في اعماق الحرام

_بارت الثاني_

الـكاتبه : زهراء الـ علي
الروايه: في اعماق الحرام

           التصويت قبل القراءة+رأيكم بالروايه
                        متابعه الـ حسابي

ملاحضه: التنزيل غير محدد ــــــــــــــــــــــــــــــــــــــــــــــــــــــــــــــــــــــــــــــــــــــــــ
دخل أمين كامت امي تريد تحجي فجاء دخلت ابنيه
صاحبه جسم ضخم وبشره سمره وعيون صغار صفر
_سلام عليكم
جانت امي تباوع بصدمه كمت وكفت واردفت
_وعليكم السلام عيني
ابستم أمين واردف
_اعرفكم علئ زوجتي فرح
اردفت امي بصدمه محتله معاني وجه
_يعني عقدت عليه
_اي عقد شيخ وعقد محكمه
تقدمت فرح علئ امي
_هلا عمه شلونج شنو ما مستقبله مرت ابنج
دارت عليَّ ببتسامه
_هلا حماتي شلونج
ركزت علئ عيونه واردفت
_هلا عيني
راحت امي الـ أمين ضربته راجدي عضيت شفتي مبتسمه حجيت بصوت ناصي
_بعد كلبي حيل
اردفت امي بقهر
_ليشش بس حاجيني ليش هيج سويت محد كلي اخر من يعلم لك اني امك لو كايلي جان من صبح رحت خطبتلك ليش ما كلتلي تجيني فجاء وتكول هاي مرتي واني متبريه منك هسه تاخذ مرتك وتطلع يلههه برا بيتي
جانت فرح تباوع وايده علئ حلكه واني مبتسمه
اردف أمين
_يمهه مو هسههه تحجيننن
اردفت امي بدموع
_شوكت يا ضنييي شوكت ازوجت وخلفت وابنك راح وهسه تجي تكلييي هااا ليششس ما كلتلي من البدايه
اطلع من البيت أمين انتَ ومرتك اني متبريه منك ليوم الدين
نزل أمين الاذان امي كمل كلامه ورفع راسه مبتسم
بقت امي تباوع بوجه
_تهددني
_شنو تحسبي حسبي ما يمهني يله حبيبتي افرح نروح للغرفه
ابتسمت افرح واخذت ايده وراحو للغرفه غميتهم من وره ظهرهم رحت الامي الي كاعده بالكاع تبجي
_هسه يا عيني شبيج واذا زوج
_مو قصت ازوج بس يمه غير اعرف يعني يدخل هوه ومرته ومحد يكلي ليش واني متبريه هذه مو بزر بطني
_طبه مرض يا عيني خلي يلتهي بمرته ويعوفنه لا تزعلين ولا تهتمين يروح فدوه نعال رجلج
_ما ادري يا يمه تعبت من أمين من اجه للدنيه لهسه وهوه نفسه ما يوم اتغير
_هسه ليش تبجين تعرفين أمين مابي حض ع شنو بعد يا عيني
بقت امي تبجي رفعت راسه بيدي واردفت
_اذا تحبيني لا تبجين والله دموعج تاذيني
هزت راسه وكامت راحت للغرفه اتنهدت واحس حيصير شي ما رحت وراها كلت خلي ترتاح طلعت للطارمه كعدت جوا الشجره حطيت ايدي جوا حنجي
واغاني

"كَل حب الدنيا ديا في قلبي لـيك"
"دا انتَ اغلئ الناس عليا روحي فيك"
"كَل حب الدنيا ديا في قلبي لـيك"
"دا انتَ اغلئ الناس عليا روحي فيك"
جنت مغمضه عيوني واغاني قاطعني صوت فرح
_صوتج كلش حلو
رفعت راسي وباوعتله
_اعرف
دارت انضاره واردفت
_لا تباوعلي هيج ما اكدر اباوعلج
ضحكت
_اممم
اجت كعدت بصفي واردفت ببتسامه
_عليمن طالعه هيج حلوه
صغرت عيني واردفت
_ليش
_لأن مختلفه عن أمين وامج
_طالعه علئ ابوي الله يرحمه
هزت راسه وكأنو داتفكر بشي شويه وباوعتلي
_جاي ادرسين
_بطلت بصف السادس ابتدائي
اجاوب وعيوني عليه
_ها مبطله اني هم بطلت وازوجت
