Shanod's Pov :
ඉන්දීවරී මියුසිකල් ශෝ එක මේ පාර ඕගනයිස් කරන්නේ අපේ බැජ් එකෙන් නිසා අපි තමා ලොකුම බර අදින්නේ...
මේ ටිකේම ප්රයිවට් ප්රශ්න වලට එහෙ මෙහෙ දුවපු නිසා ශෝ එකෙ වැඩ මන් අතින් මිස් උනා.ඒ නිසා නිකීලගෙ ගෙදර ගිහින් ආවට පස්සේ මන් ටිකක් වැඩිපුර ෆැකල්ටියෙ වැඩ වලට ඉන්වෝල්ව් උනා...නැත්තන් අන්තිමට හිතට මාර අවුල්.
තව සති තුනයි ශෝ එකට තියෙන්නේ...
මන් හිටියේ වූස් එකට වෙලා ශෝ එකේ මේන් පෝස්ටරේ අඳින්න අපේ එවුන්ට උදව් කරන ගමන්...කැම්පස් එකේ තියන ඕනම ෆැකල්ටි එකකින් ඕගනයිස් කරලා ජිම් එකේ තියන ශෝ එකකට කලින් අපි මේ 72 පෝස්ටරේ ඇඳලා ආට් තියටර් එක ඉස්සරහ තියන බැම්මේ ගහනවා...මේක අඩි 72 ක් දිගයි.ඒ නිසා ද කොහෙද 72 පෝස්ටරේ කියන්නේ..
ෆැකල්ටි එකකින් ඇනුවලි කරන මේ මියුසිකල් ශෝ එක මුලු ෆැකල්ටියේ ම කලර්ස් කැම්පස් එකටම පෙන්නන්න කරන එකක්...ෆැකල්ටියෙන් ෆැකල්ටියට ශෝ එකේ යුනික්...අදාල අවුරුද්දේ ඒක බාර ගන්න බැජ් එකට අනුව ශෝ එකේ ප්ලෑන් එක පොඩ්ඩක් වෙනස් වෙනවා.ඒත් ඒකට ආවේණික උන සම්ප්රදාය එහෙම්ම තියාගෙනයි හැම දේම කරන්නේ...මොන බැජ් එක කරත් ශෝ එක මුලු ෆැකල්ටියේ ම වැඩක් නිසා හැමෝම එකා වගේ බැහැලා අන්තිම වෙනකල් අදිනවා.
පෝස්ටරේ උනත් ගොන් පාට් වෙන්න අඳින්නෑ එකෙක්වත්...ආයෙ හැම ෆැකල්ටියකම එවුන් බලන්නේ අනිත් එවුන්ට වඩා තමන්ගෙ ෆැකල්ටියේ එක සුපිරියක් කරන්න.
මන් ශෝ එකේ OC මෙම්බර් කෙනෙක් නිසා මට බාරදීලා තිබ්බේ ඩිසයින් ඇන්ඩ් ඩෙකෝස්...
ශෝ එකට කලින් කරන්න තියන ඒව ඉවර කරලා එදාට නිදහසේ ශෝ එක බලන්න මන් කලින්ම ප්ලෑන් කරපු නිසා තමයි මන් හොරගෙඩියා වගේ පැන්න ගමන් ඩෙකෝස් බාර ගත්තේ...කොහොමත් කාන්තා පාර්ශවේ තමා සංග්රහ කටයුතු...ඔය තේ අල්ල අල්ල යන්න බෑනේ අපිට,ඕවනේ එදාට එපා වෙන වැඩ...සවුන්ඩ්ස් බාරගත්තහමත් එදාට කචල්,
ඔලුව උස්සගන්න වෙන්නෑ...ටිකට් වැඩෙත් කම්මැලියි.
ලොකු ලේසියක් නැතත් මට කරන්න පුළුවන් හොඳම දේ තමා මේක.
YOU ARE READING
හන්තාන මල් | Lowland Blossoms |
Romance" දකින දකින වෙලාවට කොච්චර ආදරේද අහන්න එපා මනුස්සයා.. මන් දැන් ඒකෙ ගාන කොච්චර ද කියලා කිලෝ ග්රෑම් හරි ලීටර් වලින් හරි මැනලා කියන්න ඇයි,, ආදරෙයි ඉතින් ටිකක් !! "