في قبضة المهيب

البارت الخامس

قناة التلي

لتنسن المتابعة ورأيجن بالتعليقات
______________________________

بَلكي نموت !
خلصنه العُمر لَچمات
محد يفهَم شبينه
الوجَع لاحگنه مِن كل صوب
حافظ حتى أسامينه

بعد مااجاني للمدرسة ، نصدمت وتفاجئت الف فكرة أجت بالي ، راح يخطفني ؟ يموتني ؟ يسوي شي يأذيني ؟ ينتقم مني لان أعاندة ؟ هواي شغلاات سيئة اجت بالي خوفي منة جان  مسيطر علية

لذاذه.. طلعنه واني اسحل برجلي سحل وسنوني طگ سن بسن من الخوف اكثر شخص يرعبني وجوده هو مهيب صعدنا بالسياره شغل التبريد ولزم ايدي باسها بوسه حسيته نزل لأعمق خلية بإيدي

مهيب.. شلونج بنيتي مشتاقلج ابويه انتي
لذاذه.. زينه الحمدلله
مهيب.. تريگتي؟
لذاذه.. يي
مهيب.. ريتوو الف صحه وهنا
لذاذه.. ابتسمت مجامله ونزلت راسي شغل السياره وطلعنا بس مارحنا بطريق البيت هناا لعب گلبي..
وين راحين هاذا مو طريق البييت
مهيب.. يي حبيبي غير اشتريلج ذهب
علمود العقد بعد اسبوع
لذاذه.. نكدر نروح جمعه او سبت او ممكن العصر عندي تحاضير ماباقي غير شهر وتطلع الاعفاءات
مهيب.. وادري بيج راح تطلعين اعفاء عام
لذاذه.. حباب رجعني ماريد.. جان مبتسم ويحجي من كتله هيج اختفت الابتسامه وتحولت الى نضرات عصبيه خزرني حسيت راح يغمى عليه گلت هسة حيكتلني ومااستغرب اذا مانزلني من السيارة وخلاني جوا التاير وسحگني
من الخوف رجعت ضهري وخليت راسي ع الجامه وهو لازم ايدي ومستمر ساعه يبوسها ساعه يشمها واني لاززم اتحمل بس لان اخاف يضربني واني جسمي بعد مابي حيل ضرب وصل لمحل ذهب كلش فخم اول مره اشوف هيج نزلنا وهو لازم ايدي ويمشي فتنا للمحل استقبلتنا بنيه
.. تفضلو بشنو نكدر نساعدكم
مهيب.. اريدج تلبسينها ذهب من راسها لرجليها
.. هههه تستاهل والله تدللون
لذاذه.. راحت البنيه حجيت ويا بهدوء
لذاذة.. اني مااحب الذهب
مهيب.. ميخالف حتى اذا ماتلبسي ضمي
مو يكولون الذهب زينه وخزينه تحتاجي بعدين
لذاذه.. البنية جابت كووومه ذهب اشكال والوان اني ابدد مو بواهسي شي بس اباوع وهي تلبسني مهيب يشوفه ويكول اي جهزي هذا خلي هذا جيبي ذاك بعد تستاهل حبيبتي ماخلى شي ماجابه اشكال الذهب بوقتها جان اكو سلسله كلشش دراجة هي بسيطه كلش بس حلوة كلش عجبتني ضليت اباوعلها بس  بس هو ماخلاها وياهن بقيت اباوع عليها والبنيه تجهز ب الاشتريناهم اخذناهن وطلعنا كلش بقت بنفسي تمنيت لو مخطوبين عن حب لو جان مهيب حباب وياي وميكتلني جان گتلة حبيبي اريد هاي كلش عجبتني بقيت صافنة واتخيل لو جنة هيج عايشين وهيج حياتنا شگد جانت حتكوون تخبلللل
فزيت من صفنتي من گال يلا صعدي صعدت بالسيارة  وهو خلى الاغراض ع الكشن الورانا ووگف يم  الباب مالتي وگال..
مهيب.. نسيت شغله جوه هسه ارجع
