اسفار الظلام
بقلمي زَهراء الـ جبور
لطفاً تصويت قبل قرائه البارت ومتابعه الحساب حتى يوصللكم جميع الأشعارات بالأضافه للتعليقات بين الفقراتَ همتكم عزيزاتي، ❤️
متابعه حساباتي
instagram: zaz_jubouri
Telegram: zaz_jubouri
<><><><><><>><><><><><>
صارت عيني ع سيارات ودخلت سياره حسن للفرع نزع نظارته يباوعلي مصدوم واني صدمتي ماتقل عنه من شفت الصاعده وياه!!!!!
عض شفته سفليه متحلف صف السياره عن الطريق ونزل مخنزرني
حسن: وين طالعه فوكها بلبس البيت؟؟!!،
نور: اكتفيت بالسكوت وعيني بالسياره من نزلت منها كانت لابسه لبس رسمي وناثره شعرها ونظارات الشمسيه ع عيونها ردت اطم نفسي وعيوني دمعت يخوني؟!
اجت يمنه مبتسمه وحسن فاير التفت الها من سمع صوتها وراه،
- السلام عليكم شنو صاير شي؟
حسن: لا ماكو شي مشكله بسيطه،
اشرله عليه ولسه كالب وجهه
حسن: نور زوجتي
نور: مدتلي ايدها تسلم عليه بـ ابتسامه صافحت كفوف ايدها وردت اكسر اصابيعها الا شويه بسرعه سحبت ايدها من حست بالضغط
- اتشرفت بمعرفتج اني رزان،
- واني الاشر..
ردت اكملها واكللها اني الاشرف بس قاطعني حسن هو يخلي ايده ع كتفي ومصعدني بسياره
حسن: بربج صدك تحجين،
نور: ليش مجذبه اني مو اشرف من جايبها؟؟
وشعندك وياهااا هااا
فتح باب السياره صعدت وعيوني تخنزره صفن عليه ثواني هز ايده يضحك وصعد وهيّ صعدت وره
وصلنه للبيت نزلت قبلهم طبكت الباب بقوه وكفت باب الشارع منتظرته يفتحه هو اجه وراي ويحجي بهمس
حسن: فدوتج الباب والسياره اذا تردين روحي كسريها وفرغي غضبچ لايصعد ضغطچ حبيبتي،
نور: منو كلك معصبه!!
حسن:الباب
نور: شنو
فتح الباب مبتسم ودخلت قبله دورت ع أنس لكيته حاظن نفسه وغافي بالكاع شلته حاظنته لصدري وامسح دموعه غمضت عيوني ثواني متألمه على وضعه،
فز يباوعلي برعب مسحت عرق متصبب ع كصته وعدلت شعره
أنس: وين بيبي؟
نور:ماعرفت شجاوبه ونسيت اصلاً طلعت حتى ادورها نقذ الوضع حسن بجيته اخذه من حظني يبوس بي
حسن: شلونك سـبعي
أنس: بيبي ماهيه عافتني
حجاها وبچه باوعلي حسن بنظرات خاطفه واني ابچي وياها ورچع يحچي وياه
أنت تقرأ
اسفار الظلام
Mystery / Thrillerثم مسحت دموعها وقالت انا حواء الذي شهد القرأن على كيدها فـ والله لأبكينك دماً ياأبن ادم....
