#النسيان
بقلمي: اسـꪆ الجبوࢪي
لطفاً لاتنسون التصويت ـ وتعليق بين الفقرات
والمتابعه😍
فلا تغرنك يوماً صفوة العمر المديد ،
فحبال الموت ادنى لك من حبل الوريد
__________
مينا"
دخل كيان وره زلم مسلحين الشياطين كلهم اعيونهم نطت يردون ياكلوه بس عمي وقفهم
كيان: شصاير اهناا
- انته شبل منو
- سوالف الزلم المضبوطه عوفهاا لأن مبين عليك زلمه سلاته ماطول ماد أيدك على نثيه لاحول ولا قوه
- وانته منو دايس على أرضنا
- والله بيك زيج ؛ دمشي لك لاعبالك جبير واحترمك وانته والي وياك هسه بنفخه اطيركم
- اني وعائلتي انته شدخلك بيناا
- والله يا فريـ .. قصدي يا شيخ الكاع كاعناا والمحافظه محافضتناا والمدينه مدينتناا والبيت بيتناا انته شدا سوي بارضناا فوك شينه متعدي عليناا
- بيت اخوي شجابك علينا وشنو بيتك وشنو كاعك بس لا العراق باسمك واحنا ما ندري ؛ وعود من نتعده على عرضك كول تعده عليناا ؛ روح بابا خلينا نشوف شغلناا
وبت بنت اخوناا وجاين نرجعهاا البيت جدها وبيتهاا أما انته شنو اعرابك با موضوع
- فاعل مرفوع ههه ههه ؛ من ايمتى صارت بنت اخوكم من تبريتوو منهاا وهيه ابوها متوفي جديد او مساعديهاا من جانت جوعانه لو مغطينهاا من بردانه لو هسه صرتو زلم من كبرت واسست نفسهاا
- وانته شمدريك بكل هاذاا بس لاعايش وياهم
- لأطول الحجي أخذ جلابك وطلع من كاعي
باوع على شياطينه اشررهم ياخذوني ؛ اجوي شالوني وعافو امي مجان الي قابليه أصيح واحجي روح بدون جسم ؛ لاحضات وصوت طلق صاار مطر جماعت كيان هجموو وشياطين هم هجمو اجي عمي شالني وركض بيه للسياره دخلني للكشن الي وره سحب المسدس ومادري ضرب منو لأن صوت الطلق قوه الصراخ مال زلم صار ماله والي اجوي عمامي ركض صعدو السياره ونطلقوو خارج المحافظه
بعدنا اهواي على مدينتنه وسمعت
- ولكك شسويت
- مادري مادري عبالي اضرب ازلامه شمدريني تجي بي
- ولككك هاذاا اخوه اخوه راح يصخم وجهناا راحح يموتناا كلنااا
روحي كبت من النار اريد اصرخ واريد احجي ماكدر من كل النواحي أنزف ولا واحد ينتبه علي ويكول راح تموت لنص حديثهم ونطقو اسم كيان الي مصوبه جايه طلقه بي ماكدر اسوي شي بس الدموع نار تنزل على وجهي ؛ يعني هم بسببي راح يموت وهوه بعده ما طيبان من ذيج المره
