في قبضة المهيب

البارت السابع

لتنسن التعليق والمتابعة 🦋

لَم أنسى قَسوة الأحداث الأخيرة،
تلكَ الَّتي جعلَتني أحذر إلى الأبد .

__________________________

اجه اتصال لأمي جاوبت بساع
ام لذاذه.. بشرررر.. صدگگگگگگك
لذاذه.. رفعت التليفون من اذنها وباوعت عليهن
ام لذاذه.. ابنكم عاييييش عاييييش
ام مهيب.. يمه وليدي بيه ولابيك يمه

بوقتها كلشش فرحت ع الأقل اخوية مراح ينسجن
امة واختة بقن ينوحن لحد ماطلعت الشمس حتى صلاه محد صلت اني اول ما اذن الاذن طفرت اصلي لحد الساعه ب 8 اجاهن ولد ينطي شبه للمهيب اخذهن وراحو اعتقد للمستشفى بقيت ادعي مايصير بيه شي لان عصام يروح بيها والله اتعجب شلون كدر يضربه مهيب جسمه ضخم وعصام مو كلش ضخامته اتصل برقمه يطلعلي مغلق ياالله عصام شسويت بروحك هاذا نذل اعرفه اذا ماياخذ حقه منك يجي عليه بس ميخالف راح اتحمل لان انت سويت هيج لخاطري وعلمود ترد اعتباري ضليت اكل بروحي من الندم اني ليش رحت وحجيت وي عصام لو ساكته ولا هاي المصيبه اجه نهاد اخوي الصغير رحت ركض
لذاذه.. هااا بشرر شلون صار
نهاد.. فات بغيبوبه
لذاذه.. عزززااا العزززاجج لذاذه والحل شنو
نهاد.. مااعرف والله بس هو هواي متأذي محترگ ومضروب ورجله مكسوره واديناته ثنينهم مكسرات
لذاذه.. منو سوا بي هيج
نهاد.. محد يدري لگو مشمور بالشارع وفزعت الناس اخذو للمستشفى من اول مااخذو هو فاقد اول ماوصل فات بغيبوبه
لذاذه.. زين شكد ويرجع
نهاد.. الله اعلم شهر شهرين سنه اكثر مااعرف
لذاذه.. لاتخوفني ان شاء الله ماكو شي
نهاد.. ان شاء الله
لذاذه.. دخت كلش امي ماكو راحت وراهم ونهاد اجه تعبان ضليت افتر بالبيت اريد شي يصبرني ماكو اهر شي كلت ماعندي حل غير ادعيله فتحت قرأن وصرت اقره بدون ملل بقيت ساعتين اقره كلبي صار يأذيني وعيوني غوشت بعد مااذكر شنو صار اسمع ضجة العالم بس احس جفوني ثگال مااكدر اشيلهن واشوف شنو كاعد يصير صوت اجهزه وناس مخبوصه مجرد اذاني تسمع صارت اذاني بيها صوت اشبه بالونين واختفت كل الاصوت بلشت اصحصح احس اكو ثگل على گلبي وعيوني وريحه كريهه فتحت عيوني شفت اجهزه طبيه واوكسجين ومااعرف شنو بجسمي ردت اصيح احد يجيني ينطيني مي بلعومي يابس شلت الاوكسجين وحاولت اكوم بس وكعت مالت المغذي دخلت امي تركض وياها ممرضه
ام لذاذه.. سلامتج يعافيتي شنو تريدين اني اجيبلج
لذاذه.. م م مي ع عطشانه.. جابتلي الممرضه مي ورجعتني لمكاني شربت وسألتهن.. شجابني هنا شصاير
ام لذاذه.. بس لاتتحركين مسويلج عمليه
لذاذه.. باوعتلها وضيگت عيوني.. عملية شنو
ام لذاذه.. قصطره
لذاذه.. گلبي يأذيني
ام لذاذه.. يابعد دگة گلبي عمت عيني عليج
لذاذه.. سالمه عينج.. عصام وينه اجه؟.. باوعت للممرضه طلبت تعوفنه وحدنه
ام لذاذه.. عصام شرد لان اذا يبقى يكتلو
لذاذه.. تكدرين تحجين ويا
ام لذاذه.. يي انطاني رقمه الجديد
لذاذه.. خابري اريد احجي ويا.. طلعت الفون واتصلت قبل مايجاوب انطتني فتح خط ويحجي بخوف
عصام.. تاج راسي انتِ مااكدر اجاوبج كلساع
لذاذه.. يروح اختك شلونك
عصام.. هلا بهوى ريتي بخير من سمعت صوتج انتي شلونج
لذاذه.. عصام دمرت روحك تدري لو لا
عصام.. لخاطرج من زمان ردت اسوي هيج جنت شاهد على كلشي يسوي بيج ومابيدي حيلي حتى استحي احجي وياج واني اخوج ومن اشوف دموعج مااخذ حقج نار جانت بيه وطفيتها وبعد ازلزل عليه وحق لا اله الا الله اخلي يحير بنفسه الخسيس
لذاذه.. لخاطري كافي مااريد يصيرلك شي بسببي
