ما حسبت حساب لحبك

part «13»

............. هديل: ابي استكشف المكان تجي معي؟
ريفان: ليه لا حتى انا ابي استكشف

عند البنات بغرفه غزل
غزل: بنات مصدعه السرير ذا ابدا مو مريح!
لينا: من جد لوح خشب
ميار: المخده حجره
ريوف: معليكم من السرير ذا الحين شرايكم الفجر نشاهد فلم
ديلا: فكرهه وبعد عشان مدري شفيهم عمامي يقولو يوم واحد فجأه صارت يومين
ميار: صح مافي فعاليه م نبي نلعب
لينا: من جد الامس بس جلسنا نشوف صورنا
ديلا: الي حرفيا كلها صوري انا وجمال ولاعت كبدي
ريوف: في 4 البومات مدري ذا الابوم ليه معلق عليكم
غزل: لازم نشوفهم كلهم بس مو بذي الفتره
ميار: خلو الصور على جنب نعسانه و ابي انام بس السرير م يساعد
غزل:حتى انا والله نعسانه بس مع سرير التعذيب ذا ماني نايمه
ديلا: معليك حبيبتي بتنامين فيه ليلى ثانيه
ميار: سرير السجن ارحم من ذا السرير
غزل: انام على كنبه الصاله ابرك لي

ودخل عليهم سلطان وقال: العيال سوالفهم تصرع واكيد سوالفكم تصرع اكثر بس نسمع
ريوف: الله لا يرويك يتشكون من السرير يقولو كأنه لو خشب والمخده حجره سرير سجون معرف وش
سلطان: وانتي تشرحيلي انصرعت اجل كيف لو سمعت
لينا: السرير حطبب
غزل: من جد سرير السجن ابرك
ديلا: خلاص عاد صدعتو راسي فوق م هو مصدع من المخده الي كأنها حديد
سلطان: يوه خلاص بتبرع لك بمخدتي جبتها معاي
غزل: اعطيني انا اياها
ريوف: اف خلاص بقول شي سلطان شرايك كذا بعد الساعه 12 كذا نجمع كلنا برا ونقول قصص
لينا: ايي قصص رعب
ديلا: لا مو رعب شدعوه بالبر ورعب
سلطان: الا والله فكره تم تم تمم
ميار: اي وبنشاهد فلم بس قبل
لينا: اي بس عاد م نبي العيال مالي خلقهم
ريوف: بس نبي سلطان
سلطان: بعدين تشاهدو لي باربي
غزل: بالله عاد م ذبيت الا على باربي
لينا: وش نبي ب باربي
ريوف: انا انا م ابي باربي
سلطان: اجل تمام
ودق ريوف ولفت عليه وقالت بهمس: وش!
سلطان اشر لها على الباب بعينه وقال: يلا انا بروح وبعدين كذا بجيكم
وبعد دقيقتين قالت ريوف: بنات بروح الحمام (الله يكرمكم) شوي و بجي
البنات: تمام

عند الامهات قامو يسوون الغداء
ساره: صح م انتبهتو ان نجلاء وراكان م صارو يجلسو مع بعض
روها: صح راكان بس مع مالك
نوره: عادي تلاقيهم متهاوشين عاد حركات نجلاء وهي بنتي وانا عارفاها
مشاعل: صدق كنا دايما نشوفهم مع بعض بس جا مالك الحين يعني تهاوشو
زينه: طيب يمكن مالك ماله دخل
نوره: اي اي صح يمكنك ماله دخل
جوري: صح يمكن فكر بأنها كبرت وخلاص يعني مو لازم يلعب معها تراهم كبار
مشاعل: ايوا عادي عادي تصير
روها: بس شفت الامس راكان يقول ل نجلاء تجي تلعب معه بس هي رفضت
نوره: ترا نجلاء نفسيه ومالها خلق احد مدري كيف كانت تلعب مع راكان والله انا انصدمت
زينه: يعني ولدي ماله دخل
نوره: اكيد