_امم
_اي والله الي تبطل تزوج احسن اله
عرفته شتريد
_وهسه المطلوب شنو
كامت نفضت ملابسه ضايجه
_ما مطلوب شي منج عيني
رجعت ضهري علئ الحايط مبتسمه
_ها اشوفج ضجتي مرت اخويه
_لا عيني علمود شنو اضوج، المهم اني رايحه
رحت واني مبتسمه
_من هسه وصارت حيه ام راسين
بقيت شويه كاعده وكمت دخلت للبيت شفت امي تعجن وفرح يمها كعدت واباوع عليهن شويه واردفت
فرح_عمه ليش تعجنين هواي
_والله يا عمه ابيع خبز اني
_اها الله يساعدج
طلع أمين من غرفته بشورت وعلئ راسه منشفه راح الفرح كعد بصفه وحضنه من اكتافه
_شلونج فروحتي
_تمام الحمدلله حبيبي
رفعت حاجبي بتقزز من الدايصير كمت من مكاني وكفني صوت أمين
_أريج سويلي چاي الي والفرح
_خلي مرتك تسويلك
كملتي طريقي وصلت الباب الغرفه وحسيته كمشني من شعري
_من احجي وياج ابقي واكفه مو تعوفين وتمشين
_ومنو انتَ علمود اوكفلك
كامت امي
_وخر أمين اني اسوي چاي عوف أريج
_لا يمه هيه تسوي غصباً عليها
اجت فرح
_عوفه حبيبي اني اسوي
جرني من شعري واني اصرخ
_نزل ايدك ادبسز
دفرني علئ ضهري بالكاع حسيت بألم قوي بطني غمضت عيني درت وجهي عليه واردفت بعصبيه
_وحق الله انتَ كواد لو ما كواد ما تسوي شي
اتقدم عليه وصار يرفس بيه
شفت فرح لزمه امي بحجه تهديه اخير شي حسيت بدفره علئ وجهي طحت بالكاع وجسمي يوجعني اجت امي تركض من شافت شكلي ضربت علئ وجه
_يمهه بنتي راحت عزه العزاني الله ياخذك يا أمين
لزمت وجهي بين ايده تبجي
ركضت للشارع وتبجي ماعرفت وين رايحه تقدمت فرح
_ها توجعتي
لزمت وجهي حيل غمضت عيني وكل قوتي ضربته علئ وجه كامت عني تصرخ اجه أمين يريد يضربني دخل ابو حازم ضرب أمين علئ جتفه وشالني راحت امي لبست عبايته واجت صعدني بالسياره بسرعه اخذنه للمستشفئ غمضت عيني وما حسيت بشي غير اني بالمستشفئ كعدت شفت امي تصلي وتبجي اردفت بتعب
_يمه
اجت يمي تمسح بدموعه
_ها يمه أريج شلون صرتي
_الحمدلله زينه
_خوما متوجعه
_لا
شويه ودخل ابو حازم سلم عليَّ
_الحمدلله علئ سلامتج عمو
_الله يسلمك
شويه ودخل الدكتور وبيده اوراق
_المريضه متعرضه الضرب مو
اردفت امي بتوتر
_لا دكتور محد ضاربه بس طاحت من الدراج
هز راسه الدكتور ما مصدك اردف
_حنطي علاجات تستمر عليهن
_اي دكتور ان شاءلله
كتب العلاج وانطاه الـ ابو حازم الي ضايج اجت امي وساعدتني اطلع صعدنه بالسياره اردف ابو حازم
_ام أمين ليش ما كلتي الصدك
جرت نفس امي واردفت
_ابو حازم يبقى هالشي بيدي محد يدخل
هز راسه وسكت وصلنه للبيت جنت مقهوره من امي
لأن ما كالت الحقيقه
_زحمناك ابو حازم
_لا عادي ديربالج علئ أريج
اردفت بهدوئ
_شكراً تعبناك
باوعلي ببتسامه بشوشه واردف
_لا انتِ وحده من بنياتي يشهد الله
ابتسمت ودعناه وراح وخرن ايدي من امي ودخلت للبيت شفت أمين ياكل هوه والـ حيه وما مهتم ابتسمت ورحت كعدت اكل وياهم شفت امي تباوع
بصدمه
اردف أمين
_ها اشو كعدتي يمنه شنو تحبين تنذلين
_لا يروح اختك انتَ اخوي واني غلطت عليك حقك تسوي هيج