عصام.. لاتخافين عليه اشغلتهم من بعيد اصب نار الله عليهم واريد اشوف ابن امه وابو البعد يمسج بحجايه جان مابيدي حيله وهسه كلشي بيدي
لذاذه.. عصام افهم اني خايفه عليك بس افهمني لاتسوي هيج وتضيع عمرك ضام روحك منهم
عصام.. سهله لاتخلين بالج اللي تردي يصير بس ارتاحي عمليتج بعدهي جديده
لذاذه.. والله ارتاح بس لاتسوي شي مرجوعه عليك افهم خوفي عليك
عصام.. صار والله اللي تردي يصير.. هسه لازم اروح
لذاذه.. ابقى طمني عليك
عصام.. بعيوني
لذاذه.. سالمه عيونك.. سد الخط واني عيوني ماوكفت لحضه
ام لذاذه.. لاتبجين هو سوا هيج بسبب دموعج جانت نار وتنزل عليه
لذاذه.. ترديني ارتاح
ام لذاذه.. انطيج راحتي اذا تردين
لذاذه.. احجيلي شنو ضامين عليه.. دارت وجهه تريد تروح لزمت ايدها.. احجيلي الله يريح گلبج گلبي تعب احجيلي
ام لذاذه.. وضعج مايسمح لهيج موضوع
لذاذه.. لا ماراح يصير شي
ام لذاذه.. انطيني وعد مااشوفج متأذيه
لذاذه.. وعد
ام لذاذه.. قبل 16 سنه اجت دخيله لبيت ابوج وحتى يحميها عقد عليها والبنيه جانت صغيره بكد عمرج هسه ومضلومه تصير بت عم مهيب جانت حيييل حبابه مثلج اني ماهان عليه ترجع لأهلها ويكتلوها خليت ابوج يتمم زواجه منها وتصير زوجته حالها من حالي ماجانت الي نية سوء بيها والله يشهد على كل حرف كاعد احجي ورا ماتزوجو بشهر عرفنه هي حامل وحملها بي خطوره عليها لازم نختار لو هي لو الجنين حاولنه وياهت تنزل الجنين ماقبلت طلبت ينولد واذا ماتت اني اربيه خلصت فترة حملها وحيل نشلع گلبها وكلش تأذت وجابتج للدنيا طفله برائة الكون بعيونها واحنه بالمستشفى امنتج عدنا وكالت خاطرها من خاطري لاتكسروها مثل مانكسرت من اهلي اني صح ماشلتج ببطني بس شلتج بگلبي بقت شهر وانتي مافارگتي حضنها حتى من ماتت جانت حاضنتج وتشم بيج من ماتت صرتي بحضني واني الربيتج الله يشهد عليه صرتي اعز من ولدي ومن تتأذين روحي تريد تطلع حتى ابوج جان يموت عليج ماادري شنو الغيره الظاهر
اكو شي بينه وبين مهيب بس محد يعرف شنو وصار يبتعد عنج بس اخوانج وامج بقو يحبوج اكثر من قبل واذا ردتي تسئلين ليش ماجنتو تنقذوني من اصيح بيكم والله انتي بالغرفه وعصام ونهاد بالصاله يملخون برواحهم ماجنه نكدر نسويلج شي لان اذا تدخلنه مهيب ياخذج وابوج كال هو اله الحق بيها توسلت بيه يكلي ليش كتله انت مو ابوها منو اله حق اكثر من ابوها جان رده الصمت بدون جاوب لذاذه حزت بگلبي اشوفج تباوعيلي بدون نضراتج اللي كسرتني وماخلت بيه شي انتي بنتي اني اني امج
لذاذه.. جانت تحجي ودموعها تجري واني هم حضنتها بكل قوتي.. والله مهما تسوون انتو اعز الناس لگلبي صح مرات بيني وبين نفسي احجي واعاتب بيكم بس صري بمكاني شنو راح تسووين
ام لذاذه.. حقج والله حقج كلشي تسوي من حقج احنا ماحفظنه امانة امج كالت لاتكسروها واحنا دمرنا طفولتج ومستقبلج گلبي احسه راح ينفجر بكد ما اكو بيه نار
لذاذه.. شنو جان اسمها
ام لذاذه.. فرح رادت تسميج فرحه بس ماادري ليش غيرت الاسم
لذاذه.. اريد اشوفها ممكن
ام لذاذه.. يي ممكن اكو صور الها بالبيت بس نرجع تشوفيهن اكو انتي نايمه بحضنها كالت حتى تشوفني شلون مخليتها بنص روحي
لذاذه.. اني اشبهها؟
ام لذاذه.. هواي تشبهيها اصلاً امج جانت تنطي شبه لبيبيتها وهن جمالهن سلسله ماتنتهي
لذاذه.. لزمت ايدها.. رجعوني للبيت
ام لذاذه.. بعد مو هسه ماصارلج غير ساعتين من طلعتي من العمليات
لذاذه.. بقيت ساكته انطيتها وعد ماانطي ردة فعل بس والله اللي شفته منها مايفرق عن اللي راح تقدمه امي فرح بس هي مابيدها حيله واني اعذرهم