IN MY HOME

Bart 3

الحمد لله
بعد اسبوع شاق مع اهلي في البيت وبعد ما بابا ذلني بكل قرش ادهوني علشان السفر ورغم تهديده المستمر ليا لو ما التزمتش بصلاتي وبحجابي وبلبسي الفضفاض انو هيجي شخصيا ياخدني وبرغم عيط امي المستمر علشان انا هسيب البيت ومحدش هيساعد معاها في البيت

واي ده الله في نظره حسره وغيره على وش منه اختي الي كانت فاكره انو اكبر انتصار للمرأه هو الزواج وانها انتصرت لما اتجوزت
الله لو كنت اعرف كده كنت سافرت من زمان

برغم كل ده فا انا حاسه باحساس كويس اني هما اخير شافوني واخيرا كل ما بامشي في البيت في حد بيتكلم معايه  حتي اني هما بداءو يصلو معايه جماعه ودي حاجه حلوه اوي بجد في حد مهتم بيا وبوجودي واخيرا الحمد لله جيه اليوم المنشود انا هسافر كمان يومين

لقيت شقه تحفه ووسعه وجميله بسعر خرافي من سمساره اونلاين ومن كتر ما هي تحفه كانت هتتاخد بس الحمد لله انا ناصحه بردو وقعت العقد اونلاين ودفعت الفلوس فاضل بس اروح اخد المفاتيح وانتقل للعيش فيهاا انا مبسوطه جدا بالقرار ده واني اخيرا هتحرر من احساس انعدام الشخصيه ده

قبل السفر بيوم اجتمعو عيلتي كلهم علشان يودعوني عماتي وخلاتي كلهم هنا علشاني انا بس كلهم شايفني انا بس

فرحه وضحك والي بينصحني والي بيقولي ليا معلومات والي بتقولي علا ضرورت اشياء اخدها معايه واني مستحيل اعرف اعيش براحتي في امريكا لانها مش شبهنا رغم كل ده من مشاهده الافلام والمسلسلات انا عرافه اني هي دي الحياه الي انا عاوزها هي دي البلد الي محتاجه اعيش فيها فعلا

جه اليوم المنتظر وانا قدام المطار مع ابويا وامي وعادل وندى اختي منه مجتش معانه علشان هي مش فاضيه بس حلو في ناس هنا جايه تودعني انا

امي:  خدي بالك من نفسك اوعي تخلي حد يلمسك وافتكري انو حرام تسلمي حتي على راجل اوعي تاكل بره بيتك انتي مش ضامنه الاكل في اي حرام ولو هتاكلي في مطعم اتأكدي الاول انو الاكل حلال اوعي يا اسيل ثم اوعي تتكلمي مع حد. غريب او تدخلي لجاره او تأكلي او تشربي حاجه من ايد اي حد فهماني البلد دي عنصريه ومش بيحبونا

وبعدين ماما قعده تعيط تاني او عاشر مش فاكره

بابا:  اول متروحي تاكد عليا موعيد شغلك علشان ارن عليكي فديو اول ما تصحي واول ما تروحي انا ظبطت الساعه بتعتي على توقيتك هرن عليكي في اي لحظه وكل لحظه علشان اشوفك فين واياكي تكوني مش في البيت 12 ساعه بالظبط وهرن عليكي تكوني فتحتي الفون 13 ساعه هرن هليكي تكوني في السكن وتصوريه ليا خلاااص

طبعا كان بيتكلم وعينه تقريبا هتطلع ليزر ومش فهما هو خايف عليا ولو هو بيهددني ولا اي بالظبط في اي

عادل:  اهم حاجه تحولي تتأقلمي ومتخليش حد يتعده حدوده معاكي في قانون هناك ضد التنمر على الموظفين متتردديش تروحي السفاره في اي وقت علشان تبلغي تمام

اسيل:  حاضر حاضر حاضر متقلقوش يا حبايبي انا مش طفله هاخد بالي من نفسي واهي تجربه انا مش مجبره اكملها للاخر لو تعبت هرجع في اي وقت

(طبعا كذب انا يستحيل ارجع لو هشتغل زباله هناك)

اسيل:  وانتي يا ندوش مش عاوزه تقولي حاجه

ندى:  لا اشطا عيشي حياتك

كما هو متوقع من ندى يعني

المهم اخدت شنطي وبداء اتوجه نحيت المطار وادخل وانا قلبي هيخروج مني اصلا وحاسه اي عاوزه اعيط وارجع لحضن ماما بس بصراحه التذكره غاليه يعني على الاقل لازم اروح

الحمد لله بمساعده بابا الفيزا كانت سهل والتذكره وكل اوراقي كانت جهزاه بسهوله لا توصف

ركبت الطياره وكنت متحمسه اوي كانى عيله صغيره وكان نفسي الطياره تمشي بسرعه واول ما الطياره بداءت تتحرك حرفيا قرأت كل القران الي حفظته واستشهده بتاع 25 مره وكنت حاسه طول 12 ساعه اني الطياره هتقع واني هموت

وصلت اخيرا