ရုတ်တရတ် အရှိန်အဟုန်ဖြင့်ထိုးစစ်ဆင်လာတာကြောင့် ဂိုဏ်းအသီးသီးဘက်က အထိနာခဲ့သည်... တချို့ဂိုဏ်းတွေဆိုရင် ကျူငုတ်ပါမကျန်အောင် ဖမ်းဆီးရှင်းလင်းခံလိုက်ရသည်... သေချာပေါက် သူတို့ကိုအမြစ်ပါမကျန် ချေမှုန်းဖို့အတွက် အသေးစိတ်စီစဉ်ထားတဲ့ နိုင်ငံပေါင်းစုံရဲ့ပေါင်းစည်းတိုက်ခိုက်မှုကြောင့် သူတို့အားလုံးတစ်ကွဲတစ်ပြားတွေပင်... ဖမ်းမိသွားတဲ့ ဂိုဏ်းသားတွေလည်းအများကြီးရှိသလို... အသက်ဆုံးရှုံးလိုက်ရတဲ့သူတွေလည်း အများကြီးပင်...
တစ်နေ့မဟုတ်တစ်နေ့ ဒီလိုနေ့မျိုးရောက်လာမယ်ဆိုတာကို သိထားပြီးသားဆိုပေမယ့် ဒီလောက်ပြင်းပြင်းထန်ထန်ဖြစ်မယ်လို့ မထင်ထားရိုးအမှန်ပင်... အချိန်နှစ်ရက်အတွင်းမှာပဲ တခြားမြို့တွေကဂိုဏ်းသားတွေ အားလုံးနီးပါးဖမ်းမိသွားခဲ့ပြီဖြစ်ပြီး ဆိုးလ်မြို့တစ်နေရာမှာ ပုန်းခိုနေတဲ့သူတို့သာကျန်တော့သည်... တချို့ကလည်းလူခွဲကာ ကိုယ်ယောင်ဖျောက်နေကောင်းနေလိမ့်မည်...
ခါတိုင်းကဲ့သို့ နိုင်ငံတော်ကရာထူးကြီးသူတွေကိုလာဘ်ထိုးကာ ပြည်ပကိုထွက်ပြေးတိမ်းရှောင်လို့လည်းမရသလို သူတို့ဂိုဏ်းရဲ့ပိုင်ဆိုင်မှုတွေထဲက ရှာလို့တွေ့သမျှကို အစိုးရပိုင်အဖြစ်သိမ်းယူသွားခဲ့ပြီဖြစ်သည်... ပြည်ပကိုထွက်နိုင်ခဲ့တယ်ဆိုရင်တောင် နိုင်ငံတကာကပူးပေါင်းပြီးချေမှုန်းတဲ့ Mission မို့လို့ တိမ်းရှောင်ရခက်ခဲမည်ပင်...
"ဖျောင်းချန်းဂိုထောင်မှာဖွက်ထားတဲ့ ရွှေနဲ့ဒေါ်လာတွေပဲကျန်တော့မယ်ခေါင်းဆောင်... ကျန်တာအားလုံးအသိမ်းခံလိုက်ရပါပြီ..."
"မင်းကိုတစ်ယောက်တည်း ထွက်ထွက်မသွားဖို့ ငါဘယ်နှခါပြောရမလဲကင်မ်ဆော့ဂျင်..."
ဆိုင်ကယ်ပေါ်ကဆင်းဆင်းချင်း Helmet ချွတ်ရုံရှိသေး ခေါင်းဆောင်ကခပ်ကြိတ်ကြိတ်ဆူလာသည်... ဒီသုံးလေးရက်အတွင်း အဖက်ဖက်ကဖိအားတွေကြောင့် ခေါင်းဆောင်မျက်နှာပေါ်မှာ မာန်တွေလျော့၍နေချေပြီ... သူပြိုလဲသွားလို့မဖြစ်လို့သာ အတင်းအားတင်းထားရသည့်ပုံစံပင်...
YOU ARE READING
The Revenge Equation ☠
Fanfiction"လူတွေကကောင်းကင်ဘုံကိုတော့ရောက်ချင်ကြတယ်... ဒါပေမဲ့ ဘယ်သူမှမသေချင်ကြဘူး... ဘယ်လောက်ရယ်စရာကောင်းတဲ့ဟာသလဲ..." "An Eye For An Eye" #Myanmarsub