لذاذه.. تمام.. راح هو بقيت گاعده انتضر عشر دقايق ورجع هم بيده علاگه مالت ذهب ماسئلت شنو ركب بالسياره ورجعنا للبيت بس اني ميته تعب مااعرف من شنو رغم ماتعبت ذاك التعب وگلبي احسه يريد يطلع من مكانه ع گد مايدگ نزلت للبيت اخذت بس علاگه وحده ودخلت جوه وهو جاب الباقي كلعاده اكيد محد موجود اول ماوصلت لغرفتي درت وجهي من سمعت الصوت
ام لذاذه.. رحتو للسوگ
لذاذه.. يي
ام لذاذه.. وين مهيب
لذاذه.. بالباب
عفتها وفتت اخذت ملابس ورحت للحمام سبحت شفت اكو مكان فوگ خاصرتي بيه دائره وصايره زرگه ومكان رجلي هم ازرگ واخضر تنهدت وكلت حسبنا الله ونعم الوكيل شنو فرقي عن اليتيمه؟
لاعندي واحد يفزلي من انادي
ولا اهل يسئلون عليه
امنيتي اشوف بابا يهتم بيه مثل البقيه اشوف زميلاتي بالمدرسه يجوهم  ابائهم من يطلعن من المدرسه اباوع من بعيد يشاقون وياهن ويضحكون بس اني ضلت حسره بگلبي لا احد يسئل عليه بالاداره ولا يجيبني من اخلص دوام
جنت اخذ رجات عاليه واقل شي عندي95 بكل المراحل الدراسية ولا مره احد باركلي وگلي رفعتي روسنا والعالم كلها من تشوفني تباركلي ويگلولي والله انتي ماكو منج هم درجاتج عاليه وحبابه ومؤدبه بقيت بصفنتي وواني اذكر مرة   جنت راجعه من المدرسه بصف الرابع العلمي بوقتها جانت بيدي نتيجة الاعفاء العام بس ابد مافرحت بيها شافتني مرة ماعرفها تقربت مني وباستني سئلتني
.. انتي بت جواد؟
لذاذه.. يي خاله
.. الله يحفضج بنيتي ويبارك بيج
لذاذه.. تسلمين خاله
.. سمعت انتي شاطره بالمدرسه
لذاذه.. الحمدلله نتيجة تعبي اكيد
.. هاي نتيجتج
لذاذه.. يي اخذتها مني وكل ماتشوف درجه تكول اللهم صلِّ على محمد وآل محمد
عجبني تصرفها كلش تمنيت امي مثلها
.. الف مبروك يمه
اني بنيتي وياج هم شلونها بالمدرسه
لذاذه.. مااعرفها خاله شنو اسمها
.. كواكب محمد
لذاذه.. والله خاله عذريني بس مااعرف البنات مجرد اروح احضر دروسي وارجع ماعندي معرفه بيهن..
شفتها ضلت صافنه استأذنت منها ورجعت للبيت على امل احد يفرحني وطيب خاطري بس مع الاسف محد سئلني جانو الكل كاعدين وحتى مهيب وياهم شافني اشرلي بمعنى فوتي لغرفتج هم اني صدك فتت للغرفه اخذت ملابس ورحت بدلت من رجعت للغرفه لگيته بيها الخوف يقره الف جان اكو منشفه ع راسي مسويه بيها شعري اول ماشافني طفر جرني منها لمن نضرب وجهي بالگاع
لذاذة.. الله يخليك لا والله كلشي مامسويه
مهيب.. لججج اني مو گايل ممنوع،  ممنوووع تحجين وي احددد گلت لو ما گلتتت
لذاذه.. لزم شعري ويفر وجهي بالراجديات فر
هزيت براسي ب يي
مهيب.. تخورستي قبل شويه لسانجج لسان الدلاله تسولفين من وصلتي يمي تخورستي مووو احجيييي احجييي سمعيني صوتجج
لذاذه.. جنت اشهگ وبالكوه احجي.. يي يي والله گلت بس هي اجت حاجتني شسوي يعني
مهيب.. لججججج عوفيهاااا وامشييي شنو شسويلهااا
لذاذه.. صحت بأمل احد يخلصني..
ساعدوووونيييي رااحح اموت بيده..
گلت هيج لو قريت السلام على روحي يضرب راح قفل الباب ورجع دفرات ببطني وراجديات