير لي ظرف ولا انزل واكيد اني ببلغكم بالستوري اما الان اخليكم مع البارت ، قراءه ممتعه❤️
بقلم الكاتبه : الحور ( ام ابراهيم )
انستا : rrwwisf
تنويه : الروايه من تأليفي وخياليه تماماً الا بتنويه خلال البارتات

ام ماجد : وجاء شاعر وقصد فيه
ترف : وش قصيدته ؟
ام ماجد :
بحكي لكم قصه عن انسان مسكين
ربى يتيـم وكـان رابـع خواتـه ..

ابوه مات ولا ترك لامهـم شيـن
ما غير رحمة ربهم فـي وصاتـه

وعاشوا على شغل امهم بالفساتيـن
ياحسين ود الثوب يا حسين هاته

باول حياته جرب الشين والشيـن
هو فيه زيـن يجربـه فـي حياتـه !

إن راح يلعب عيـروه الوراعين
واذا رجع للبيت مو مـن حلاتـه

يسمع كلام امه عن الفقـر والديـن
ويضيق فيه الكون باربـع جهاتـه

يعني بنت مستقبلـه دمعـة العيـن
ما عاد تفرق عن حياتـه مماتـه

كبر وصار اكبر حرامي دكاكيـن
يسمـع بفقـر الذيـب والا غناتـه

لين اكشفوه وصارله اربـع سنيـن
يدعي لرب البيت بآخـر صلاتـه

يارب تغفرلي بعفـو المساجيـن
وتفرج عن اللي يرتجنّـه خواتـه..

ترف : يالله طيب ماطلع؟
ام ماجد : ماقلت لي شي بس اللي قالته ان فيه واحد قصد فيه
ترف تعكر مزاجها ونطقت : انتم وش فيكم علي اول ماهي قصة شامخ وبعدين جارتنا
ام ماجد : لها كم سنه السالفه وانتي مانسيتيها
ترف : ابداً
ام ظافر : هي امه الله يهديها ويصلح حالهم لو ماتكلمت عن فقرهم ماكان صار حرامي وكان ركز على دراسته وعوضها بس الله يصلح حالهم
وقف وضاح شوي بعيد عن المجلس وتنحنح ونطق : نوره
نوره : هلا جايه
قامت وراحت له ، اقبلت اتجاهه وابتسم لكن تلاشت ابتسامته يوم صد عنه بسرعه وسدت خشمها ونطقت : يع وش هالريحه اللي معك !
وضاح صار يشم نفسه ونطق : مافيه شي ليه وهذي ريحتي
نوره بعدت يدها عن خشمها وصارت تشم ، ركضت وراحت للمطبخ واستفرغت ، وضاح ركض وراها ونطق : وش فيك !
نوره شغلت المويا وصارت تغسل فمها ، وضاح مشى بشويش ونطق بهدوء : وش ماكله؟
نوره : ما اكلت شي
وضاح وهو يخفي ابتسامته : امشي اخذك للمستشفى
نوره مدت يدها وخذت المناديل ونشفت وجهها ويدينها ، رمت المناديل بالزباله " يكرم القارئ " ومدت يدها له ونطقت : احس الدنيا تدور فيني
وضاح مسك يدينها وشدد لها وطلعو لشقتهم ، ساعدها بلبس عباتها ونزلو وركبو السياره ودق على امه وعلمها ، حللت وطلعت نتايج تحاليلها ، وضاح فتح الورقه والتفت عليها وضمها ، نوره حاولت تبغد عنه تبي تعرف ليه سوى كذا ،
وضاح وهو حاضنها : الحمدلله
نوره بخوف : ليه شفيك
وضاح بعد عنها وكانت يدينه على كتوفها ونطق : تحققت وحده من احلامي وبتصيرين امٍ لعيالي ولبناتي
نوره خذت الورقه منه وهي تقرا ، رفعت راسها له وهي ماهي مصدقه ، وضاح ابتسم ونطق : بنمر اهلك ونبشرهم
نوره هزت راسها وراحو لبيت اهلها ،
هزاع بضيق : الله يكتب لي عمر واشوفه
نوره قامت وجلست جمبه ونطقت : بتشوفه ان شاء الله بتشوفه
هزاع هز راسه بصمت ، الكل فرح لـ نوره وانها حامل بولد او بنت وضاح ، وصل الخبر لـ رفعه وعصبت بالحيل ،