تقريبا كده والله واعلم انا نسيت اقول لأهلي
بس يعني اكيد انا اول لما اقولهم هيطيرو من الفرحه
وماما هتزغرط
وبابا هيبقا فخور بيا جدا ويغيظ عماتي بيا
واخواتي هيتفشخرو باختهم الجامده الي سافرت وعاشت حياه Strong, independent women ويحكو لعيلهم وعيال عيالهم عن خالتهم السوبر هيرو
فا خلاص انا هستنهم على الغداء واقولهم
وقت الغداء.....
اسيل: يا جماعه انا عندي حاجه اقولكم عليهم
صوت صفير الصراصير...........
اسيل: ياااااا جدعاااااان انا عندي خبر عاوزه اقولكم عليه
الام: عاوزه اي اخلصي
الاب: عملتي مصيبه اي!
منه الاخت الكبيره: صوتك عالي اوي يعني متعرفيش تتكلمي عادي
اسيل: ما انا يا فندم لما اتكلمت عادي محدش فيكم سمعنييي
المهم انا عندي ليكم خبر حلو
انا جالي وظيفه في قناه في نيويورك
الام: من الاخر عاوزه اي يعني
اسيل: لا ولا اي حاجه بطمن على سمعكم بس
يعني عاوزه يا ماما يعني ما اكيد عاوزه اروح دي فرصه العمره بالنسبه ليا
الاب: لأ
اسيل: ليه لأ حضرتك مسمعتنيش اصلا
الاب: من غير ما اسمع هو لأ
منه: يجدعان انتو صدقتوها يعني قناه في نيويورك سابت العالم دول كلهم وراحت عاوزه تشغل اسيل يعني من قله العبيد
اسيل: مش فهما وانا مالي اي عيبي علشان ميجليش وظيفه زي دي وبعدين هو في اي بالظبط ده على فكره انا عديت 21 واقدر اسافر لوحدي يعني وكان ممكن اعمل كده من غير ما اقولكم عادي يعني ولا كنتم عرفتم ولا حاجه ولا عرفتم انا رايحه فين ولا جايه منين هو تقريبا غلطتي اني الاول جيت اشوركم واخد بنصحتكم صح
الاب: صح كنتي مشيتي كان هيبقا عندي بنتين بس على الاقل في منهم فايده عنك
اسيل: انا اسفه اني مليش فايده واسفه اني جيت وبقيت بنتك التالته بس احب افكر حضرتك اني مش بايدي ده وانا اهو بحاول بكل بساطه اكون ليا فايده وابعد كمان
الاب: شكرا انا عاوزه قدامي هنا احسن ما تبعدين وتبقي عار عليا انا واخواتك
اسيل: انا مش فهما انت ازاي بتفكر كده حتي
انا عملتلك اي لكل ده انا عملت اي للمعامله دي عاوزه افهم غلط في اي علشان استاهل كل ده
الام: انتي ازاي بتكلمي بابكي بالطريقه دي انتي مشوفتيش تربيه في حياتك
الاب: صوتك ميطلعش واحترمي نفسك واقفلي الموضوع ده احسن ليكي
الام: خلصي اكلك وخشي على اوضتك
وقمت يا سيدي قايمه ومشوحه بي ايدي كده واكلت حتت الفراخ بتاعتي منا اكيد مش هسبها يعني وشربت طبق الشوربه على بوق واحد وقومت داخله الاوضه وقافله على نفسي فيها افكر في اني انا قد اي مصيبه اني عرفتهم خططتي التانيه بالسهوله دي وندمانه ندم شديد علشان كان نفسي اكل من كيكه الشكولاته والعصير الي في التلاجه علشان زمنهم سقعو
المهم خلينا في موضوعنا قعده افكر افكر اقنعهم ازاي وملقتش غير ابن عمي القمر الي ابويه بيحبه علشان يقنعو ابن عمي عادل الي ابويه بيعتبره زي ابنه بالظبط علشان بابا مخلفش صبيان المهم رنيت عليه والا اني اسمع الكلمه المفضله عندي في الازمات
رصيدك خلص بس الكلام لسه مخلصش......
كان هاين عليا اعيط (◉‿◉)
والواي فاي مفصول ولسه عاوز يتشحن وعيله اخر فقر
قعده ابعتله كلمني شكرا بس البعيد. غبي
لحد ما اخيرا رن عليا
عادل: اي اي يا زنانه في اي
اسيل: عادولتي
عادل: استر يارب
اسيل: عادل حبيبي انا وقعه في مشكله ومحدش هيحلهالي غيرك
عادل: اشجيني
بعد ما حكيت للباشا من طق طق لسلامه عليكم
عادل: ههههه هموت انتي متخلفه يا بنتي في حد يبقا هيهرب فا يقول انو هيهرب وبعدين بدل نا تقنعيهم براحه تروحي تقولي كده انتي مجنونه هههه
اسيل: بطل رخامه بقا بالله عليك مش نقصاك هي
هااا يعني هتكلم بابا ولا اي
عادل: سيبي يا ست البنات الموضوع ده عليا بس بشرط
اسيل: انت تؤمر كده شوبيك لوبيك
عادل: عاوز حله ورق عنب من ايدك قبل ما تسفري
اسيل: يعم ده انت تؤمر ده انا اعملك شوال ورق عنب يعم هاتلي شجره وانا اعملهالك انت تؤمر كده تؤمر
بعد ما قفلنا المكالمه بساعتين بالظبط بابا اخيرا نده عليا وقالي تعالي
وقعدنا وبعدين سالني عن تفاصيل الوظيفه دي
وقولت ليه بكل صدق
انها وظيفه ثبته
( وده كذب ده هو عقد تجريبي لمده سنه)
وانو في سكن تبع القناه
(وده بردو كذب واني انا الي لفيت لحد ما لقيت سكن)
واني السكن في معايه بنات بس
( وانو ده طبعا طبعا كذب انا في شقه في عماره مشتركه يعني كده كده )
مش ده المهم المهم اني ابويه اقتنع اخيرااا
انا مش عارفه ابن الذين ده عمل كده ازاي وقال اي بس كل الي بفكر فيه دلوقتي هو هل يا تراى لسه في كيكه في التلاجه طيب والعصير خلص ولا عملو حسابي واه محتاجه افكر فاني اتهرب ازاي من حله المحشي دي؟!!
أنت تقرأ
IN MY HOME
Romansaهل ممكن.... هل مسموح...... هل يجب فعل ذالك.... ولما لا نحن هنا فا كل شئ مباح......
