كل بدايه قصه ممله بس باقادم
راح تعجبكم اهواي
#النسيان
بقلمي: اسـꪆ الجبوࢪي
لطفاً لا تنسون المتابعه والتصويت
...........................................
أصبّر الرّوح بيش وإنت بيه الرّوح
وإذا تطلع أظلّن بس جسد خالي
ليتك من جنت ما لاكي كل النّاس
أنت أول محبّ وأنت صرت تالي
لكلّك محبّة وأنت أحنّ مخلوق
معقولة الحمامة تصير كتالي
صح ماكو بجمالك أني أدري بهاي
وروجه رقّتك ما كظها أي جالي
حرام عليك تزعل وأنت الصّوج
جيك أنا أعتذر وبلا ذنب خالي
ديالى.....
____________
بهار:كعدت الصبح واني كلني نشاط اخر امتحان الي بسادس وراح اخلص من ضيمه صح مسقبلي مجهول اذا اهلي خلوني اكمل جامعه بس عدي امل راح اجيب معدل عالي ويرضيهم قاطعت أفكاري رنه المنبه كمت غيرت ملابسي وحضرت أقلامي
بوقتهاا بفتره امتحاناتي اهلي شالو من منطقتنا الي تربيت بيهاا صار خلاف بينهم وبين عمامي والخلاف ما جان معلوم أو ماكالو الي وأبوي قرر نشيل مناك بفتره كلشش صعبه علي فتره امتحانات وبيتنا جبير واغراض اهواي وبس اني بنيه بلبيت ع اربع اخوان
قبل يوم باخر امتحان الي شلنا بغير منطقه وجان صعب علي كلشش لأن راح ابعد عن بيتي الي بي كل ذكريات طفولتي وغرفتي الي هي جانت مواسه الي وكل حايط بلبيت بي ذكره حلوه او مره وتفكير ثاني مركز امتحاني ماتي بامنطقه مالتنا وعمامي كالو اي واحد من عائله محمد يدخل هاي المنطقه دمه يصير حلال!!!!
هاذا الكلام جاان خناجر بكلبي ....
شلنا من منطقه ورحنا منطقه ثانيه بعيده اهواي عن منطقتنا القديمه شمرنه اغراضنا شون ما جان وكلمن حار بنفسه واني منهم تركت كلشي خليت افراش الي بطابق الثاني وسديت الباب وضليت اقره بعد ما خلصت اقرايتي ساعه ب٩ بليل نزلت شفت امي وأبوي كاعدين
بهار: ماما ليش ما مرتبه الغراض هسه اجيت وياج أنرتب اشويه وباجر من ارجع من الامتحان نكمل البقيه
منار: لا خليهم روحي نامي بأجر ع كيفي ارتبهم وراج امتحان تعشي ونامي
بهار : ماما ما نعسانه هسه اتعشه واجيج
منار: كافي امي كتلج ع باجر روحي نامي
بهار: تمام على بأجر
بهار: شفت امي غريبه صح تعاملها جامد من زمان بس هسه ماعرف شبيها وجان كلبي ناغزني بعدت أفكاري ونمت ...
بنص الليل كعدت عطشانه طلعت للمطبخ وشفت ابوي وامي با مطبخ
محمد: ان شاء الله بأجر ب٧ نطلع مناا
