اتجهت نحوها... بخطوات متردده... ثم نظرت اليها بتمعن وقالت وهى تؤكد حديثها الاول: ايوا انتى مامت خديجه مش كده....؟!!
نظرت لها نيره في دهشة فكيف لها ان تعرفها هى وابنتها... ثم نظرت لباقي الفتيات التى معها فهم يعتبرون في نفس سن خديجه فقالت بتخمين: هو انتو كنتم مع خديجه في الجامعه...!
فاقتربت اميره تقول بتذكر: ايوا مش حضرتك والدتها... هى كانت معانا في الجامعه... بس ايه اللي حصل؟
نيره ببكاء: بنتى... هاتولى بنتى مش عارفه عملوا فيها ايه...
فتقدمت خلود وندى اليها وعلامات الحزن على وجوههم... ولكن اردفت ندى وهى تمسح دموع نيره: ممكن تقعدى وتهدى واحنا بإذن الله نوصلها...
احمد: يعني خديجه كانت معاكم في الجامعه...؟
صقر وقد فهم ما يفكر به: لا يا احمد... هو اكيد ميعرفش...
حمزه: حد يفهمنى تقصد ايه...؟
احمد بتنهيده ليوضح ما قاله: اقصد انها لو زميلتهم في الجامعه... ممكن يكون لجأ للطريقه دي عشان يوصلهم... او يهددهم بس صقر عنده حق هي ملهاش علاقه لو زى مانا بقول ليه ياخدوا البنت دي بالذات...
حور وهى تعقد حاجبيها بعدم فهم: ليه هي خديجه فين...؟
فأجابها جاسم الذي جاء ومعه ذئب الداخلية: اتخطفت... بس اكيد مش عشان هي على معرفه بيكم
سمعوا الخبر وشهقاتهم هي ما كانت تملأ المكان كيف لهم ان يفعلوا ذلك بها...؟ هم يعلموا انهم خُطفوا من ذي قبل ولكن لأسباب كثيره لذا اراد المجرمون الانتقام منهم.... لفشل خطتهم... ولكن لما خديجه... هل يعقل ان يكون تم اختطافها لأنها على معرفه سابقه بهم...؟
فقال ذئب الداخلية ليغير ظنونهم جميعا: البنت معملتش اى حاجه ولا حتي تخصهم في حاجه... البنت اتخطفت لسبب واحد... والسبب ده انه عايز يوصل رساله لشخص معين واظن اننا مش هنقدر نوضح اكتر من كده....
نيره وهى تتجه نحوه وتتمسك به ببكاء : انا مش فاهمه اى حاجه يبنى... بس كل اللى انا عايزاه بناتى يرجعوا مش اكتر
فنظر لها ذئب الداخلية وعيونه مثبتة النظر على دموعها... تعذبه بقوه تجعله يشعر وكأنه يعيد ما حدث معه منذ سنوات... فمسح دموعها يقول: وعد منى انا هعمل كل اللى هقدر عليه عشان ارجعها.... بس بلاش تعيطي... لان العياط عمره ما كان حل
تفاجأ بها تحتضنه بقوه وتبكى،فأغمض عينيه يحاول ان يتماسك فهى تذكره بما مضي وهو لا يريد لعاطفته ان تسيطر عليه... فتركها حتى هدأت ثم أخذها ليجلسها على الأريكه ثم طلب من إحدى الفتيات ان تحضر كوب من الماء فأتت به ندى مسرعه تعطيه اياه... فجلس على ركبتيه امام نيره واعطاها اياه بابتسامة ظهرت واضحه رغم ذلك القناع...
أنت تقرأ
الحقائق الخفيه
Mystery / Thrillerكل شخص منا لديه سر يخفيه ولكن ماذا اذا تطور هذا السر وأصبح مجموعه من الأسرار المخفيه وكل تلك الاسرار هى حقائق خفيه على ابطال روايتنا.... ولكن ايضا ماذا لو كانت البطله تخفي شيء ما من العالم؟... هل ستصمد طويلا وتستطيع إخفاء جمالها... ام سيأتى من يكون...