هز راسه مستغرب صاحتني امي ما رديت عافتني مقهوره وراحت للغرفه كملت اكلي ورحت غسلت مشيت وصلت للباب وسمعت فرح تحجي
_عمري اسويلك چاي
_اي عمري فدوه الكلبج
ابتسمت بخبث رحت كعدت بصاله شويه وطلع أمين باوعلي وراح الغرفته باوعت الـ فرح حطت القوري علئ النار وطلعت شافتني كاعده
_ليش كاعده هنا
رفعت راسي وحطيت عيوني بعيونه
_ماعندي شي هسه شويه واروح للغرفه
هزت راسه وراحت الغرفته طفرت للمطبخ مبتسه
طلعت البهارات حطيتهن بالماي وحطيت ملح كومه رجعت كلشي المكانه ورحت للغرفه شفت امي نايمه طفيت الضوء ونمت دقايق وسمعت صياح أمين
غمضت عيني امثل النوم حسيت الباب انركع فزيت
شفت فرح كبالي
_منوووو حاط خره بـ چاي هااا
سويت روحي ما فاهمه شي
_شنو يا چاي
كعدت امي تباوع مستغربه
_شكو عمه فرح خوما اكو شي
نزلت دموعه تبجي رفعت حاجبي بتمثيله
_عمه سويت چاي طلع طعمه يلعب النفس ما اعرف شنو حاطتله أريج
دخل أمين
_منو بيجن مسويه شي
سبقته بالكلام بدموع حزن
_يعني أمين اني ما يوم سويت هيج مو كل مرة اسويلك چاي اشو كلشي مابي من سوتلك فرح صار هيج
فتحت عيونه فرح بصدمه
_والله العظيم ما حطيت شي
اردف أمين مقتنع بكلامي
_صدك فرح أريج دوم سوي چاي ما صار هيج
اردفت فرح
_لان ضربته سوت هيج والله
أريج_من رجعت مو كعدت واكلت وياكم ودائما يضربني ما سويت هيج
تريد تحجي تقدم أمين سحبه من ايده
فرح_أمين لاتصدكه تراا جذابه والله
سحبه للغرفه كل هذه وامي ما حجت شي طكيت ركبتي فرحانه باوعتلي امي
_أريج انتِ هيج سويتي مو
_لا يمه تعرفيني ما اسوي هيج شي
هزت راسه ما مقتنعه وطلعت برا الغرفه سديت الباب وطفيت ضوء الغرفه فتحت شباك الغرفه الدنيه ضلمه باوعت للساعه بـ8ونص بليل
_هاي بسرعه صار اليل
رحت لفراشي ونمت كعدت علئ صوت امي
_يمه أريج كومي صلي
مطيت جسمي نعسانه بقيت شوي صافنه وكمت للمغسله توضيت ورحت للغرفه شفت امي تصلي لبست الجادر وصليت كملت صلاتي رجعت المصلايه المكانه باوعت الـ امي واردفت
_يمه اليوم اطلع للشغل
_لا يمه وين طلعين ما شوفين حالتج تعبانه
_لا كلشي مابيه الحمدلله هماتين صالي يومين ما رايحه ماادري 3ايام
_باجر روحي خلي تتحسن حالتج
_لا يمه والله مابيه شي
_الله كريم
_كعديني بـ سبعه
هزت راسه رجعت لفراشي شويه وسمعت صوته تحجين بخنكه
_يمه أريج زعلانه مني
حاولت ما ابين اردفت بنبره عاديه
_لا ما زعلانه
_ادري بيج زعلانه،نفس ما انتِ بزري هوه هم بزري ما اكدر اضحي بيكم وانتِ هم عاندتي وغلطتي
كتمت غصتي واردفت
_عادي يمه مهما كان يبقى ابنج واني بتج
سمعته تبجي
_ما اكدرت اضحي بيه والله ما اكدرت يبقى ابني
كمت يمها
_عادي يمه ولا يهمج تعرفيني ما ازعل عليج يعيوني
حضنتني تبجي
_فدوه لا تعاندي علمود ما يضربج ابوس عيونج يبعد بيتي
ابتسمت وحضنته
_هسه هاي الدموع عليمن يا عيون أريج
_لا زعلين عليه فد يوم مهما يصير ابقى احبج وعزج علئ كلبي
_اعرف يبعدي
_هسه زعلانه مني لولا
_وداعت عيونج ما زعلانه
باستني بخدي
_يروح امج تعاي نامي يمي
