زرقاء اليمامه

part 3

بسم الله

زرقاء اليمامه

بقلم الكاتبه: ايليا

*********************

نيران:-مرتضى مرتضى تسمعنيي مرتضى

مرتضى:-ني نيرانن

نيران:-عيونهاا

مرتضى:-ديربالج على اميي و يدربالج على نفسجج يابعد اخوجج اخخخ

نيران:-لا تكولل هيجج انت كلشي ما بيككك. لا تحجيي

_كمت اصيح اريد بس احد ينقل اخويه المستشفى و حمدلله اجه جيرانه ابو احمد نقل اخويه بسياره و راحوا ويا اولاده احمد و محمد لان مكدرت اروح و ابقي امي وحدها و جوارين راحوا لبيوتهم و طبينه اني و امي

نيران:-يمهه نامي و ارتاحي مرتضى مابي شيي لا تخافين

فاطمه:-اشلون ارتاح و انام و ابني بالمستشفى

:-زين بس ابلعي دواج مو زين عليج اذا متبلعي

:-ما ابعله تعرفين اذا بلعته انام واني ما اريد انامم

:-يمهه حبابه الله يخليج ابلعي داوج ولاتخافين بس مرتضى يصير زين اكعدج و انروحلهه يله يا يمهه

:-ما ابلع الدوه لا تعاندينن كتلج ما ابلعهه

:-يمههه الخاطر مرتضى اذا تحبينه ابلعيي دواج

:-راح ابلعه لخاطر مرتضى وحبابه نيران اذا صار زين كعديني انروحلهه حبابه

:-بعينيي تأمرين يله اخذي دواج و نامي مثل مكتلج اني اكعدج

_صدك اخذت الدوه و نامت واني كمت سبحت وصليت

وكعدت منتضره اتصال بس ماكو الحد العصر تقريبا بال5 وربع او اقل اندكت الباب وعرفت اجه ابو احمد اولاده كيفت عبالي وياهم مرتضى بس من فتحت الباب و شفت وجهم وعيونهم حمر انخمش كلبي وكلت بصوت مهزوز

نيران:-عميي لعد مرتضى ويننن

ابو احمد:-اخخ يابنيتي ما اعرف شكلج

نيران:-عميي لا تكول شي بس كول مرتضى وين وليش عيونكم حمر عممي مرتضى بي شيي

ابو احمد:-بنيتي مرتضى اخوجج ممات مات

_هوه كال هيج واني ضليت صافنهه وراسا فزيت على صريخ امي وهيه تبجي و تلطم ركضت عليها وحجيت

:-يم يمههه لا تبجين مرتضى مابي شي ايي ايي مرتضى مابي شيي هوه عايش و راح يرجععع يمهه

:-يمههه مرتضى ابنييي راححح ابنييي راحح و عافنييي ما شبعتتتت منههههههه

_امي كالت هيج و استوعب مرتضى مات يعني بعد ما اشوفهه كمت اضرب بخدي و احجي