زرقاء اليمامه

part 1

                             بسم الله

                         زرقاء اليمامه

                     بقلم الكاتبه: ايليا

*********************

مو بيدي من ابتسم كلما حجوا عنك
بس انت ضحكت طفل ما ينشبع منك

**********************

نيران:-جنت طالعه اشتري من الاسواق وبرجعتي شفت سياره سوده ما هتميت وصلت للبيت طبيت شفت الساعه 10صبح ولكيت امي طالعه من المطبخ شافتني وكالت

فاطمه:-هاا ولجج وين جنتي طالعهه خوفتيني عليج

نيران:-يمهه شبيج جنت رايحه للاسواق ويمهه تره اني رابعه كليه ليش امحسستني ب اول لو رابع ابتدائي

فاطمه:-ايي بعدج صغيرهه بنيتي اني خايفه عليج بعد مطلعين اذا متكولين

نيران:-تمامم بعد ما اطلع اذا ما اكلج هاا هيج زين

فاطمه:-ايي عفيه يلهه روحي شوفي اخوج مرتضى كعد لو لا

نيران:-تمام. كمت صعدت و لكيته كاعد و يباوع بالمبايل

:-ولكك اذا كاعد ليش متكول لامي خلتني اصعدلك

:-ولجج شبيج هستوني كعدت شبيجج

:-ايي يلهه كومي اتريكك اكلك ساعه بيش اتروح للداوم

:-بال2 ليشش

:-جاي اسال شبيكك

:-تمامم

نيران:-عفته ورحت حتى اكل الحلويات واني افكر بسياره السوده بعدين نفيت الافكار و شغلت المبايل و شفت الكروب مال جامعه مابي شي رجعت طفيت المبايل وضليت اكل من خلصت كمت حتى اقرا للامتحان وضليت اقرا الحد ما صار الظهر عفت الكتب و كمت اتوضيت وصليت ونزلت شفت امي جاي اصب الغده

:-هااا شلونج فوفههه

:-ولجج عيب اشايفتني بعمرج انيي

:-هسه شبيج ضجتي فوفههه يله وخري خلي اصبب

:-لااا انتي اتخيطين وتخربطين اني اسرعع انتي بس افرشي السفره علمود اخوج ياكل و يطلع

:-انتي بس تحبين مرتضى و متحبيني

-اخذت السفره من جراره ورحت للصاله وفرشتها وكمت انقل الماعين للسفره ونزل مرتضى واجت امي وكعدنه ناكل

:-يلهه يمهه اني اروح للشغل تردين شي

:-لا يمه روح الله ومحمد و علي وياك و الله يبعد عنك كل شر يارب

:-يمهه ليش تدعيله بس الهه شو اني متدعيلي من اطلع للجامعه

:-حتى انتي ادعيلج ويله كومي خلي انشيل الماعين