🦅ــــــــــــــــــــــــــــ🦅
"اللهم صلي على محمد وآل محمد"
'بسم الله الرحمن الرحيم'
🦅 الكاتبة شهربان عباس 🦅
•لطفا لاتنسو التصويت
والتفاعل بين الفقرات•
✍
.♡تخسرُ اللوحات الفَنية قيمتُها أمام وَجهكِ ♡.
كملت رحت شريتهن علة الحبل
ورحت أسبح طلعت من الحمام نشفت شعري
خليت مكياج خفيف كحلة وحمرة ومورد خدود
أخذت فهد غسلتلة وغيرت ملابسة ونطيتة عصير يشرب
سيـــدرا:-فدوه أروحلـك ولك صاير تخبـل .
ضل يضحك ويصيح أيريد يطلع يلعب
فتحتلة الباب وراح يم عماتة يلعب
دائماً أخلي يمهن كلش يحبهن حتة هنة متعلقات بي بس اني
مستحيل يجي يوم يحبني بي شنو
يحبني هنة أصلن مايطيقني هههههه
من ورة أمهن اذا تعاركت ويانة وزعلت
يزعلن علينة همين والله عقول بعد الله كريم
نشوف وين نصفة
مرت الأيام دخلت بل شهر التاسع
صادف هم عاشور وقرايات بيت خالي يسون
مقتل يوم العاشر من محرم ويذبحون بقرة
التمن كلهن البنات ولشباب يغسلون
الجدورة الكبار. ولصواني
جنت لابسة فستان حوامل
او واكفة يم البنات اليحضرن مواد الطبخ
أجت عمتي وكفت يمي لزمت متوني
ودفعتني
أم أدريـــــــس:- يلـة أمشي المن وأكفة هنـا.
شفت عم أدريـــــــس أجة يمشي
سريع بتجاهنة
عم أدريـــــــس :-شبيج أدفعين بية خلية
واكفة يم البنات.
ماحاجتة متت قهرر هسة أنة شمسوية الة
كل شوية سالفة سكتت عنة ماحجيت
ماتأخرنة ورجعنة للبيت كعدت علة الجرباية
وتذكرت الموقف ضليت أبجي دموعي تصب
مقهورة ليش فشلتني كدامهم
زين ماوكعت عل كاع هسة خليني انة
ماخافت يصير شي بلطفل ولاهتمت
ابد
بيومة أحس نار تطلع من عيوني
سلمتة بيد ( رب العالمين وأبا عبدالله الحسين
علية السلام)
هوة ياخذ حقي منهن لأن بس أحجي
يكلبن السالفة علية
سلمت أمري الهم وسكتت أدري بية
تريد تقلل من قيمتي كدام الناس
أدريـــــــس ملتهي وياهم بلتحضيرات
مال يوم العاشر
للعصر رجع سويت روحي نايمة
أخذ ملابس وراح يسبح ماطول بسرعة طلع كعدت تجيت راسي علة الجرباية
أجة كعد يمي
أدريـــــــس:-هااا جنتي نايمة.
سيـــدرا:- اي نمت شوية.
