في قبضة المهيب

البارت السادس

تعمدت اخلي نهاية البارت مشوقة حتى تشغل كونان اللي بداخلجن 😂😂 وكتبلي توقعاتجن للبارت الجاي ، لتنسن المتابعة والمشاركة...

______________________
عن حال لسان لذاذة..

أول مَرة أحِس مَا بيدي حِيلة
ولا عِندي شَخص حَتى اشتَكيلة

______________
بعد ما حجينة شوي اني واختة

مسحت الميكب ورحت سبحت فرڪت رگبتي بأقوه شي عندي لان طخني وايدي تزلغت ورجلي صار جسمي يصل عليه من الالم اضرب ع كلبي تعبني بس يدگ بسرعه لكككككك اوكف وخلصني مليت منه جنت منهاره ابچي بهستريا وبدون صوت جانت صرخاتي بداخلي احسها ترج البداخلي رج لان جنت متأمله يجيني شخص وينقذني وهل امل اختفى اليوم صرت زوجة انسان ظالم بحق الطفوله متملك بالاشياء اللي يحسها اله غيم عليه ظلام المهيب بعز نور شبابي اختفت احلامي ابتسامتي كلشي اختفى اليوم صرت جسد بلا روح امشي بضياع وتشتت والهوسه اللي بداخلي متعبتني شي يريد اهلي ويحبهم شي يكره شي اسمه اهل لان ماانقذوني منه اهلي الناس الاجاويد اللي تجيهم طلايب من كل المحافضات ويحلوها ماحلو مشڪلتي ماخلصوا بتهم من ظالمها يدرون راح يدفني بالدنيا يدرون راح ينطون بتهم لانسان مريض عقلياً همة سلموني بإيدهم للموت ولعذابي هنة ضحو بية اتي صرت ضحيتهم جان المفروض اصير المدللة عدهم
اجه ع بالي هاذ البيت..
هلي والماينحجي ارد احجيلڪم منه...

اريد احجي بس حسافه احد يسمعني اخذت بنصيحة غصون واحجي وي روحي بلڪي ارتاح صرت اكسر واجبر وحديييي مره اكول ليش وحدي ومره اكول لا اهلي يمي حسيت نفسي راح اتخبل افكاري صارت متناقضة تعبت  ربي صبرني وانطيني القوه لملمت تشتت بالي وبدلت وطلعت فتت لغرفتي وقفلت الباب عفت شعري مبلل واريد افصل من عالمي واروح بغير عالم ذبيت روحي ع الجربايه وغفيت من التعب والالم والله الم روحي اكبر من الم جروحي وكسراتي شايفين الانسان من يفقد الامل بڪلشي يصير يمشي سهوه بدون مايعرف هو وين يريد
حلمت بنفس ذاك الرجال لابس ابيض ويطلع من وجهه نور مااكدر اباوعله وكف بعيد عني واني جنت اباوعله س بعدين خليت ايدي ونمت عليها ماحسيت غير يمسح على راسي..
لذاذة.. عمو اني تعبت اخذني وياك حباب
.. إن الله يعلم بما يفعل الظالمون
لذاذه.. خلي ياخذ حقي من اللي ظلمني تعبوني كسرو واهسي بدنيتي عيشوني بظلام واني نور شبابي هستوه بلش يشع
.. ڪل انسان الله سبحانه وتعالى يختبره بأكثر شي صعب عليه حتى يشوفه راح يفقد امله بالله لو لا وانتي ربج يحبج رغم وجود الطغاة والظلام بحياتج لكن مانسيتي اكو رب اللي يحلها واني اليوم جايج برساله من ربج ويكلج اصبري ان مابعد العسرِ يسرَ