ما حسبت حساب لحبك

part «10»

........... بعد يوم العيد كل واحد توجه لغرفته بعد يوم طويل وحلو بس
نجلاء كانت زعلانه ومضايقه لانه راكان سحب عليها ولا شافته طول اليوم كان طول الوقت بمجلش الرجال بس حاولت تنام وبعد فتره نامت وكان امير مضايق لانه ما كان في وقت لهم حتى يروحو بيت عمامهم والي مو قادر ينام يفكر بالحب حقته وفهده كانت تفكر بخطه كيف تحط السحر بغرفه نوره وكيف تحط العقار بالمشروب حقها ولاكن بعد فتره الكل نام

في تمام الساعه 10:32 والامهات يسوون الفطور والباقين برا باصاله و الأباء يسوفو والباقي نعسانين وقال مشعل: ابو عايض و ام عايض و جارنا خليل تقريبا بعد الصلاه قالو لا تكركبو المكان
تركي: عادي فيه خدم
جمال: مالي خلق احد يجي قولو م نبيكم
مشعل: اقول تقلع وغسل وجهك مره يزرد
بعدين نادتهم نوره يفطرو
وهم ياكلو وسط السوالف نطقت جوري: صح يا عيال ساعه كذا ونروح بيت جدكم ابو ابوكم
ريوف بنعس: احس مالي خلق
راكان: بغيتها من الله اروح من الصبح لين اخر اليل
صالح: يعني م تبينا
راكان: بالعكس بس اول مره نروح من الصبح
عبدالله: تمام اجل حسبالي
امير: الحين سلمان بفجر راسي تحلطم
ريوف: الله يعينك
بعدها
ما صارت احداث مهمه بطاوله الفطور والكل يسولف عادي لين خلصو

عند البنات بالمطبخ بعد م خلصو فطور كانو يحشو بالي جوهم امس
غزل: اقسم بالله حطمتي وش الي تخصصي ما منه فايده ياناس
ريفان: معليك منها ذي سوسه
ريوف: غيرانه منك
لينا: قاهرتني ام بذله بنفسجيه وشعرها مره لا عيني حاطه فيه جل م يتحرك ابد ييعع تقهررر
ميار: من جد ذي عاد لو شعرها خايس مدري وش تحس فيه وهي حاطه مناكير فيه ليمون اصفر لبسها بنفسجي
هديل: وتقول عني انا و ريفان دلوعين بزياده
ريفان: اوكي حنا صدق دلعونين بس مب بشكل الي هي قالته
ريوف: مريضه ذي الانسانه تقول عن بزر تخيلو عمره شهورر تقول ركبتها احلى من وجهه تخيلوو
ديلا: اقسم بالله الطفل يجنن سمعتها وهي تقول مدري وش تحس فيه حتى البزران تغار منهم
غزل: ركبه جد جد جد جد جد جد جد جدنا احلى منها
لينا: صدق تقهر حتى ام فستان اصفر بجيه تقول وين الحلا وين العصير وين و وين و وين.. طيب هدي بنجيب لك محنا طماعين زيك ولا تاخذ اكثر من شيء مثل عصيرين وكذا
ريوف: لحجيه وتقول خطيبي طيار وخطيبي طاير
ديلا: تقهر تقهر ولا الي قالت لي بتزوج واحد من شركه ابو خمسه ريال قهرتني
ميار: معليك منها تتزوجي قاضي انشاء الله
ديلا ضحكت: شمعنى قاضي
ميار: مدري بس ذا الي خطر ببالي
لينا: صح لسا معلقه على سالفه ذاك الي طحت قدامه مدري اذا قلت لكم او لا بس طاح قدامي بعد والله م امزح وساعته عساس انه ساعدني قبل الا يقول لي مره ثانيه دخلي لا يشوفك احد! وهو يناضر؟ وش يحس فيه
ريوف: اماانهه خاق عليك مافيها كلام
ديلا: ما فيها تفاوض
ميار: سبحان الله طحتو قدام بعض
هديل: الله يهنيكم
لينا: شدعوه عاد بس قهرني شوي
ريفان: العيال من يومهم يقهرو
ريوف: اتفق
دخلت جوري تقول ل ريوف تجهز
وقامت فوق لبست نفس الفستان طبعا حق امس وحطت ميكب ورتبت شعرها شوي و تعطرت و لبست عبايتها وحطت الطرحه على كتفها م تكشخت مره مره زي امس ونزلت و اول م نزلت تركي كان يناضرها ومبتسم بعدين استوعب انها رايحه بيت عمها الي ولدها يحبها وتضايق بس م بين وطلعو وراحو السياره وحركو لبيت جدهم...