توضيح بسيط لعلاقتي بأهلي
علاقتي انا وبابا....
دايما بتجمعني بيه علاقه متوتره بما اني من صغري مش بشوفه كتير في البيت ولما بيبقا موجود فا هو بالنسبه ليا ناقد محتوى بارع حرفيا
اي محتوى
حتي لو كان طريقه لعبي فا كان دايما بالنسبه ليا هو شخص مرعب هيجي ينال مني لو مصلتش كل فروضي ولو مكملتش صيامي ولو عملت اي غلط
حتي لو ابسط غلط وهو اني اقطف ورده دايما كان نفسي اظهر قدامه بصوره Perfect ولاكن للاسف دايما منه اختي سابقه بخطوتين وندى اختي الصغيره سابقه بتلاته مش عارفه ازاى هما فعلا احسن مني ولا هما بس شطرين فى التظاهر فا انا دايما كنت بسبقهم في الوضوء وبسبقهم في الصلاه وبحاول علطول اساعد الي بيحتاجني ازاى كان بابا موجود او لأ في حين انهم مش بيعملو كده غير في وجود بابا بس
ويمكن علشان كده بابا شايفهم دايما احسن مني لدرجه انو شايفهم مؤمنين اكتر مني مش فهما بس ازاي هو سمح لنفسه انو يحكم على علاقتي بي ربنا
مع ذالك انا عمري ما قدرت ادخل معاه في نقاش واحد او اني احاول اقول ليه عن وجهت نظري في اي موضوع في الحياه لانو دايما هيطلعني غبيه وجهله ومنه وندى احسن مني ومحتاجه اتعلم منهم
علاقتي ب منه ....
هي ممكن تكون من اوحش العلاقات في الدنيا تجمعني بيها سلسله الصدمات النفسيه من ايام الطفولة المرهقه ولحد ما كبرنا دايما بتحسسني اننا في سباق واني اقل من اني اقعد اتفرج عليه حتي وايما بتقعد تمثل دور الاخت لما تبقا عاوزه حاجه او كمان عاوزه تاخد مني معلومه هتروح تقولها لامي وابويا علشان تثبت جدارتها كا اخت كبيره المشكله مش هنا المشكله اني كل مره بصدقها وأمن انو ممكن يبقا عندي اخت اهو وانو ممكن تكون اتغيرت واخيرا هنبقا كويسين سوا لدرجه اني بقيت اخاف منها او من وجودها في محيطي
علاقتي بندى....
فا علاقتي بيها كويسه الفكره بس انو دمغنا مش شبه بعض وهي البنت المفضله لماما فا بتفضل تقعد مع ماما احسن من انها تيجي تقعد معايه ممكن بس لغتنا مش متشبها فا علشان كده مش بنتكلم كتير بس على الاقل هي مش بتتخانق معايه علطول
علاقتي بأمي....
هي احسن واحده في البيت فا انا بحبها وبحترمها جدا دايما هي شخصيه قويه دايما كل مجهودها في البيت تعبت معايه فعلا علشان توصلني للنقطه دي وهي الوحيده الي كانت بتشجعني وهي الوحيده الي كانت شهداه على تعبي في دراستي وفي حياتي اي نعم مكنتش بتتكلم او بتحميني من ابويا لما يجي يضربني بس كانت بتوسيني بعدها وتهديني وممكن انا بس كنت محتاجه شاهد لحياتي معاهم وكنت دايما بشوف النظره دي في عيونها انها مش قدره تعمل حاجه مع انو نفسها
علاقتي بالتلاجه....
ودي بقا اهم واحده في البيت فا انا كل ما كنت بتضرب او ازعل او افرح او اي حاجه بروح المطبخ والقيها واقفه هناك بتفتح ليا ايديها وبتقولي تعالي افتحيني وكلي وكل همومي كانت بتتشال لما كنت بروح اخد منها الاكل واطبخ بليل واكل لوحدي بهدووء وانا بشكر في اكلي جدا من الاخر التلاجه هي احن حد عليا في البيت ده
علاقتي بصلاتي....
رغم اني كل معرفتي عن ديني كان برهاب الكمال وانو لازم اصلي واصوم واحفظ قرأن من غير اساله لانو حرام رغم اني جت عليا فتره كنت حاسه انو ده غلط واني معلوماتي كلها غلط ولما بدأت اتعلم واعرف اكتر عن ديني وعن ربي انا فعلا حسيت كاني اخيرا لقيت حد يسمعني واتكلم معاه من غير ما يفتن عليا او يصدر عليا اي احكام لقيت مكان يقدر يحميني من اي حد في الدنيا كلها من وقتها وبقيت علاقتي بصلاتي هي احن واحسن علاقه في حياتي كلهاا
أنت تقرأ
IN MY HOME
Romanceهل ممكن.... هل مسموح...... هل يجب فعل ذالك.... ولما لا نحن هنا فا كل شئ مباح......