نمت بصفه فرحانه شويه واردفت
_يمه
_ها
_ليش احس الأمر مر بسرعه
تربعت كباله اردفت بستغراب
_ما فهمت
_يعني أمين من جاب فرح اشو لا سئلتي علئ زواجه شلون صار او اهل فرح يعرفو لولا كلشي ما حجيتو وا مو كلتي أمين صار عنده طفل بلحرام اشو ما جبتي طاري؟
_شبيج يمه علئ كيفج
كامت وكعدت كبالي واردفت
_فرح ابوه ميت بس هيه وامه عايشات ماعده اخون ولا خوات أمين ما كال الي راح اخطب عباله راح ارفض او اعرض مثل اول مره اخذه بالحلال وخلفو طفل جان اخوج يبات يمها وما يجي يمنه ملاحضه اخوج يغيب بـ الاسابيع
هزيت راسي كملت بعبره خانكته
_اي يمه جاب طفل بس ربج ما كتبه نفس ما انطاه اخذه من عنده اني ما ادري بالحلال علئ بالي بالحرام وجايب الطفل ما توقعت الطفل جاي بالحلال وبيومه دعيت عليه ولهسه متندمه
_يعني ما مغتصب ابنيه
هزت راسه تبجي
_يعني الطفل المات جان من فرح
هزت راسه بـ اي كمت من عنده والف فكره بالي قبل لا اطلع
_يمه شوكت عرفتي هذه كله
_من نمتي حجيت وياه أمين
هزيت راسي وطلعت للطارمه كعدت اباوع للسماء الصافي والشمس الطالعه
_ياريت اني نفس السماء محد يلوحني ويلوثني
نزلت دمعه مني بكتمان
_شوكت ارتاح هواي تعبت
بقيت اباوع وافكر بكل هذه احس كلشي حجته امي جذب بقيت علئ هذه الحال ساعه كمت دخلت للمطبخ غسلت وجهي واني اردد
:لا تفكرين أريج لا تهتمينن فكري بحياتج
نفضت ايدي من الماي دخلت امي للمطبخ اردفت بدون ما اباوعله
_لا تعبين روحج اني ما اتريك طلعت من المطبخ بدون ما اسمع رده دخلت للغرفه باوعت للساعه بسبعه بدلت ملابسي وطلعت شفت فرح كبالي جانت عينه بنفسجيه وركبته زركه اردفت بستغراب
_وين رايحه
_للشغل
_يا شغل بـ سبعه
_هسه شتريدين
_ما اريد شي بس شنو شغلج
_اشتغل بـسطيه
عفته ورحت شفت امي كاعده بالمطبخ تقدمت باستني بخدي
_ديربالج علئ روحج يمه أريج واذا تعبتي رجعي للبيت
_ان شاءلله يمه
لبست الـ حذاء باوعت الباب المطبخ شفت امي عيونه مدمعه ما اكدرت اروح بدون لا احضنه تقدمت بسته من عيونه وايده حضنته
_يله يروحي طبي جوا الدنيه بارده من ارجع سويلي دجاج شوي فدوه الكلبج
هزت راسها مبتسمه علئ كلامي ابتعدت عنها رحت فتحت الباب وطلعت رفعت لثامي ورحت امشي المكان شغلي شويه وحسيت سياره تمشي وراي
جان الشارع فارغ
_يارب اوصل ياربب
قبل لا اوصل حسيت شي علئ خشمي كتمت انفاسي
جان شخص ضخم ضربته برجلي بنص رجله ابتعد عني شميت هواء وكلبي يدك سريع باوعت جان شخص ملثم بس عيونه طالعه
_امشيييي لكك حيوان
تقدم بتجاهي يحجي
_شرايج يحلوه نكضي ليله
جريت نفسي وركضت كل سرعتي واصيح
_ياااا ناس نقذونييي
بقيت اركض شويه وكعت علئ تل رمل وكلبي دكاته سريعه شفته كبالي باوعت للمنطقه الي اني بيها نص بيوته هياكل
_ها يحلوه عبالج تشردين منيي
نزع لثامه فتحت عيني نفسه الرجال الي اجه للبسطيه وتحرش بيها باوعت بعيونه احاول
ما ابين خوفي ابتسمت
_عبالي شخص غيرك خفت
_نروح سوا للسياره
لميت بيدي تراب
_اي عادي هسه اكوم