"اللهم صلي على محمد وآل محمد"
'بسم الله الرحمن الرحيم'
🦅 الكاتبة شهربان عباس 🦅
•لطفا لاتنسو التصويت
والتفاعل بين الفقرات•
✍
' الانسان الحنون دائماً 'ينامُ في اليل' ودموعهُ ُ' علا الوساده لشخص تعلق بع كثيراً '
الرواية حقيقه 100 ٪
:من اجيت للدنيا أهلي بيتهم وحدهم معزولين عن عمامي بس عمامي قريبين علينه بابه كلش متدين يخاف الله جان بابه بلجيش يداوم بلشمال عايشين عله الراتب مالته احنه اربع اخوان وست خوات خوالي عدهم كاع قريبه عله عمامي كل سنه بوكت التمر يجون يلمون تمرهم
:
:
:
:
:
:
: تجي أمي وياهم أمي حلوه عيونه خضر عله عسلي شعره بي شكار بذاك الوكت شافه ابوي تلم وي خوالي تمر عجبته دز أمه تخطبه وافقو أهل إمي تزوجو شهرين حبلت إمي جابت اختي الجبيرة سمته سارين
:
:
:
:
:
: بعد الاربعين هم حبلت جابت ولد سمته أوس جان اشكر عيونه عسلي أبيض بس عمامي شدو حرابه وي إمي مايردونه لأن دوم ساكته ماتتعارك مثل جناينهم البقيه شدت وياه بيبي إم إبوي ليش مايوم تعاركو عمامي وياهم طردوهم هيه وبابا
:
:
:
:
:
: راحو لخوالي سنه كامله عايشين عدهم أبوي كلش يحترمهم خوالي ويحبهم جدي ابو إمي انطه كاع لمي قريبه عله عمامي
ابو زينب: هاي الكاع الج ابني بيه بيت الكم.
: إمي عده ذهب هواي باعته وي فلوس أبوي بنو بيت بسيط حلو يلمهم غرفتين وهول ودوانيه ومطبخ وصحيات إمي خياطه تخيط للمنطقه مالتنه وال تحصله تساعد بي أبوي كملو البيت دارو بي بعد فتره صار عد إمي ولد سمته أنس بس طلعت الاربعين حبلت ببنيه سمته تالا
:
:
:
:
:
: أبوي محلف إمي ماتاخذ مانع حمل
أيوب: مابريج الذمه اذا اخذتي مانع.
:
:
:
: مرت اشهر هم حبلت صارت عدهم بنيه سماهه بابا تالين هم حبلت أمي بتؤؤم بنات سمتهم سيدرا و رسل ماكدرت تهتم بيهن تؤؤم تتعب ماشاء الله امي فوكه فوكه ماتنطي لروحه مجال انطت وحده لخوالي يربونه عدهم اخذو رسل من طلعت من الاربعين اخذوه ربوه عد خالتي مامزوجه وخالي يحبه ضلت رسل عدهم صارت مثل بتهم مرت السنوات صار حصار ناس كتله الجوع اني اساعد ابوي وامي يزرعون بكاع خوالي وي جدي وخوالي
.... اهل ابوي جانو يفرهدون وياكلون حرام بابا محافظ علينه مايدخل لكمه حرام النه بعد مده حبلت أمي وجابت ولد سمته أسر ابيض عيونه صفر صار وزنه خمس كيلوات جبير اختي الجبيرة سارين تساعد أمي بتربيته بل ثاني متوسط بطلوه علمود شغل البيت والجهال تساعد أمي بيهم بعد ثلاث سنوات حبلت أمي جابت بنيه سمته تاليا بعد فتره قصيره هم حبلت جابت ولد سمته أسد ب20/3جابت بعمليه وعقدت اخر العنقود أسمر مملوح مدنفش زغير البيت....
هسه نجي الي اني تؤؤم رسل الي اخذوه خوالي سيدرا اني بقيت عد اهلي اكثر وحده مداريتني وتحبني اختي سارين جنت اول ا بتدائي تقريني وتسبحني تمشط شعري رغم صغر سني بس اساعده بلكنس والمواعين خطيه اشوفه تتعب خواتي تالا هادئة وفاهيه بس تالين وكحه تتنغوص ماتشتغل انخطبت سارين من كرايبنه وافقت وصارت القسمه تزوجت كلش اشتاقله ابجي عليه وحدي متعوده عليه كلش من اجي انام اتذكره اني بلبيت دائماً اساعد أمي وابوي جان عدنه حلال اساعدهم بي واطلع وياهم للزرع .
ايوب :بويه سوسو تعالي وياي نكطع بانيه .
سيدرا : أي بابا اجيت يله امشينه .
: رحت ويه بابا لكاع خوالي النزرع بيه بانيه وطرح وخضره وجت للحلال نطلع من.3. الضهر نروح للكاع .
ايوب : يله كل واحد ماعون ويلم بلوح ويطلع بي كبل منا لمن بخلص .
باوعلي وكال
ايوب : يله بويه لمي حته باجر من ابيع اشتريلج لفه كص .
جنت كلش احبه .
سيدرا : اي بابا وياك اني المم .
ايوب : من نخلص حته نحش للبقرات خطيه ماعدهن حشيش .
بعد مده طويله خلصنه .
ايوب : جيبي المنجل خل نحش .
سيدرا : اي بابا .
: انحش هواي نترس كواني أني اتعب وياهم جنت ناعمه ماكدر بس يطلعوني اختي تالين تعاند ماتطلع تخاف من الشمس نكمل كلشي ونرجع المغرب للبيت نجيب الحشيش نرجع مشي .
زينب : كومي سيدرا صعدي الفراشات للصطح .
سيدرا : يمه والله مابيه حيل جا ماكلتي لتالين اجي تعبانه تتلكوني والله مليت تعبت .
زينب : يمه اسكتي أنه اصعدهن بس اسكتي .
سيدرا : لا اني صاعده .
: كمت كنست السطح ورشيته حته يبرد هيه الدنيه حاره منين يبرد اني انزل للمبرده من تدوي الكهرباء وبس تطفي اصعد ادحس روحي يم تالين ونام .
: كعدت الصبح من وكت غسلت تريكنه أبوي يطلع من وكت للزرع وأمي تخيط .
سيدرا : كومي تالين اغسلي المواعين .
تالين : ماريد راح اكنس .
: يافلك شو هاي جابت سعفه مال نخل كامت تكنس بيه حته تخلص بسرعه .
سيدرا : ولج تالينو جا هجي تكنسين ماينضف البيت ولج .
تالين : ماعليج بيه اغسلي المواعين وسكتي .
سيدرا : سكتت عمي شسوي أمري لله .
ابوي جاب النه تلفزيون وهاي تالين بل عطله تكابله وتكعد ابوكته جنت رابع ابتدائي وتالين سادس ابتدائي أنه من وزغيره افتر واشتغل أطلع وي ابوي للزرع اكمل خياطه ويه امي اخيط اله الدكم أرتب الملابس لو يجن نسوان لمي أطلع اطيهن الملابس جان أخوي الجبير أوس شالع كلب اهلي .......
:
:
يتبعع
:
:
:
:
:
•لطفا لاتنسو التصويت
والتفاعل بين الفقرات•
سبحان الله
استغفر الله
الله اكبر
الحمدلله
لا إله الا الله
.🦋.❤.
♡" دمتم في حفض الرحمٰن "♡
